Amosi 6:1 - IBAYIBOLO 2024

¹ Chighune ku mwe mufwasite mu Ziyoni, mwe muli mumutende mwighamba ilya Samaliya! Chighune ku mwe baluko ulumanyikwe, kuko aba Izilayeli bakubukako ukuti bavwiliziwe!

Amosi 6:1 Iomraidhean Croise

1 Abamwene 16:24

Akaghula ighamba ilya Samaliya kwa Shemeli ni salabazya 6,000 izya siliva. Po akazengapo akaya akakulu nkani nukukita ukuti Samaliya, lilyo likaba itabwa ilya Shemeli, yuyo pakwanda akaba mwenecho uwa ighamba lila.

Masalimo 123:4

Abantu abakwituvya bakutuseka akabalilo akatali nkani, sona bope abantu abakwitutumula bakutobezya nkani.

Ivyili 1:32

Pakuti abapunganu bakunangika pachifukwa ichakuti bakunkana, sona bakwighogha bene pachifukwa icha mituvyo ghabo.

Yesaya 33:14

Ababomba mbibi mukaya akakulu nkani aka Ziyoni bakutetema, ubogha bwabalema babo batakumuchindika u Chala, “Nkimba wewenu uwa aswe angikala mumoto uwakulungulizya? Fwandi wewenu uwa aswe angikala mumoto uwakwaka bwila na bwila?”

Yelemiya 2:3

U Izilayeli akaba muzelu kwa Mwene, ivikomwa ivyakwanda ivya nyinulo yache, bosi babo bakalyako ivikomwa vinivi bakaba ninongwa, sona ububibi bukabawila. Ane ne Mwene nanena.’ ”

Yelemiya 48:11

U Mwene akuti, “U Mowabu ame pamutende ukwanda pabulumendo bwache, ngati bwalwa bubo butikaye nkani mumasika ghache, bubo butapunguliwe musonta yimo nukwinjila musonta iyinji, atabukiteko kubuzya. Po inkalo yache yili ngati mumo yikabela, sona umunusi wache ghuli ngati mumo ghukabela.

Yelemiya 49:31

“Nyamuka nukulwa nuluko lulo lukwinong'ona ukuti lukwikala umwakufwasa. Uluko lulo lute nulupaso nalumo pamo impingwi, abantu bache bakwikala pakwisubila bene. Ane ne Mwene nanena.

Yelemiya 5:5

Ilelo nkubuka ku balongozi aba bantu ukuti inene nabo, naloliloli bayimenye izila iya Mwene, bachimenye chicho u Chala akuchilonda.” Bope bulo bakapyolannya ikoli, nukudumulannya ubunyololo.

Yelemiya 7:4

Mutakaghasubilaye amazyu agha bumyasi ghagho ghakuti, “Iyi yo Nyumba iya Mwene, Inyumba iya Mwene, Inyumba iya Mwene!”

Nkuto 1:1

Mwee, akaya akakulu nkani aka Yelusalemu, kako kale kakizula na bantu ilelo kaba chisami. Ali ngati mukolo umufwilwe, yuyo kale akachindikiwanga muchisu ichapasi. Akaba we mwene umukolo uwa inko izinji zyosi, loli ilelo aba muzya.

Amosi 3:2

“Pakasi pa inko zyosi izya muchisu ichapasi, nkabasala mwemwe mwebene polelo nkwiza pakubafunda pachifukwa icha mbibi zyinyu zyosi.”

Amosi 3:9

Lumbilila mumalinga agha mu Ashidodi, sona na mumalinga agha mu Ijiputi: “Bungana mumaghamba agha mu Samaliya, umwakuti mwennye ukuvulungana ukukulu nkani, nukuyiviwa kuko kuli pakasi pabantu.”

Amosi 4:1

Ivwa kuno, mwe bakolo aba mu Samaliya mwe mwinite ngati ngwata izya mu Bashani. Mwe mukubayivya abapina na bapotwe mukubabuzya abalume binyu mukuti, “Tupe chimo ichakung'wela!”

Amosi 5:27

Polelo nkwiza pakubatuma pakuba mwe bazya ukuchila ichisu icha Damasika.” U Mwene anena, yuyo itabwa lyache we Chala Uwamaka Ghosi.

Amosi 8:14

Abantu bosi babo bakulapila mwitabwa ilya Ashima ichifwani icha Samaliya, pamo bakuti, ‘Naloli nkulapila mwa chala umumi uwaku Dani,’ pamo ukuti, ‘Naloli nkulapila mwa chala umumi uwaku Belisheba’ bosi banaba bakwiza pakuwa, batakwiza pakunyamuka sona.”

Amosi 9:10

Ababomba mbibi bosi pakasi pabantu bane, bakwiza pakufwa nupanga, sona abantu bosi babo bakuti, ‘Chitalipo nachimochimo ichibibi ichakutuwila pamo ukuti ubupalapala butuwile.’ ”

Mika 3:1

Po nkati, “Mwe balongozi aba Yakobo, mwe balaghili aba Izilayeli, teghelezya, nkimba te mwemwe mubaghiye pakubumanya ubwanaloli?

Zefaniya 1:12

“Pakabalilo kalakala, nkwiza pakumulondelezya u Yelusalemu ni nyale nukubafunda babo bakwituvya, sona abantu babo bali navyo vyosi nukwisubila. U Mwene anena. “Abantu banaba bakwinong'ona ukuti, ‘U Mwene atakwiza pakubombapo chimo, ichiza pamo ichibibi.’

Yakobo 1:18

Mubwighane bwache, akatupa ubumi ukwendela mu mazyu ghache aghanaloli, umwakuti tubanje nu buzilo ubwakwanda pakasi pa vipeliwa vyache vyosi.

Yakobo 5:5

Mwizuzya ubumi bwinyu pachisu ichapasi ni vyakubahobosya. Mwiyinisya mwebene ngati yo ng'ombe yiyo bakabuka nayo pakuyibola.

1 Pitala 5:7

Mumutulile ukupasya kwinyu kosi, pakuti akubapasikizya amwe.

Abalongi 18:7

Abantu fayivi bala bakabuka nukufika mu Layishi. Kulakula bakennya ukuti abantu bakikalagha umwakufwasa ngati bo ba Sidoni, sona na basita kupasya. Abantu bala bakaba bakabi nkani pachifukwa ichakuti ichisu chabo chitakasobelwapo ichintu nachimochimo. Bakikalagha kubutali nkani naba Sidoni, sona batakendelanagha ninko izinji.