Amosi 9:1 - IBAYIBOLO 2024

¹ Nkamwennya u Mwene imiliye papipi ni chighemo, po akati, “Koma pamwanya pa mpanda umwakuti akasonje kaneng'ene, kawisizye pamitu iya bantu bosi babo bapona nkwiza pakubaghogha nupanga. Atakwiza pakubapo nayumoyumo uwakuchimbila, pamo uwakupona.

Amosi 9:1 Iomraidhean Croise

2 Imbili 18:18

Po u Mikaya akanena sona akati, “U Mwene ati: Nkamwennya u Mwene ikaye pachitengo icha bumwene kumwanya, sona abantumi bosi bakimilila kundilo na kumongo kwache.

Masalimo 68:21

Naloli u Chala akwiza pakughatizannya amafupa agha balwani bache, babo bakwituvikizya imbibi zyabo.

Masalimo 68:22

U Mwene akuti, “Nkwiza pakwiza na balwani bane ukufuma ku Bashani, nkwiza pakubanyosezya munyanja inyibizu.

Yesaya 30:16

Mukanena mukati, ‘Awe, tukwiza pakuchimbila pafalasi.’ Polelo babo bakubachimbizya, bope bakwiza pakuchimbila umwalubilolubilo ukubachila!

Yesaya 6:1

Mumwaka ghugho u mwene u Uziya akafwila, nkamwennya u Mwene. Ikaye pachitengo chache icha bumwene, ichapamwanya sona ichakukweziwa nkani, inkazo yache yikizula mu Nyumba iya Chala.

Yelemiya 11:11

Polelo u Mwene akuti, ‘Nkubizila nintamyo yiyo batabaghiye pakuyichimbila. Napapo bangandilila, pope bulo ntakwiza pakubivwa napo panandi.

Yelemiya 42:16

po ubwite bubo mukubunyila bukwiza pakubagha sona izala yiyo mukuyipasya yikwiza pakubagha mu Ijiputi, po mukwiza pakufwila kulakula.

Yelemiya 48:44

“Umuntu wesi yuyo akuchimbila ichakoghofya, akwiza pakuwila muchiliba, wesi yuyo akwepamo muchiliba, akwiza pakulemiwa muchipingo, pakuti zinizi nkwiza pakumuwisizya u Mowabu, pakabalilo aka lufundo lwache. Ane ne Mwene nanena.

Ezekiyeli 1:28

Chikaba ngati chipingavula, mwibingu pisiku ilya vula, umu momumo kukabela ukulama umwakumuzyungulila. Aka kakaba kabonekele aka buchindamu ubwa Mwene. Bo nabwennya nkawa umwakukupama sona nkivwa izyu ilya yuyo akunenagha ukuti,

Ezekiyeli 10:4

Po ubuchindamu ubwa Mwene bukepapo pamwanya pabakelubi nukufika pamulyango uwa Nyumba iya Chala. Ibingu lila likizula mu Nyumba iya Chala yila, sona ulubinjilo lukizula nukulama ukwa buchindamu ubwa Mwene.

Ezekiyeli 15:7

Nkwiza pakubafunda bope. Napapo baponite kumoto, pope bulo umoto ghukwiza pakubocha. Bo nkubafunda mukwiza pakumanya ukuti ane ne Mwene.

Ezekiyeli 9:2

Po nkabennya abantu sikisi bakufumila kumulyango uwapamwanya ghugho wenizye kumitu, bo umuntu wesi alemite munyobe yache ichilwilo icha kughoghela, pakasi papabo pakaba umuntu yumo yuyo akavwala umwenda umutonte, yuyo akapinya ichakusimbila palubazu. Bakinjila bosi nukwimilila palubazu ulwa chighemo icha mukuba.

Amosi 3:14

Pisiku lilyo nkwiza pakubafundila aba Izilayeli pachifukwa icha mbibi zyabo. Nkwiza pakuvimongolannya ivighemo mu Beteli, impembe izya vighemo zikwiza pakudumuliwa sona zikwiza pakuwa pasi.

Amosi 7:17

“Polelo u Mwene akuti, ‘Umuchi wako akwiza pakuba we malaya mukaya akakulu nkani, sona abana bako abalumendo na balindu bakwiza pakughoghiwa nupanga. Ichisu chako chope chikwiza pakupimiwa nukugabiwa, sona amwe mwebene mukwiza pakufwila muchisu chicho chitamumenye u Chala. Aba Izilayeli bosi bakwiza pakuba bazya, kubutali ni chisu chabo.’ ”

Amosi 7:9

Ubuzilo ubwapamwanya ubwa Yisaki bukwiza pakunanganika, bope Ubuzilo Ubuzelu ubwakwiputilamo ubwa Izilayeli bukwiza pakuba chisami. Nkwiza pakubaghogha abamunyumba iya Yelobowamu.”

Habakuku 3:13

Ukiza pakubapoka abantu bako, pakubapoka abapakiwa bako. Ukamukoma umulongozi uwa chisu icha bantu ababibi bala, nukumuleka bwazi ukwanda kumutu mupaka kunyayo.

Zefaniya 1:12

“Pakabalilo kalakala, nkwiza pakumulondelezya u Yelusalemu ni nyale nukubafunda babo bakwituvya, sona abantu babo bali navyo vyosi nukwisubila. U Mwene anena. “Abantu banaba bakwinong'ona ukuti, ‘U Mwene atakwiza pakubombapo chimo, ichiza pamo ichibibi.’

Zefaniya 2:14

Ivitekwa vikwiza pakulambalala mulamula, ivinyamana ivya luko losi ivya munkolongo. Umpughulu ni nkitwa vikwiza pakulila muvisami. Ichongo chabo chikwiza pakwivwika mumabwindo, po abachigobe bakwiza pakulila mumilyango, amatabwa agha mwale ghakwiza pakuba pabuzelu bulo.

Yohani 1:18

Nayumo umuntu yuyo amubonyepo lumo u Chala, loli u Mwana mwene, yuyo we Chala, weyuyo amubonye, sona umughaniwa uwa Wise, weyuyo akatuvumbulila u Chala.

Yohani 1:32

U Yohani akabika ulusimikizyo akati, “Nkennya u Muzimu Umuzelu akwika kumwanya ngati yo nkunda nukwikala papache.

Imbombo 26:13

Mwene, bo izuba lyafika pamutu, bo indi muzila, nkennya ulukozyo ulwakulama nkani ukuchila ukulama ukwa izuba ukufuma kumwanya kukandamila na bantu babo nkendagha babo.

Yoshwa 10:18

Po akati, “Mubunguluzizyepo amabwe amakulu nkani pamulyango uwa mpako, sona musalepo abantu bamo ukuti balindililaye.

Ubuvumbuli 1:17

Bo namwennya, nkawa pasi munyayo zyache ngati ne muntu umufwe. Loli akabika inyobe yache indilo papane nukuti, “Utakanyilaye! Ane ne bwandilo. Ane ne bumalilo.

Ubuvumbuli 8:3

Uwantumi uyunji yuyo akaba ni chakufukizizya utwakununkila icha golide, akiza nukwimilila pachighemo. Akapeghiwa utwakufukizya utwakununkila utwinji utwakonjelezya inyiputo izya bantu bosi aba Chala, sona umwakuti iyipe pachighemo icha golide chicho chikaba pantazi pachitengo icha bumwene.