Amosi 8:11 - IBAYIBOLO 2024

¹¹ U Mwene Uwamaka Ghosi akuti, “Amasiku ghakwiza ghagho nkwiza pakubawisizya izala muchisu chosi, te zala iya chakulya pamo inyota iya amizi awe, loli izala iya kwivwa amazyu agha Mwene.

Amosi 8:11 Iomraidhean Croise

2 Imbili 15:3

Aba Izilayeli bikala akabalilo akatali nkani pakusita ukuba nu Chala uwanaloli nu muputi uwakubamanyisya sona na basita ndaghilo.

Masalimo 74:9

Ivimanyilo vyitu vitakuboneka. Atalipo sona umulaghuzi uwakusyalapo, nayumoyumo umuntu pasi papinyu yuyo azimenye mumo zikwiza pakubela.

Ivyili 29:18

Kuko kutaliko ubuvumbuli abantu bakuvulungana, loli musayiwa umuntu yuyo akuzikonka indaghilo.

Yesaya 5:6

Nkwiza pakughuleka ukuti ghubanje nkolongo. Ntakwiza pakughupalanta pamo ukulimamo, sona mukwiza pakumela abantolovu na mivwa. Nkwiza pakughalamula amabingu ukuti ghatakatimizyanje ivula.”

Ezekiyeli 7:26

Intamyo zikwiza pakuwila pantamyo izinji, sona imbili yikwiza pakuwila pa mbili iyinji. Bakwiza pakulonda ichisetuka ku mulaghuzi, loli ubumanyisi ubwa lulaghilo ulwa muputi lukwiza pakusobela, po abasongo batakwiza pakumanyisya sona amahala.

Hoseya 2:3

Lumo ningamuvula amenda, nukumuleka bwazi ngati po pisiku ilya kupapiwa kwache. Nkwiza pakumupela pakuba ngati yo nkolongo, pakuba ngati cho chisu ichumizu, sona nkwiza pakumughogha ni nyota.

Mika 3:6

Polelo ubusiku bukwiza pakubizila mutakwiza pakwennya ivisetuka, sona ichisi chabawila, mutakwennya ivyamuntazi. Izuba likwiza pakubinjilila abalaghuzi, sona umusanya ghukwiza pakubabela chisi.

Matayi 9:36

Bo ennya ichilundilo icha bantu, akaba ni chililizi na bantu bala pachifukwa ichakuti bakalita nukutamiwa, pakuti bakayana bulo ni ng'ozi zizyo zite nu mudimi.

1 Samuweli 28:15

U Samuweli akamulalusya u Sabuli akati, “Nkimba choni chicho wantamya bunubu ukuti inyokele kuno?” U Sabuli akati, “Natamiwa nkani. Aba Filisiti bali pakulwa nane ubwite, sona u Chala ankana. Atakunyamula sona pakwendela mu balaghuzi pamo muvilota. Po nakwitizya ukuti umbuzye ichakubomba.”

1 Samuweli 28:6

Akamubuzikizya u Mwene, loli u Mwene atakamwamula muvilota pamo pakubombezya u Ulimu pamo abalaghuzi.

1 Samuweli 3:1

Umulumendo u Samuweli akamubombelagha u Mwene umwakulongoziwa nu Eli. Po mumasiku ghalaghala amazyu agha Mwene ghatakivwikagha pipipipi, sona ivisetuka vitakaboneka kabilikabili.