Amosi 8:9 - IBAYIBOLO 2024

⁹ Po u Mwene Uwamaka Ghosi akuti, “Pisiku linilyo nkwiza pakulyinjizya izuba pakasi pachamabwila, sona ichisu chikwiza pakuba muchisi pamusanya,

Amosi 8:9 Iomraidhean Croise

Yobu 5:14

Ichisi chikubawila na pamusanya bulo, sona bakupapasyapapasya bulo ngati po pabusiku.

Yesaya 13:10

Intondwa izya kumwanya ni vibunga vyabo vitakwiza pakulama. Izuba lilyo likulama likwiza pakuba muchisi, ghope umwezi ghutakwiza pakulama.

Yelemiya 13:16

Mumuchindikaye u Mwene u Chala winyu bo achili pakwiza nichisi, bo ivinama vyinyu vitipunuye muchisi icha mumaghamba. Mukulindilila ulukozyo, loli akwiza pakulupela pakuba chisi ichakoghofya.

Yelemiya 15:9

U nyina uwa bana seveni akwiza pakuzilika nukuzililika. Izuba likwiza pakumwinjilila pakasi pamusanya bulo. Akwiza pakukoziwa isoni nukusamuliwa. Abakusyalikila bosi nkwiza pakubaghogha pamaso pabalwani babo. Ane ne Mwene nanena.”

Ezekiyeli 32:7

Bo nakuzimizya, nkwiza pakwighalila kumwanya nukuzifisya intondwa, Nkwiza pakulivwinka izuba ni bingu, sona u mwezi ghutakwiza pakulama.

Amosi 4:13

Yuyo akupela amaghamba akupela impepo, nukubavumbulila abantu inyinong'ono zyache, yuyo akughupela umusanya pakuba chisi, akwenda pamwanya pachisu ichapasi: Itabwa lyache we Mwene u Chala Uwamaka Ghosi.

Amosi 5:8

U Mwene akapela intondwa nukuzibika mubuzilo bwache, sona akachipela ichisi pakuba ndabindabi, akaghupela umusanya pakuba busiku, weyuyo mwene akughitizya amizi agha munyanja, nukughapungulila pachisu, itabwa lyache we Mwene.

Mika 3:6

Polelo ubusiku bukwiza pakubizila mutakwiza pakwennya ivisetuka, sona ichisi chabawila, mutakwennya ivyamuntazi. Izuba likwiza pakubinjilila abalaghuzi, sona umusanya ghukwiza pakubabela chisi.

Zekaliya 14:7

Ukulama kukwiza pakubako bwila na bwila, umusanya pamo ubusiku butakwiza pakubangako. Isiku linilyo we Mwene mpela alimenye. Pachamabwila kukwiza pakuba ulukozyo.

Matayi 24:29

“Nanti intamyo izya masiku ghanagho zyachila bulo, izuba likwiza pakuba muchisi, umwezi ghute ghukalame nalumo, intondwa zikwiza pakuwa ukufuma kumwanya, sona ivintu ivya maka kumwanya vikwiza pakuyingana.

Matayi 27:45

Pakasi pamusanya ichisi chikawa muchisu chosi mupaka fili koloko pachamabwila.

Maliko 15:33

Pakasi pamusanya ichisi chikawa muchisu chosi, mupaka fili koloko pachamabwila.

Luka 23:44

Bo izuba lyafika pamutu, likaleka pakulama, sona ichisi chikawa muchisu chosi mupaka fili koloko pachamabwila.

Ubuvumbuli 6:12

Bo u Mwana uwa ng'ozi amamatula ichimatilo ichasikisi, pakaba akasenyenta akakulu. Izuba likaba lifitu ngati gho mwenda umufitu, umwezi ghosi ghukachesama ngati lyo libanda.

Ubuvumbuli 8:12

Uwantumi uwafolo akalizya ipati lyache. Po ichigaba choka icha izuba nu mwezi ni ntondwa pa vigaba vitatu vikananganika, umwakuti ukulama kwabo ichigaba choka pa vigaba vitatu chikaleka pakulama. Kutakabako ulukozyo muchigaba choka pa vigaba vitatu ivya musanya, sona ni chigaba choka pa vigaba vitatu ivya busiku.