Amosi 9:7 - IBAYIBOLO 2024

⁷ U Mwene akuti, “Nkimba amwe te mwe ba Izilayeli, babo bayanite bulo na bantu aba ku Etiyopiya? Fwandi te nene nkabefyamo aba Izilayeli muchisu icha Ijiputi, naba Filisiti muchisu icha Kileti sona naba Siliya muchisu icha Kili?”

Amosi 9:7 Iomraidhean Croise

2 Abamwene 16:9

U mwene uwamu Asiliya u Tigilati Pileseli akamwamula u Ahazi pakulwa ubwite nakaya akakulu nkani aka Damasika nukukafyula. Akabasenda abantu babo bakikalagha mulamula nukubuka nabo ku Kili, sona akamughogha u mwene u Lezini.

2 Imbili 14:12

U Mwene akabapota aba Etiyopiya pamaso pa Asa na bantu aba mu Yuda. Po aba Etiyopiya bakachimbila

2 Imbili 14:9

U Zela uwamu Etiyopiya poka na basilikali bache abinji nkani, ni ngolo izya bwite 300 bakiza mupaka ku Malesha pakulwa ubwite.

Ukufuma 12:51

Pisiku lilalila u Mwene akabefyamo aba Izilayeli mu Ijiputi ukuyana nu tubukatila twabo.

Yesaya 20:4

Umu momumo u mwene uwa ku Asiliya akwiza pakuchisendela ichisu icha Ijiputi nicha Etiyopiya kubuzya, akwiza pakuvipela ukuti vyendaye nkule sona nyayo zyene, abasongo na banadi ukuti bakoziwanje isoni.

Yesaya 22:6

Abasilikali aba chisu icha Elamu bakiza, bo bakwelite pafalasi, munyobe zyabo bo balemite ubwele ni mpalala, po abasilikali aba ku Kili bakiyannya, bo bali ni ngulu.

Yesaya 43:3

Pakuti ne Mwene, u Chala winyu, Umuzelu uwa Izilayeli, Umupoki winyu, nkwiza pakukupa u Ijiputi pakubapoka amwe, u Etiyopiya nu Seba mubuzilo bwako.

Yelemiya 13:23

Nkimba umu Etiyopiya angawandula umubili wache, pamo nkimba uzyela angaghandula amabala ghache? Nkimba po mwatinji mungabomba bulibuli ubwiza mwe mwizubiye pakubomba ububibi?

Yelemiya 47:4

Pachifukwa ichakuti isiku lyafikila ilya kubanangannya aba Filisiti bosi sona nukubamala bosi babo bakapona, babo bangamwavwa u Tile nu Sidoni. U Mwene ali papipi pakubanangannya aba Filisiti, abakusyalako babo bakafuma mulubuzu ulwa Kileti.

Hoseya 12:13

U Mwene akabefya aba Izilayeli muchisu icha Ijiputi, pakubabombezya abalaghuzi, akabasungilila akiza nkani.

Amosi 1:5

Nkwiza pakuzipyolannya impingwi izya milyango iya Damasika, sona nkwiza pakumunangannya u mwene, yuyo akwikala mwikombe ilya Aveni, sona na yuyo akulaghila mu Beti Edeni. Abantu aba mu Siliya bakwiza pakubuka kuchisu icha buzya icha Kili.” U Mwene anena!

Amosi 2:10

Nkabefyamo mu Ijiputi, nukubalongozya munkolongo amaka 40, sona nkabapa ichisu icha ba Amoli.

Ukukumbusya Amalamulo 2:23

Ichintu ngati chinichi chikabombiwa pakabalilo kako aba Kafitoli aba mu Kileti babo bakachifyula ichisu chabo nukubanangannya aba Avimu, babo bakikalagha mutwaya tosi utukulu utupalamani utwa Gaza.