Amosi 7:12 - IBAYIBOLO 2024

¹² Po u Amaziya akamubuzya u Amosi akati, “Awe we mwenelezyi, epapo pano! Bukagha kuchisu chako icha Yuda. Kalaghulaye kulakula, abantu bakupanje ivibama.

Amosi 7:12 Iomraidhean Croise

2 Imbili 16:10

U Asa akamukalalila nkani umulaghuzi yula pachifukwa icha mazyu ghanagha, umwakuti akamwighalila mujele. Pakabalilo kalakala u Asa akabayivya nkani abantu bamo.

Yesaya 30:10

Bakunena kubenelezi ukuti, “Leka pakwennya ivisetuka!” Sona bakubabuzya abalaghuzi bakuti, “Mutakatubuzyanje ivisetuka ivya bugholosu! Loli mutubuzye zizyo tukuzilonda, nukulaghula izya bumyasi.

Yesaya 56:11

Bali ngati zyo mbwa zizyo zili nizala, zizyo zitakwikuta nalumo. Bo badimi babo batakwivwisya, bosi bapulumpa izila zyabo, umuntu wesi ali pakulonda ichakukabilapo.

Ezekiyeli 13:19

Mwankozya isoni pakasi pabantu bane pachifukwa ichakupokela amapemba amanandi bulo nu tumenyu utwa chibama. Mwabazimbula abantu bane, babo bakuteghelezya ubumyasi, mwabaghogha abantu babo batabaghiye pakufwa nukubaleka babo batabaghiye pakuba bumi.

Amosi 2:12

“Loli mukabang'wesya uvinyo aba Nazili, sona mukabalamula abalaghuzi ukuti batakalaghulaye.

Amosi 7:11

Pakuti u Amosi akuti, ‘U Yelobowamu akwiza pakughoghiwa nupanga, bope aba Izilayeli bakwiza pakuba bazya, kubutali nkani ni chisu icha bakamu babo.’ ”

Malaki 1:10

“Nalondagha nkani ukuti ngali weka pakasi papinyu ighaliye inyiyi izya Nyumba iya Chala, umwakuti mutakapembe umoto ghugho ghute ni mbombo pachighemo chane! Ane ntahobokite namwe. Ane ne Mwene Uwamaka Ghosi nanena sona ntakwiza pakuvipokela ivyakwiyipa vyinyu vivyo vili munyobe zyinyu.

Matayi 8:34

Abantu bosi mukaya kala bakabuka pakumwennya u Yesu. Bo bamwennya, bakamulaba ukuti epemo muchigaba chabo chila.

Luka 13:31

Pakabalilo kalakala aba Falisayi bamo bakiza kwa Yesu nukumubuzya ukuti, “Wepeko kuno nukubuka kumo, pachifukwa ichakuti u Helodi akulonda pakukughogha.”

Imbombo 16:39

Abene bakabuka nukulambilizya kukwabo, po bakabefyamo mujele nukubabuzya ukuti babukaye.

Aba Loma 16:18

Pakuti abantu banaba batakumubombela u Mwene witu u Kilisitu, loli bakuvibombela ivinyonywa vyabo. Sona na mazyu ghabo manoni, sona mazimbuli bakubazimbula abantu babo batamenye nachimochimo.

1 Aba Kolinti 2:14

Umuntu yuyo ate nu Muzimu, atangavipokela ivyabupi vivyo u Muzimu uwa Chala akupa pakuti kukwache vya bupunganu sona atangavyaghannya, pachifukwa ichakuti mwene yuyo ali nu Muzimu, weyuyo angavyaghannya ivya buzimu.

1 Pitala 5:2

ukuti: Mudimaye umudimo uwa ng'ozi zizyo u Chala akubapa. Mughusungilile umwakusita kufyengiwa, ukuyana namumo u Chala akulondela ukuti mubombelaye. Mutakabombaye imbombo yinyu nu moyo uwakunyonywa indalama, loli mubombaye nu moyo uwakunyonywa pakubomba.

1 Samuweli 2:36

Po umuntu wesi uwa munyumba yako, yuyo akwiza pakupona akwiza pakumufughamilila umuputi yunuyu nukumulaba indalama pamo ichakulya nukuti, “Unyitikizye pakuba ne muputi, umwakuti inchaghilayemo ichakulya.” ’ ”

1 Samuweli 9:9

Kale mu Izilayeli nanti umuntu akubuka pakubuzikizya kwa Chala, akatinji, “Twende kwa mwenelezyi,” pachifukwa ichakuti ilelo yuyo bakuti mulaghuzi kale bakatinji mwenelezyi.