Amosi 9:11 - IBAYIBOLO 2024

¹¹ U Mwene akuti, “Pisiku lilalila nkwiza pakunyosezyamo ubumwene ubwa Devedi bubo buli ngati nyumba yiyo yighuye. Nkwiza pakuluzenga sona ulubumba lwache, nukuyannya sona mumo lwamongoka po nukuzenga sona ngati mumo lukabela kale,

Amosi 9:11 Iomraidhean Croise

Yobu 1:10

Nkimba te pachifukwa ichakuti ukumuzighilila yuyo poka na bamunyumba yache sona ni vintu vyache vyosi vivyo ali navyo? Awe umusayite nkani pazyosi zizyo akubomba, umwakuti ing'ozi ni ng'ombe zyache zinyamite pachisu chosi ichapasi.

Masalimo 143:5

Nkughakumbuka amasiku aghakale, nkuzyinong'ona imbombo zyako zyosi, sona ni mbombo izya nyobe zyako.

Masalimo 80:12

Nkimba choni chicho walumongolannya ulupaso lwache, umwakuti bo abantu bosi babo bakudumusannya palapala bayabayepo ivikomwa vyache?

Masalimo 89:40

Walumongolannya ulubumba lwakaya kache akakulu, amalinga ghosi ghaba visami.

Yesaya 16:5

Ichitengo icha bumwene chikwiza pakwikalana mulughano, po weka uwa luko ulwa Devedi akwiza pakwikalapo mubusubiliwa, akwiza pakulongela mubwanaloli sona walubilolubilo pakubomba ubugholosu.

Yesaya 5:5

Nkwiza pakubabuzya zizyo nkwiza pakubomba, nu mughunda wane uwa mampesya. Nkwiza pakwefyako ulubagha lulo lughuzyunguliye, nukulumongolannya ulubumba lulo lughuzighiliye, po ghukwiza pakukanyankiliwa

Yesaya 58:12

Abantu bako bakwiza pakuzenga sona inyumba zizyo zikalekiwa pakuba visami, nukuzenga palwalo ulwa kale, mukwiza pakwitiziwa ukuti abayannya ivibumba ivyakuwa, abayannya inyumba izya kupankuka.

Yesaya 63:11

Po abantu bache bakaghakumbuka amasiku aghakale, amasiku agha Mozesi na bantu bache Nkimba ali kokwiyi u Mwene, yuyo akabapoka panyanja, poka na badimi aba mudimo wache? Nkimba ali ko kwiyi u Mwene, yuyo akabika Umuzimu Umuzelu wache pakasi papabo,

Yesaya 65:9

Mwa Yakobo mukwiza pakufumamo abaluko, sona aba mu munyumba iya Yuda, bakwiza pakusenda ichisu icha maghamba. Abantu bane abasaliwa bakwiza pakubapyana, sona ababombi bane bakwiza pakwikala kulakula.

Yelemiya 18:9

Sona nanti pakabalilo akanji nkufumusya ukuti uluko pamo ubumwene bukwiza pakwanda nukwikalana,

Yelemiya 30:9

Mubuzilo bwache bakwiza pakumubombela u Mwene u Chala wabo, sona nu Devedi u mwene wabo, yuyo nkwiza pakubasalila.

Yelemiya 46:26

Nkwiza pakubabika munyobe izya Nebukadineza u mwene uwa chisu icha Babiloni sona na munyobe izya makambala ghache babo bakulonda pakubunangannya ubumi bwabo. Bo pachilapo akabalilo, ichisu icha Ijiputi chikwiza pakuba na bantu ngati mumo chikabela nabo pakwanda. Ane ne Mwene nanena.

Nkuto 5:21

Wee Mwene tunyosezye kukwako, umwakuti tunyokelemo sona, amasiku ghitu ghabanje ngati gho ghakale ghala.

Ezekiyeli 17:24

Amakwi ghosi agha mumughunda ghakwiza pakumanya ukuti ane ne Mwene. Nkwisya ikwi itali, nukulipela ikwi ipimpa pakumela. Nkumizya ikwi ibisi nukulipela ikwi ilyumizu pakuba libisi. Ane ne Mwene nanena sona nkwiza pakuzibomba.’ ”

Ezekiyeli 36:11

Nkwiza pakubabalizya abantu bane ni vinyamana, sona bakwiza pakupapa abana abinji. Abantu babo bakwikala pakasi papinyu nkwiza pakubabalizya ngati mumo bakabela kale sona ivintu vikwiza pakubendelagha akiza ukuchila kale. Po mukwiza pakumanya ukuti ane ne Mwene.

Hoseya 3:5

Loli bo pachilapo akabalilo aba Izilayeli bakwiza pakunyokela nukumulondelezya u Mwene u Chala wabo, sona nu Devedi u mwene wabo. Bakwiza kwa Mwene bo bakutetema umwakuti bapokele ubwiza bwache ubwa bumalilo.

Obadiya 1:17

Loli pighamba ilya Ziyoni bakwiza pakwikalapo abapokiwa, sona abaluko ulwa Yakobo bakwiza pakuba nichilingo ichabo.

Mika 5:2

U Mwene akuti, “Wee Betelehemu Efulati, napapo we munandi pakasi pa luko ulwa Yuda, mumwako mukwiza pakufumamo weka yuyo akwiza pakuba mulaghili uwa Izilayeli, ichifumo chache chakale, ichamasiku aghakale nkani.”

Mika 7:11

Wee Yelusalemu, akabalilo akakuzengela amalinga ghako kakwiza pakufikila, isiku ilyakonjelezya impaka zyako likwiza pakufikila.

Mika 7:14

Wee Mwene, badime abantu bako ni ndisa yako, umudimo uwampyana yako, ghugho ghukwikala wene mumusitu. Ghuleke ghulyanje apakudimilapo, ghuleke ghulyanje mu Bashani, na mu Giliyadi ngati mo mumasiku aghakale.

Mika 7:8

We mulwani wane utakansekaye, awe! Napapo ingwiye, nkwiza pakunyamuka. Napapo nkwikala muchisi, u Mwene akwiza pakuba lukozyo lwane.

Zekaliya 12:7

“Ane ne Mwene nkwiza pakutupoka tasi utwaya utwa mu Yuda, umwakuti umuchizi uwa bamunyumba iya Devedi sona nuwa bantu babo bakwikala mu Yelusalemu ghutakabanje mukulu nkani ukughuchila uwa Yuda.

Zekaliya 14:10

Ichisu chosi chikwiza pakuba likombe ukwanda ku Geba mupaka ku Limoni, kuntende ukwa kaya akakulu nkani aka Yelusalemu. Loli u Yelusalemu akwiza pakuba buzilo ubwakukwela ukwanda pa Mulyango uwa Benjamini mupaka pa Mulyango Uwakwanda, mupaka pa Mulyango Uwapakunto, sona ukwanda pa Chitembe icha Hananeli mupaka pachakukanyilamo amampesya icha mwene.

Zekaliya 6:12

Po umubuzye ukuti: U Mwene Uwamaka Ghosi ati, ‘Ennya umuntu yuyo itabwa lyache we Lusamba, pakuti akwiza pakumela papo ali, sona akwiza pakuzengapo Inyumba iya Mwene.

Ukubelengiwa 24:18

Ichisu icha Edomu chikwiza pakufyuliwa, u Seyili, yuyo mulwani wache akwiza pakupotiwa, loli u Izilayeli akwiza pakwendelela ukuba wamaka.