Amosi 6:2 - IBAYIBOLO 2024

² Buka kukaya aka Kaline nukwennyako, sona bo mwafuma kulakula, buka kukaya akakulu aka Hamati, po pisinda pache mubukaye kukaya aka Gati muchisu icha Filisiti. Nkimba bwizapo ukubuchila ubumwene bwinyu bubili? Nkimba ichisu chabo chikulupo ukuchila ichisu chinyu?

Amosi 6:2 Iomraidhean Croise

Ubwandilo 10:10

Pakwanda impaka iya ubumwene bwache yikafika mupaka ku Babiloni, naku Eleki sona naku Akadi. Utwaya tosi tutatu tunutu tukaba mu Babiloni.

2 Samuweli 8:9

Bo u Towu, u mwene uwamu Hamati ivwa ukuti u Devedi abapota abasilikali bosi aba mwene u Hadadezeli,

1 Abamwene 8:65

Pakabalilo kalakala u Solomoni poka naba Izilayeli bosi babo bakaba palapala bakaba nu Lusekelo ulwa Visakasa masiku seveni. Lukaba lukomano ulukulu nkani umwakuti abantu aba ku Lebo Hamati mupaka kukasoko kumpaka iyakumitu iya Ijiputi bakiza. Bakaba nu lusekelo ulwa amasiku aghanji seveni, umwakuti bakaba nu lusekelo lunulu amasiku 14 ulwakumuchindikila u Mwene u Chala witu.

2 Abamwene 17:24

U mwene uwamu Asiliya akabefya abantu mukaya akakulu nkani aka Babiloni naka Kuta naka Ava naka Hamati, sona naka Sefalivayimu nukubazengezya mutwaya utukulu utwa mu Samaliya mubuzilo ubwa ba Izilayeli. Po bakaba benekaya nukwikalana mutwaya utukulu tulatula.

2 Abamwene 17:30

Aba Babiloni bakipangila ichifwani icha chala u Sukoti Benoti. Aba Kuta bakipangila ichifwani icha chala u Neligali. Aba Hamati bakipangila ichifwani icha chala u Ashima.

2 Abamwene 18:34

Nkimba bali ko kwiyi abachala aba mu Hamati nu Alipadi? Bali ko kwiyi abachala aba mu Sefalivayimu naba Hena, sona na Iva? Nkimba bamupokite u Samaliya munyobe zyane?

2 Abamwene 19:13

Nkimba ali kokwiyi u mwene uwamu Hamati nuwa mu Alipadi nu mwene uwa mukaya akakulu nkani aka Sefalivayimu, pamo uwamu Hena pamo uwamu Iva?”

2 Imbili 26:6

U Uziya akabuka pakulwa ubwite naba Filisiti nukumongolannya ulupaso ulwa kaya akakulu aka Gati naka Yabine sona naka Ashidodi. Akazenga sona utwaya utukulu kupipi nakaya aka Ashidodi na kubunji kosi pakasi paba Filisiti.

Yelemiya 49:23

Pakunena nizya Damasika akati, “Abantu aba Hamati naba Alipadi bali nubogha nkani, pachifukwa ichakuti bivwa amazyu amabibi. Amoyo ghabo ghali mumwanya bulo, ngati nyanja sona bate nu mutende naghumoghumo.

Nahumu 3:8

Nkimba we mwizapo ukukachila akaya aka Tebesi, kako kali mulubazu ulwa lusoko ulwa Nayilo, sona kako kazyunguliliwe na mizi? Ulusoko lukaba lupaso lwache, sona amizi ghakaba lubumba lwache.

1 Samuweli 17:23

Bo ali pakunenezannya nabo, akamwennya u Goliyati umu Filisiti uwamaka uwamu Gati yula akufuma pakasi pabasilikali aba ba Filisiti nukwanda pakubabechela aba Izilayeli ngati mumo akababechelelagha bwila, po u Devedi akamwivwa.

1 Samuweli 17:4

Po umuntu uwamaka nkani, yuyo akaba we Goliyati uwamu Gati akafuma muvisakasa ivya ba Filisiti. Ubutali bwache bukaba amamita matatu.

1 Samuweli 5:10

Po bakabatuma abantu ukuti babuke ni Bokosi lila ku Ekiloni, akaya akanji aka ba Filisiti. Loli bo lyafika kula, abantu bakakolomoka bakati, “Bizite kuno ni Bokosi ilya Lufingo ilya Chala uwa Izilayeli pakutughogha, aswe poka na bantu bitu!”

1 Samuweli 5:8

Po bakabitizya abalongozi bosi aba ba Filisiti nukubalalusya ukuti, “Nkimba tubombe ichoni ni Bokosi ilya Lufingo ilya Chala uwa ba Izilayeli?” Abantu bala bakamula bakati, “Ibokosi ili tubuke nalyo ku Gati.” Po bakabatuma abantu ukuti babuke ni Bokosi ilya Lufingo ilya Chala ku Gati kula.