Amosi 8:5 - IBAYIBOLO 2024

⁵ Mukuti, “Nkimba Ukupanta ukwa Mwezi kukumala liyi, umwakuti tughulizye amapemba, nkimba Isiku Ilyakutuzya likumala liyi, umwakuti tughulizye amalezi? Ukuti tubachevye abantu indobo, nukukwezya imitengo sona tubazimbule ni vipimilo ivyabumyasi,

Amosi 8:5 Iomraidhean Croise

2 Abamwene 4:23

Umulume wache akamulalusya akati, “Nkimba choni chicho ukulonda pakubuka ilelo? Ilelo te lisiku ilya lusekelo ulwa Kupanta ukwa Mwezi pamo Isiku Ilyakutuzya?” Umuchi akamwamula akati, “Pate nachimochimo.”

Ukufuma 31:13

“Ubabuzye aba Izilayeli uti, ‘Mulikumbukaye Isiku Ilyakutuzya, pakuti cho chimanyilo pakasi papinyu nane mupaka inkulilo zyosi izya muntazi ichakulanjizya ukuti ane ne Mwene ne nabapela amwe pakuba mwe bantu bazelu.

Ivyili 11:1

U Mwene avibengite ivipimilo ivyabumyasi, loli ivipimilo ivyanaloli vikumuhobosya.

Ivyili 16:11

U Mwene avibengite ivipimilo ivyabumyasi, weyuyo akupima ubung'wamu bosi bubo buli munyambi.

Ivyili 20:23

Ivipimilo ivyabung'wamu ivyabuzimbuli gho mwiko kwa Mwene sona ivipimilo ivyabumyasi te vyiza.

Yesaya 1:13

Mutakizaghe nalumo ni vyakwiyipa vivyo vite ni mbombo nayimoyimo, tope utwakufukizya twinyu utwakununkila utwa mwiko kukwane. Ulusekelo lwinyu ulwa Kupanta ukwa Mwezi nulwa Isiku Ilyakutuzya sona ninkomano izya masiku zitakunhobosya pachifukwa ichakuti vyizuye ni mbibi.

Yesaya 58:13

“Nanti mukulisunga Isiku lyane Ilyakutuzya, nukusita ukubomba imbombo zyinyu pisiku lyane izelu, nanti mukwitizya Isiku lyane Ilyakutuzya lisiku ilya lusekelo, nukumuchindika u Mwene pisiku izelu, sona nanti mukulichindika ukusita ukwenda muzila zyinyu, nukusita ukubomba izyakwihobosya mwebene, pamo pakunena amazyu aghabulo,

Hoseya 12:7

Umughulizi avighanite ivipimilo ivyabumyasi sona bighanite nkani pakubalyela abantu.

Hoseya 12:8

Aba Efulayimu bakwitutumula bakuti, “Aswe twe bakabi sona twakaba nkani. Po nubukabi bosi bunubu batakwiza pakutwagha nu bubibi pamo ni mbibi.”

Aba Levi 19:36

Mubombezyanje ivipimilo ivyanaloli, sona mutakabazimbulaye abantu bo muli pakupima ivintu. Ane ne Mwene, u Chala winyu, nkabefya muchisu icha Ijiputi.

Zekaliya 5:6

Nkalalusya nkati, “Nkimba cho choni?” Akamula akati, “Cho chidudunga ichakupimila.” Akanena sona akati, “Zinizi zyo mbibi izya bantu aba mu Yuda.”

Zekaliya 5:8

Uwantumi akati, “Yunuyu bo bubibi.” Sona akamusunkilizizya muchidudunga. Pisinda pache akakupikilapo.

Malaki 1:13

Po mukuti, ‘Twalita navyo vinivi.’ Zyosi zinizi mukwenda nukumpa inkonto. Bo mukwiza pakubika ivyakwiyipa, vivyo vivulaye pamo vilemaye pamo vibinite, nkimba mukwinong'ona ukuti ningavipokela vinivi ukufuma munyobe zyinyu?” U Mwene anena.

Ukubelengiwa 10:10

Mulizyanje amapati bo muli nu lusekelo ulwa Kupanta ukwa Mwezi nu lusekelo ulwa viputo, sona bo mukubika ivyakwiyipa ivyakocha, sona ni vyakwiyipa ivyabupoka. Amapati ghanagha ghakwiza pakubavwa pakumukumbuka u Chala winyu. Ane ne Mwene u Chala winyu.”

Aba Kolosi 2:16

Polelo patakabepo nayumo umuntu uwakubalonga pachifukwa icha vivyo mukulya, pamo ukung'wela, pamo nizya lusekelo ulwa chiputo, pamo Ulusekelo ulwa Kupanta ukwa Mwezi, pamo nizya Isiku Ilyakutuzya.

1 Samuweli 20:5

Po u Devedi akati, “Indabi kuli Ulusekelo ulwa Kupanta ukwa Mwezi, po ane imbaghiye pakulya poka nu mwene. Loli leka imbuke pakuvwama mumughunda mupaka pachamabwila ukulinda indabi.