Amosi 7:9 - IBAYIBOLO 2024

⁹ Ubuzilo ubwapamwanya ubwa Yisaki bukwiza pakunanganika, bope Ubuzilo Ubuzelu ubwakwiputilamo ubwa Izilayeli bukwiza pakuba chisami. Nkwiza pakubaghogha abamunyumba iya Yelobowamu.”

Amosi 7:9 Iomraidhean Croise

Ubwandilo 46:1

Po u Yakobo akabunganika utwache tosi nukubuka ku Belisheba kuko akabika ivyakwiyipa kwa Chala uwa wise wache u Yisaki.

2 Abamwene 14:24

U Yelobowamu uwabubili akananga pamaso pa Mwene, sona atakazileka imbibi zyache nukubomba vivyo u Yelobowamu umwana uwa Nebati akabombagha pakubapela aba Izilayeli ukuti bope banangaye.

Yesaya 63:18

Bo pachilapo akabalilo akanandi bulo, abantu bako bakikala mubuzilo bwako ubuzelu, loli ilelo abalwani bitu, babukanyankilannya ubuzilo bwako ubuzelu.

Yelemiya 51:51

“Mukuti, ‘Twakoziwa isoni, pakuti twasamuliwa, ivyeni vyitu vili nisoni, pakuti abantu abayeni binjila mu Buzilo Ubuzelu ubwa Nyumba iya Mwene.’

Ezekiyeli 6:3

U Mwene Uwamaka Ghosi akuti, ‘Mwee maghamba agha Izilayeli, ivwa izyu ilya Mwene Uwamaka Ghosi. Izi zyo zizyo u Mwene Uwamaka Ghosi akughabuzya amaghamba nu tughamba, sona utusoko na makombe. Indi papipi pakubizila nu bwite, sona nkwiza pakubunangannya ubuzilo bwinyu ubwapamwanya ubwakwiputilapo ivifwani.

Hoseya 10:8

Ubuzilo ubwapamwanya ubwa Aveni, imbibi iya ba Izilayeli yimongoliwanje. Amivwa ni ntolovu vikwiza pakumela mulamula, nukuvivwinka ivighemo vyabo. Po bakwiza pakughabuzya amaghamba ukuti, “Tufisaye bulo!” Nukutubuzya utughamba ukuti, “Tuwilaye!”

Amosi 3:14

Pisiku lilyo nkwiza pakubafundila aba Izilayeli pachifukwa icha mbibi zyabo. Nkwiza pakuvimongolannya ivighemo mu Beteli, impembe izya vighemo zikwiza pakudumuliwa sona zikwiza pakuwa pasi.

Amosi 5:5

Mutakabuke pakwiputa ku Beteli, mutakabuke ku Giligali, pamo ku Belisheba. Pakuti naloli abantu aba mu Giligali bakwiza pakusendiwa nukubuka kubuzya, sona u Beteli akwiza pakuzimila ngati chintu ichabulo.”

Amosi 7:11

Pakuti u Amosi akuti, ‘U Yelobowamu akwiza pakughoghiwa nupanga, bope aba Izilayeli bakwiza pakuba bazya, kubutali nkani ni chisu icha bakamu babo.’ ”

Amosi 7:13

Utakachele pakulaghula sona mu Beteli muno, pachifukwa ichakuti bunubu bo buzilo ubuzelu ubwa mwene witu u Yelobowamu, sona yo nyumba iya bumwene.”

Amosi 8:14

Abantu bosi babo bakulapila mwitabwa ilya Ashima ichifwani icha Samaliya, pamo bakuti, ‘Naloli nkulapila mwa chala umumi uwaku Dani,’ pamo ukuti, ‘Naloli nkulapila mwa chala umumi uwaku Belisheba’ bosi banaba bakwiza pakuwa, batakwiza pakunyamuka sona.”

Amosi 9:1

Nkamwennya u Mwene imiliye papipi ni chighemo, po akati, “Koma pamwanya pa mpanda umwakuti akasonje kaneng'ene, kawisizye pamitu iya bantu bosi babo bapona nkwiza pakubaghogha nupanga. Atakwiza pakubapo nayumoyumo uwakuchimbila, pamo uwakupona.

Mika 1:5

Zyosi zinizi zili bunubu pachifukwa icha kunanga ukwa baluko ulwa Yakobo, sona na pachifukwa icha mbibi izya ba Izilayeli. Nkimba ukunanga ukwa Izilayeli ko koni? Fwandi te we Samaliya? Nkimba bo bawenu babo bakabapela abantu aba mu Yuda ukuti biputaye ivifwani? Fwandi batakaba bantu aba ku Yelusalemu?