Biblia Todo Logo
Bìoball air-loidhne

- Sanasan -




Amosi 9:10 - IBAYIBOLO 2024

10 Ababomba mbibi bosi pakasi pabantu bane, bakwiza pakufwa nupanga, sona abantu bosi babo bakuti, ‘Chitalipo nachimochimo ichibibi ichakutuwila pamo ukuti ubupalapala butuwile.’ ”

Faic an caibideil Dèan lethbhreac




Amosi 9:10
24 Iomraidhean Croise  

Akunena mwene akuti, “U Chala aluvizye, avwinkite icheni chache, sona atakwennya nalumo.”


Nanti bakukaba pakudumula inongwa iya bughoghi, amoyo agha bantu ghakubatika pakubomba ububibi.


Ababomba mbibi mukaya akakulu nkani aka Ziyoni bakutetema, ubogha bwabalema babo batakumuchindika u Chala, “Nkimba wewenu uwa aswe angikala mumoto uwakulungulizya? Fwandi wewenu uwa aswe angikala mumoto uwakwaka bwila na bwila?”


babo bakuti, “Leka u Chala endelezye, abombe lubilolubilo imbombo yache ukuti tuyennye. Leka umuzelu uwa Izilayeli abombe zizyo abatikite ukuti tuzimanye.”


Abaching'wela banaba bakuti, ‘Zagha, tung'wele uvinyo! Zagha tukolwe ubwalwa! Indabi yikwiza pakuba ngati ilya ilelo, lumo likwiza pakuchilapo panapa.’ ”


Po abantu bakati, “Zagha tubatike pakumubombela ububibi u Yelemiya! Pakuti abaputi bakwiza pakuba naswe akabalilo kosi pakutulongozya, abamahala bakwiza pakutulongozya, sona abalaghuzi bakwiza pakulumbilila amazyu agha Chala. Zagha tumupe inongwa, sona tuleke pakuteghelezya zizyo akunena.”


Bakwendelela pakubabuzya abantu babo bakukana pakuteghelezya ku zizyo nkubabuzya bakuti, ‘U Mwene akuti: Mukwiza pakuba nu mutende.’ Sona bakubabuzya babo bali na moyo amakafu bakuti, ‘Intamyo zitakwiza pakubawila napo panandi.’


Naloliloli, nkwiza pakumufunda u Shemaya uwamu Nehelama na banyenya bache. Atakwiza pakuponapo nayumoyumo pakasi pabantu banaba, sona atakwiza pakubwennyapo nu bwiza nabumobumo bubo nkwiza pakubabombela abantu bane, pachifukwa ichakuti alumbilila amazyu aghakusambuka.’ Ane ne Mwene nanena.”


Nkwiza pakubefyapo pakasi papinyu abantu babo bakansambukila nukunangila. Napapo nkwiza pakubefyamo muchisu chicho bakikalaghamo, loli pope bulo batakwiza pakwinjilamo muchisu icha Izilayeli. Po mukwiza pakumanya ukuti ane ne Mwene.


Chighune ku mwe mufwasite mu Ziyoni, mwe muli mumutende mwighamba ilya Samaliya! Chighune ku mwe baluko ulumanyikwe, kuko aba Izilayeli bakubukako ukuti bavwiliziwe!


Amwe mukukana ukuti isiku ilyakunanganika likwiza, loli imbombo zyinyu zikulipalamizya isiku ilya bulongi.


Naloliloli amaso agha Mwene Uwamaka Ghosi ghakubwennya ubumwene bubo bukubomba imbibi. “Nkwiza pakubuzimizya pachisu ichapasi, loli ntakwiza pakubananganizizya zila abamunyumba iya Yakobo.” U Mwene anena.


Abalongozi bache bakulonga pachifukwa icha mabeko, abaputi bache bakumanyisya pachifukwa icha malipilo, sona abalaghuzi bakulaghula pachifukwa icha ndalama. Loli pope bulo beghamiye kwa Mwene nukuti, “Nkimba u Mwene ate pakasi papitu? Chitalipo ichiwaya chicho chingatuwila.”


Loli abantu batakaghivwila amazyu ghane ni ndaghilo zyane, zizyo nkabapa ababombi bane abalaghuzi.’ “Po bakapinduka nukuti, ‘U Mwene Uwamaka Ghosi atubombela ukuyana ni zila zyitu sona ni mbombo zyitu.’ ”


Po ilelo tukubapima abamituvyo pakuba basayiwa. Naloli ababomba mbibi ivintu vikubendela akiza, sona nanti bakumuyela u Chala ichintu ichibibi chitakubawila.’ ”


U Mwene Uwamaka Ghosi akuti, “Naloli isiku likwiza, po likwiza pakocha ngati muvuno, abantu bosi babo bakwituvya na babomba mbibi bakwiza pakupya ngati lyelelo. Pisiku lilalila umoto ghukwiza pakulyocha,” chitalipo nachimochimo chicho chikwiza pakulekiwapo igululuzi pamo akasamba.


Lean sinn:

Sanasan


Sanasan