Amosi 6:7 - IBAYIBOLO 2024

⁷ Polelo mukwiza pakuba bakwanda pakubuka kubuzya, po ulusekelo nukuhoboka kwinyu kukwiza pakumala.

Amosi 6:7 Iomraidhean Croise

Esitele 5:8

Wee mwene, nanti wampelela naloli ichisa nukukwanilisya zizyo nkulaba, awe poka nu Hamani indabi mwize kulusekelo lulo nkwiza pakubayanizizya amwe. Po nkwiza pakukwamula zizyo ukundalusya.”

Yesaya 21:4

Umoyo wane wavulungana, ubogha bwampelela ukutetema, akabalilo akachamabwila, kako nkakanyonywanga kaba chakoghofya chane.

Yesaya 24:8

Ukusekela ukwa ivisekeseke kwimikiwa, ichongo icha bantu babo bakasekelelagha kwamala, ulusekelo ulwa chinanda luli myee.

Daniyeli 5:30

Ubusiku bulabula u mwene u Belishazala uwamu Babiloni akaghoghiwa,

Amosi 4:3

Mukwiza pakufyengiwa bulo pakufumila muvidobozwi ivya malinga, umuntu wesi pamwene, sona mukwiza pakusumbiwa pighamba ilya Halimoni.” U Mwene anena.

Amosi 5:27

Polelo nkwiza pakubatuma pakuba mwe bazya ukuchila ichisu icha Damasika.” U Mwene anena, yuyo itabwa lyache we Chala Uwamaka Ghosi.

Amosi 5:5

Mutakabuke pakwiputa ku Beteli, mutakabuke ku Giligali, pamo ku Belisheba. Pakuti naloli abantu aba mu Giligali bakwiza pakusendiwa nukubuka kubuzya, sona u Beteli akwiza pakuzimila ngati chintu ichabulo.”

Amosi 7:11

Pakuti u Amosi akuti, ‘U Yelobowamu akwiza pakughoghiwa nupanga, bope aba Izilayeli bakwiza pakuba bazya, kubutali nkani ni chisu icha bakamu babo.’ ”

Amosi 7:17

“Polelo u Mwene akuti, ‘Umuchi wako akwiza pakuba we malaya mukaya akakulu nkani, sona abana bako abalumendo na balindu bakwiza pakughoghiwa nupanga. Ichisu chako chope chikwiza pakupimiwa nukugabiwa, sona amwe mwebene mukwiza pakufwila muchisu chicho chitamumenye u Chala. Aba Izilayeli bosi bakwiza pakuba bazya, kubutali ni chisu chabo.’ ”

Nahumu 1:10

Bakwiza pakochiwa mumoto ngati mivwa, sona ngati mapelele amumizu. Abaching'wela bakwiza pakochiwa mumoto.

Luka 21:24

Bamo bakwiza pakughoghiwa kubwite, abanji bakwiza pakusendiwa ngati bo bakayidi pakubuka nabo muvyisu ivinji. Po abantu babo bate ba Yuda bakwiza pakumukanyankila u Yelusalemu mupaka akabalilo akabumalilo bwabo kakwane.

Ukukumbusya Amalamulo 28:41

Amwe mukwiza pakupapa abana abalumendo na balindu, loli batakwiza pakuba binyu pachifukwa ichakuti bakwiza pakulemiwa pakuba bazya.