Amosi 8:2 - IBAYIBOLO 2024

² U Mwene akalalusya akati, “Amosi nkimba ukwennya ichoni?” Nkamula nkati, “Nkwennya ichidudunga icha vikomwa ivitonu.” Po u Mwene akambuzya akati, “Ubumalilo ubwa bantu bane aba Izilayeli bwafikila. Ntakwiza pakubaleka bulo.”

Amosi 8:2 Iomraidhean Croise

Ubwandilo 6:13

Po u Chala akamubuzya u Nowa akati, “Nadumula pakubazimizya zila abantu bosi. Nkwiza pakubanangannya abantu pachifukwa ichakuti bachizuzya ichisu ichapasi nu bubibi bwabo.

Yesaya 28:4

Ubwezya ubwakufoka ubwa buchindamu bwache, bubo buli kwikombe ilya muvundo, ubwezya bulabula buli ngati vikomwa vya kwanda pakutona, panapo na panapo nanti abantu bavyennya, bakuyaba nukuvilya.

Yelemiya 40:10

Ane nemwene nkwiza pakwikala mukaya aka Mizipa pakuba mwimilili winyu pantazi paba Babiloni babo bakwiza kukwitu, loli amwe musende u vinyo ni vikomwa sona na mafuta nukuvibika musonta izyakubikilamo nukwikala mutwaya utukulu tuto mwatufyula.”

Yelemiya 5:31

Abalaghuzi bakulaghula ivyabumyasi, abaputi bakumanyisya chicho bakulonda, sona abantu bane bakuhoboka na zyosi zinizi. Po nkimba mukwiza pakubomba choni pabumalilo?”

Nkuto 4:18

Bakakonkezyanga inyayo zyitu ngati zyo mbwa, umwakuti tutakendagha na mumusebo bulo. Po amasiku ghitu ghakamala kale, sona bope ubumalilo bwitu bwafika.

Ezekiyeli 12:23

Po ubabuzye ukuti, ‘U Mwene Uwamaka Ghosi akuti: Nkwiza pakumazya ichili ichi, batakwiza pakuchinena sona mu Izilayeli.’ Ubabuzye ukuti, ‘Amasiku ghapalamiye po ichisetuka chosi chikwiza pakukwanilisiwa.

Ezekiyeli 29:8

“ ‘Polelo u Mwene Uwamaka Ghosi akuti: Nkwiza nu bwite nukubaghogha abantu bako ni vinyamana vyabo.

Ezekiyeli 3:10

Po akambuzya akati, “Wee mwana uwa muntu, teghelezya nkani amazyu ghosi nukughasunga mumoyo, ghagho nkukubuzya.

Ezekiyeli 3:7

Loli aba Izilayeli batakulonda pakukuteghelezya, pachifukwa ichakuti batakulonda pakunteghelezya. Pakuti bosi bamadinko sona ba moyo amakafu.

Ezekiyeli 7:6

Ubumalilo bwafika! Ubumalilo bwafika! Ennya bwabawila, wee Izilayeli, bwafika!

Ezekiyeli 8:12

Po akandalusya akati, “Wee mwana uwa muntu, nkimba wavyennya vivyo abasongo aba Izilayeli bakubombela muchisi? Bakuti, ‘U Mwene atakutwennya, u Mwene achilekite chene ichisu ichi.’ ”

Ezekiyeli 8:17

U Chala akandalusya akati, “Wee mwana uwa muntu, nkimba wazyennya zinizi? Nkimba chintu chipepe nkani kuba Yuda pakubomba ivintu ivyamwiko vivyo bakubomba pano? Nkimba bizuzye ni vyongo ichisu nukwendelela pakunkalalizya? Bennye, napapo bakakolomoka nkani loli ntakabateghelezya!

Ezekiyeli 8:6

Po akandalusya akati, “Wee mwana uwa muntu, nkimba ukuzyennnya zizyo bakubomba? Ennya ivyamwiko vivyo aba Izilayeli bakubomba, ivintu vivyo vikwiza pakubabika kubutali nu buzilo bwane ubuzelu? Loli mukwiza pakwennya ivyamwiko nkani ukuchilapo.”

Hoseya 9:7

Amasiku aghakufundiliwa ghafikila, ghope amasiku agha muvwalo ghafikila. Aba Izilayeli bazimanye zinizi. Pachifukwa ichakuti imbibi zyinyu nyinji nkani, sona lope ulubengo lwinyu lukulu, po mukuti umulaghuzi mupunganu, wepe umuntu yuyo akulongoziwa nu muzimu apenite.

Amosi 7:8

U Mwene akandalusya akati, “Wee Amosi, nkimba ukwennya ichoni?” Nkamula nkati, “Ulukusa ulwakupimila ulubumba.” Po u Mwene akati, “Ennya, nkupima ulukusa pakasi paba Izilayeli, ntakwiza pakubaleka bulo awe.

Amosi 8:1

Izi zyo zizyo u Mwene Uwamaka Ghosi akandanjizya: Mulamula nkennyamo ichisetuka icha chidudunga icha vikomwa ivitonu.

Mika 7:1

Mwee, chighune kukwane! Naba ngati muntu yuyo akubungannya ivikomwa muchisanya, sona ngati po nkusalala amampesya. Kute na mampesya aghakulya, pamo ukuba nikwilu ni vikomwa ivya makuyu ghamo.

Zekaliya 5:2

Akandalusya akati, “Nkimba ukwennya ichoni?” Nkamwamula nkati, “Nkwennya ibuku ilyakubuluka ubutali bwache lili amamita nayini sona mububaba lili amamita folo nu hafu.”