Amosi 9:8 - IBAYIBOLO 2024

⁸ Naloliloli amaso agha Mwene Uwamaka Ghosi ghakubwennya ubumwene bubo bukubomba imbibi. “Nkwiza pakubuzimizya pachisu ichapasi, loli ntakwiza pakubananganizizya zila abamunyumba iya Yakobo.” U Mwene anena.

Amosi 9:8 Iomraidhean Croise

Ubwandilo 6:7

Akati, “Nkwiza pakubazimizya zila abantu bosi babo nkabapela. Nkwiza pakuvizimizya sona ivinyamana ni viyuni sona ni vinyamana ivyakwavula pachifukwa ichakuti indi ni chitima ukuti nkavipela vyosi vinivi.”

Ubwandilo 7:4

Pakuti bo ghachilapo bulo amasiku seveni, nkwiza pakutuma ivula yiyo yikwiza pakutima pachisu ichapasi, amasiku 40, umusanya nu busiku, umwakuti izimizye ivintu vyosi ivya bumi vivyo nkavipela.”

1 Abamwene 13:34

Iyi yikaba mbibi yiyo abamunyumba iya Yelobowamu bakabomba. Ichi cho chifukwa abamunyumba yache bakananganika nukuzimila pachisu ichapasi.

Ivyili 15:3

Amaso agha Mwene ghakwennya posi na posi, ghakubenelezya ababibi na biza bulo.

Ivyili 5:21

Pakuti u Mwene akuzyennya imbombo izya muntu, sona amaso ghache ghakwennya akendele kache kosi.

Yelemiya 30:11

Indi poka namwe sona nkwiza pakubapoka. Nkwiza pakuzinangannya inko zyosi, kuko nabanyampanizizya, loli amwe ntakwiza pakubananganizizya zila. Nkwiza pakubapa amafundwe nubwanaloli, ntakwiza pakubaleka bulo ukusita pakubafunda.”

Yelemiya 44:27

Nkwiza pakwenelezya ukuti imbabombele ichintu ichibibi, ntakwiza pakubabombela inyiza. Aba Yuda babo bali mu Ijiputi bakwiza pakuzimila nu bwite nizala mupaka bosi bananganike.

Yelemiya 46:28

Wee Yakobo umubombi wane, utakanyilaye, pakuti indi poka namwe sona nkwiza pakubapoka. Nkwiza pakuzinangannya inko zyosi, kuko nabanyampanizizya, loli amwe ntakwiza pakubananganizizya zila. Nkwiza pakubapa amafundwe nubwanaloli, ntakwiza pakubaleka bulo ukusita pakubafunda.”

Yelemiya 5:10

“Buka nukughanangannya amampesya, loli mutakaghanangannye nkani. Dumulannya isamba zyache, pakuti abantu banaba bate ba Mwene.

Hoseya 1:4

U Mwene akamubuzya u Hoseya akati, “Umwite ukuti we Yezileli, pakuti lunulu bulo nkwiza pakubafunda abamunyumba iya Yehu, pachifukwa icha kukupula ibanda mwikombe ilya Yezileli, sona nkwiza pakubumazya ubumwene ubwa Izilayeli.

Hoseya 1:6

U Gomeli akamela sona ulwanda, nukupapa umwana umulindu. Po u Mwene akamubuzya u Hoseya akati, “Umwite ukuti we Lo Luhama, pakuti ntakwiza pakuba nichililizi sona naba Izilayeli ukuti imbahobokele.

Yoweli 2:32

Umuntu wesi yuyo akulabila mwitabwa ilya Mwene akwiza pakupokiwa. Pakuti pighamba ilya Ziyoni na mu Yelusalemu mukwiza pakuba ubupoki, ukuyana namumo u Mwene anenela pakasi pabantu abakupona, pakwiza ukwaghiwapo babo u Mwene akubitizya.”

Amosi 3:12

U Mwene akuti, “Ngati mumo umudimi akufyulila intapatapa zibili kumulomo uwa nkalamu, pamo akachigaba aka ikutu ilya ng'ozi, momumo aba Izilayeli bope bakwiza pakupokeliwa, babo bakwikala mu Samaliya pakutuzya mulubazu muvitala vyabo, sona na pavitengo vyabo mu Damasika.”

Amosi 7:17

“Polelo u Mwene akuti, ‘Umuchi wako akwiza pakuba we malaya mukaya akakulu nkani, sona abana bako abalumendo na balindu bakwiza pakughoghiwa nupanga. Ichisu chako chope chikwiza pakupimiwa nukugabiwa, sona amwe mwebene mukwiza pakufwila muchisu chicho chitamumenye u Chala. Aba Izilayeli bosi bakwiza pakuba bazya, kubutali ni chisu chabo.’ ”

Amosi 9:10

Ababomba mbibi bosi pakasi pabantu bane, bakwiza pakufwa nupanga, sona abantu bosi babo bakuti, ‘Chitalipo nachimochimo ichibibi ichakutuwila pamo ukuti ubupalapala butuwile.’ ”

Amosi 9:4

Napapo bangalemiwa pakuba bazya na balwani babo, kulakula nkwiza pakulamula ukuti baghoghiwe nupanga. Nkwiza pakubalolotela ukuti imbabombele ichintu ichibibi, ntakwiza pakubabombela ichiza.”

Ukukumbusya Amalamulo 4:31

Pakuti u Mwene u Chala winyu we Chala uwachisa, atakwiza pakubaleka mwebene pamo ukubanangannya pamo ukuluvya ulufingo lulo akafingana na banyenya binyu pakulapa ichilapo.

Ukukumbusya Amalamulo 6:15

Nanti mukubiputa abachala abanji, ubukali ubwa Mwene bukwiza pakubanangannya, sona bukwiza pakubazimizya muchisu ichapasi, pakuti u Mwene u Chala winyu, yuyo ali pakasi papinyu we Chala uwa buzuba.