Amosi 6:9 - IBAYIBOLO 2024

⁹ Nanti abantu 10 basyala bumi munyumba yoka, bope bakwiza pakufwa.

Amosi 6:9 Iomraidhean Croise

Esitele 5:11

U Hamani akanda pakwituvya bo akubalingannya nizya bukabi bwache, na bana bache abalumendo abinji, na mosi mumo u mwene akamuchindikila, sona namumo u mwene akamukwezezya pachitengo icha muchizi ukubachila abalongozi na makambala ghosi.

Esitele 9:10

babo bakaba bana 10 aba Hamani, umwana uwa Hamedata, yuyo akaba mulwani uwa ba Yuda. Loli batakafyula ichintu nachimochimo.

Yobu 1:19

Panapo na panapo impepo iyamaka nkani iyakufuma munkolongo yikaputa nukuyikoma inyumba yosi yila. Inyumba yila yikamongonkana nukubawila, po bosi bafuye, umwakuti nene bulo ne napona ukuti nize nkubuzye!”

Yobu 1:2

U Yobu akaba na bana abalumendo seveni na bana abalindu batatu.

Yobu 20:28

Amizi aghakwizula ghakwiza pakuyinangannya inyumba yache, pisiku ilya bukali ubwa Chala.

Masalimo 109:13

Abaluko lwabo bafwanje bosi, ghope amatabwa ghabo, ghazimiwe mu nkulilo izya muntazi.

Yesaya 14:21

Yannya ubuzilo ubwakubaghoghelapo abana bache abalumendo, pachifukwa icha mbibi izya banyenya babo, batakwiza pakunyamuka, pakupyana ichisu nukuzengamo utwaya twabo utukulu nkani.”

Yelemiya 9:21

Imfwa yatwizila ukwendela mumabwindo ghitu, yinjila munyumba izya bumwene. Yatughoghela abana bitu mumisebo, sona yatumalila abalumendo bitu muminalo.

Amosi 5:3

U Mwene Uwamaka Ghosi akuti, “Akaya akakulu nkani kako kakubuka kubwite na basilikali abamaka 1,000 kakwiza pakusyala na basilikali 100 mpela. Akaya akakulu kako kakubuka kubwite na basilikali abamaka 100, kakwiza pakusyala na basilikali 10 mpela.”

1 Samuweli 2:33

Pope bulo nkwiza pakumuleka mumi yumo uwaluko lwako pakuba muputi wane. Loli akwiza pakuba muntu umufwamaso nu musita ulusubilo, sona abaluko lwako abanji bosi bakwiza pakufwa kubwite ubwakoghofya, bo bachili balumendo.