Daniyeli 1:19 - IBAYIBOLO 2024

¹⁹ U mwene akanenezannya nabo, po akagha ukuti atakabapo nayumoyumo uwakuyana nu Daniyeli nu Hananiya nu Mishayeli, sona nu Azaliya, po bakanda pakumubombela u mwene.

Daniyeli 1:19 Iomraidhean Croise

Ubwandilo 41:46

U Yosefu akaba na maka 30 pakabalilo kako akanda pakumubombela u Falabo. Po akendela ichisu chosi chila.

1 Abamwene 17:1

Pakabalilo kalakala umulaghuzi u Eliya umu Tishibi uwamu Giliyadi akamubuzya u mwene u Ahabu akati, “Nkulapa pamaso pa Mwene u Chala umumi uwa Izilayeli, yuyo nkumubombela ukuti patakwiza pakubako inganda pamo ivula amaka matatu ghagho ghakwiza.”

Ivyili 22:29

Nanti ukubomba imbombo zyako akiza bulo, kokuti ukwiza pakubabombela abamwene, sona utakwiza pakubabombela abantu bulo.

Yelemiya 15:19

U Mwene akamula akati, “Nanti mwapinduka, nkwiza pakubapokela ukuti mumbombelaye. Nanti mukunena vivyo vibaghiye, amazyu agha mwalwemwalwe awe, po mukwiza pakuba mwe balaghuzi bane. Baleke abantu banaba banyokele kukwako, loli awe utakanyokelaye kukwabo.

Daniyeli 1:18

Bo akabalilo kafika kako u mwene akakasala akakuti abalumendo bala bizaye kunyumba iya bumwene, usongo uwa makambala yula akiza nabo pamaso pa mwene u Nebukadineza.

Daniyeli 1:4

Banaba bakaba balumendo babo batakaba ni chilema nachimochimo, bakaba bakuboneka akiza na bamahala na bakumanyila lubilolubilo na bankalo inyiza, sona babo bangabomba imbombo munyumba iya mwene. U Ashipenazi akamanyisya pakubelenga na pakusimba ineno iya muchisu icha Babiloni.

Daniyeli 1:5

U mwene akalamula ukuti babapanje ichakulya chicho akalyanga sona nu vinyo yuyo akang'welagha. Akalamula sona ukuti bamanyile amaka matatu, po nanti bamala pakumanyila, bamubombelaye u mwene.

Daniyeli 1:6

Bamo aba balumendo bala bo aba: U Daniyeli nu Hananiya nu Mishayeli nu Azaliya, sona bosi bakaba ba muchisu icha Yuda.

Daniyeli 1:7

Usongo uwa makambala yula akabita abalumendo bala amatabwa aghanji. Amatabwa ghabo ghakaba gho agha: U Daniyeli akaba we Belitishazala, u Hananiya akaba we Shadilaki, u Mishayeli akaba we Meshaki, sona u Azaliya akaba we Abedinego.

Daniyeli 2:13

Po ululaghilo lukafumuziwa ulwakuti abantu abamahala baghoghiwanje, sona bakabatuma abantu pakumulonda u Daniyeli, poka na bamanyani bache bala ukuti baghoghiwanje.

Daniyeli 3:29

Polelo nkudumula ukuti nanti balipo abantu aba inko yimo nuluko pamo ineno iyakulekanalekana, yikumusamula u Chala uwa Shadiliki nu Meshaki, sona nu Abedinego, yidumuliwanje mutuvigaba, sona yope ni nyumba yabo yimongoliwanje, pakuti atalipo uchala uyunji yuyo angapoka ngati bunubu.”