Amosi 5:7 - IBAYIBOLO 2024

⁷ Mwabwandula ubwanaloli pakuba bubavu, nukubusumbila ubugholosu palufumbi.

Amosi 5:7 Iomraidhean Croise

Masalimo 125:5

Loli babo bakweghelela inkalo inyonganu, u Mwene akwiza pakubachimbizya poka na babomba mbibi. Mu Izilayeli mubanje umutende.

Masalimo 36:3

Amazyu agha mumulomo wache mabibi sona mazimbuli, alekite pakuba muntu uwamahala, umwakuti atakubomba nabumobumo ubwiza.

Ivyili 21:7

Ivyongo ivya muntu umubibi vikumunangannya, pakuti akukana pakubomba ingolosu.

Yesaya 1:23

Abalongozi bako basambuke, sona baba bo bamanyani aba biba. Baghanite nkani pakupokela amabeko, sona akabalilo kosi bakulonda vyo vyabupi. Batakubavighilila abana abalanda, pamo pakuteghelezya inongwa izya bakolo abafwilwe.

Yesaya 10:1

Chighune kubabo bakupinya indaghilo imbibi, sona kubabo bakusimba indaghilo izya kubayivya abamwabo,

Yesaya 46:12

Teghelezya kukwane mwe muli namoyo amakafu, sona mwe muli kubutali nu bugholosu.

Yesaya 5:20

Chighune ku babo bakuti ububibi bo bwiza, sona ubwiza bakuti bubibi, babo bakubika ichisi pakuba buzelu sona ubuzelu pakuba chisi, ivibabe bakuti vyo vinoni sona ivinoni vyo bakuti vibabe.

Yesaya 5:7

Umughunda uwa mampesya uwa Mwene Uwamaka Ghosi we Izilayeli, abantu aba mu Yuda vyo vibyalwa vyane vivyo nkuhoboka navyo. Akasubilagha ukuti babombaye ubwanaloli, loli akennyanga ibanda, akasubilagha ubugholosu, loli akivwanga ukulila ukwakuyiviwa kwene.

Ezekiyeli 18:24

“ ‘Loli nanti umuntu umugholosu akuleka pakubomba ubugholosu nukubomba imbibi sona akubomba ivintu ivyamwiko vilavila vivyo umuntu umubibi akubomba, nkimba akwiza pakuba nubumi? Butalipo ubugholosu nabumobumo bubo akabomba bukwiza pakukumbukiliwapo. Pachifukwa icha kusita kusubiliwa sona na pachifukwa icha mbibi zizyo abomba akwiza pakufwa.

Ezekiyeli 3:20

“Sona nanti umugholosu akubuleka ubugholosu bwache nukubomba ububibi, nkwiza pakubika ichizinka pantazi papache, po akwiza pakufwa. Pachifukwa ichakuti utakamusoka akwiza pakufwa pachifukwa icha mbibi zyache. Imbombo ingolosu zizyo akabomba zitakwiza pakukumbukiwa, po awe ukwiza pakuba ninongwa pachifukwa icha bufwe bwache.

Ezekiyeli 33:18

Nanti umuntu umugholosu akubuleka ubugholosu bwache nukubomba imbibi, akwiza pakufwila mu mbibi.

Hoseya 10:4

Bakulayizya pakubomba ivintu ivyinji nkani, bakulapa ivilapo ivyabumyasi, sona bakunena amazyu ghagho ghate ni mbombo, bo bakulapa ivilapo. Polelo ubulongi bwabo bukumela ngati lisote ibibi.

Amosi 2:3

Nkwiza pakumunangannya umulaghili wabo sona nkwiza pakughaghogha amakambala ghache ghosi.” U Mwene anena.

Amosi 3:10

U Mwene akuti, “Batamenye na pakubomba ubugholosu, babo bakusunga ivintu ivyakufyula mumalinga ghabo.”

Amosi 6:12

Nkimba ifalasi zikuchimbila mumabwe? Nkimba umuntu angalima mulamula ni nkambaku? Loli ubwanaloli mwabupela pakuba chimelwa ichakughogha, vyope ivikomwa ivya bugholosu mwavipela pakuba vyakubaba,

Mika 3:9

Ivwa kuno, mwe balongozi abaluko ulwa Yakobo, mwe balaghili aba Izilayeli, babo bakubusula ubwanaloli, nukuchinyongannya chosi chicho chigholosu,

Habakuku 1:4

Polelo indaghilo zite na maka sona ubwanaloli butakubombiwa nalumo. Abantu ababibi bakuboghofya abagholosu, umwakuti bakunyongannya ubwanaloli.

Zefaniya 1:6

Nkwiza pakubanangannya abantu babo bakukana pakumukonka u Mwene sona babo batakumulondelezya pamo pakumubuzikizya u Mwene.”

Ukukumbusya Amalamulo 29:18

Mwenelezye ukuti atakabepo nayumoyumo umwanavuli pamo umukolo pamo inyumba pamo uluko kokuti amwe mwebosi mwe mwimiliye pano ilelo mwapaghukako kwa Mwene u Chala witu nukubiputa abachala aba inko izinji. Mwenelezye nkani ukuti katakabepo nakamokamo akagululuzi pakasi papinyu kako kangela ivikomwa ivyakubaba nivimelwa ivyakughogha.