Amosi 6:6 - IBAYIBOLO 2024

⁶ Mukung'welela uvinyo mumbako inyizule, sona mukupakala amafuta aghakununkila nkani, loli mutakuba ni chitima pachifukwa icha kunanganika ukwa Izilayeli.

Amosi 6:6 Iomraidhean Croise

Ubwandilo 49:22

“U Yosefu ko kasamba kako kakwela ichikomwa. Ko kasamba kako kakwela ichikomwa papipi ni chiziba, akasamba kako kakwelite palubumba.

2 Abamwene 15:29

Pakaba po pakabalilo aka mwene u Peka uwamu Izilayeli, kako u mwene u Tigilati Pileseli uwamu Asiliya akakafyula akaya akakulu nkani aka Iyoni naka Abeli Beti Maaka naka Yanowa naka Kedeshi, sona naka Hazoli. Akachifyula ichigaba icha Giliyadi, nicha Galileya sona ni chisu chosi icha Nafutali nukubasenda abantu bosi aba mula nukubuka nabo ku Asiliya pakuba bakayidi.

Esitele 3:15

Bo u mwene alamula, intumi zila zikabuka umwalubilolubilo, po ululaghilo lula lukafumuziwa mukaya akakulu nkani aka Susa. U mwene poka nu Hamani bakikala pasi pakung'wela. Loli abantu aba mukaya akakulu nkani aka Susa bakavulungana nkani.

Yesaya 28:1

Chighune ku bumwene ubwakwikwezya na baching'wela aba mu Izilayeli, sona naku bwezya ubwa kufoka ubwa mpumpu iya bumwene bwache, bubo buli kwikombe ilya muvundo ilya akakulu nkani kala, ukwituvya ukwa babo bakolizwe nu vinyo!

Yesaya 5:12

Palusekelo lwabo bakulizya ivinanda na mapango, ivisekeseke na malongi sona bakung'wela uvinyo, loli batakuzibelengela imbombo izya Mwene, batakuzichindika imbombo izya nyobe zyache.

Yelemiya 30:7

Mwee, isiku ili likulu nkani! Litalipo isiku ilinji lilyo liyanite nalyo. Kakwiza pakuba kabalilo akantamyo kwa Yakobo, loli pope bulo akwiza pakupona.”

Ezekiyeli 9:4

Akamubuzya akati, “Buka mukaya akakulu nkani mosi mu Yelusalemu nukubikapo ichimanyilo pavyeni vyabo bosi babo bali nichitima nukulila, pachifukwa icha vintu ivyamwiko vivyo vikubombiwa mulamula.”

Hoseya 3:1

U Mwene akambuzya akati, “Bukagha ughanane sona nu mukolo yula napapo ali nu mwanavuli uyunji, sona nukuti umukolo yunuyu we malaya. Umughanaye ngati mumo u Mwene abaghaniye aba Izilayeli, napapo abantu banaba bakubiputa abachala abanji, sona nukuti abaghanite nkani pakubika ichakwiyipa icha ivitumbuwa ivipapate ivya mampesya.”

Amosi 2:8

Bakulambalala mulubazu ulwa vighemo vyosi sona na pamenda ghagho basenda pakuba chikole. Munyumba izya bachala babo bakung'welelamo u vinyo, yuyo abantu balipila panongwa.

Amosi 4:1

Ivwa kuno, mwe bakolo aba mu Samaliya mwe mwinite ngati ngwata izya mu Bashani. Mwe mukubayivya abapina na bapotwe mukubabuzya abalume binyu mukuti, “Tupe chimo ichakung'wela!”

Yohani 12:3

Po u Maliya akasenda ibotolo ilya mafuta aghakununkila nkani agha nalidi umwenecho. Akabombezya pakasi na pakasi agha mafuta ghala nukukupulila munyayo izya Yesu, akazipuputa ni sisi zyache. Munyumba mosi mukizula nu munusi umwiza nkani.

Aba Loma 12:15

Hobokagha poka na babo bahobokite, lilagha poka na babo bakulila.

1 Aba Kolinti 12:26

Nanti ichigaba choka chikwivwa ukubaba, ivigaba vyosi vikwivwila poka ukubaba nacho. Nanti ichigaba choka chikuchindikiwa, ivigaba vyosi vikuhobokela poka nacho.

1 Timoti 5:23

Utakang'welaye amizi ghene, loli ung'welayeko uvinyo panandi bulo pachifukwa icha ntamyo yiyo uli nayo mukasi, sona ni chifukwa icha kubinabina kwako.