Amosi 7:2 - IBAYIBOLO 2024

² Bo umakanta yula amala ivibyalwa vyosi vila, nkalila nkati, “Wee Mwene Uwamaka Ghosi, bahobokele abantu bako! Nkimba u Izilayeli angapona bulibuli? Pakuti munandi nkani!”

Amosi 7:2 Iomraidhean Croise

Masalimo 12:1

Wee Mwene nyavwa, pakuti atasyalite nayumoyumo umuntu umugholosu, sona abasubiliwa bazimila pakasi pabantu.

Ukufuma 10:15

Akizuzya ichisu chosi mupaka chikaba fii. Umakanta yula akalya ivimelwa vyosi vivyo vikapona ku vula iya mabwe, ukonjelezyapo amakwi agha chikomwa. Katakasyalapo nakamokamo akantu akabisi mumakwi pamo ichimelwa muchisu chosi icha Ijiputi.

Ukufuma 34:9

Po akati, “Wee Mwene nanti naloli wahoboka nane, nkukulaba ukuti ubuke naswe. Napapo abantu banaba amoyo ghabo makafu nkani, loli utuhobokele imbibi zyitu nukunanga kwitu kosi nukutupokela pakuba bantu bako na bako.”

Yesaya 37:4

Lumo zingaba ukuti u Mwene u Chala winyu akwiza pakwivwa amazyu agha songo uwa basilikali yuyo mulongozi wache, u mwene wamu Asiliya, abatuma pakumusamula u Chala umumi, sona akwiza pakumuchemela pachifukwa icha mazyu ghagho u Mwene u Chala winyu ivuye. Polelo mubiputilaye abakusyalako babo bachili bumi.”

Yesaya 51:19

Amayimba mabili ghanagha ghakuwila, Nkimba wewenu angakusangalusya? Ukunanganika, nizala sona ni bwite, nkimba wewenu angakusangalusya?

Yelemiya 14:7

Abantu bakuti, “Napapo imbibi zyitu zikutubikila ubwakaboni, wee Mwene, bombapo zimo pachifukwa icha itabwa lyako. Pakuti twakukana, sona twakunangila akabalilo kosi.

Yelemiya 42:2

bakamubuzya umulaghuzi bakati, “Twalamba, utulabileko kwa Mwene u Chala witu aswe twe bakusyalako. Ngati mumo ukutwenezya, napapo tukaba binji nkani, loli ilelo twasyala banandi bulo.

Ezekiyeli 11:13

Bo nkulaghula, u Pelatiya umwana uwa Benaya akafwa. Po nkakupama icheni chane pasi nukukolomoka nkani ukuti, “Wee Mwene Uwamaka Ghosi, nkimba ukwiza pakubananganizizya zila abakusyalako aba Izilayeli?”

Ezekiyeli 9:8

Bo bali pakubaghogha abantu, nkasyala bulo nemwene, nkawa umwakukupama, nukulila ukuti, “Wee Mwene Uwamaka Ghosi! Nkimba ukwiza pakubaghogha bosi abakusyalako mu Izilayeli pakwefyapo ubukali bwako pa Yelusalemu?”

Daniyeli 9:19

Eee Mwene teghelezya. Wee Mwene utuhobokele. Wee Mwene, ivwa sona bombapo zimo! Wee Chala utakakabaye! Umwakuti abantu bosi bamanye ukuti we Chala, pachifukwa ichakuti akaya kako akakulu nkani sona na bantu bako bamanyikwe pachifukwa icha Itabwa lyako.”

Yoweli 2:17

Muleke umuputi yuyo akubomba pamaso pa Mwene, alilaye pakasi pa bwinjililo ubwa Nyumba iya Chala ni chighemo. Baleke banenaye ukuti, “Wee Mwene ubapelele ichisa abantu bako. Utakachipele ichilingo chako ukuti chisamuliwe. Nkimba choni chicho banenaye pakasi pa inko izinji ukuti, ‘Nkimba u Chala winyu ali ko kwiyi?’ ”

Amosi 4:9

“Utubalilo utwinji nkababula amaghunda ghinyu, sona na maghunda ghinyu agha mampesya, pakuwisya ububine ni chuku. Umakanta akalya amakuyu ghinyu, sona na makwi agha misyunguti, loli pope bulo mutakanyokela kukwane.” U Mwene anena.

Amosi 7:5

Po nkalila nkati, “Wee Mwene Uwamaka Ghosi, nkukulaba ukuti leka! Nkimba u Izilayeli angapona bulibuli? Pakuti munandi nkani!”

Ubuvumbuli 9:4

Akabuziwa ukuti atakanangannye isote pamo amakwi, pamo kosi akamelwa. Loli akitikiziwa ukuti anangannye abantu bene babo bate ni chidindo icha Chala pa vyeni vyabo.