Amosi 5:6 - IBAYIBOLO 2024

⁶ Mumulondelezye u Mwene, po mukwiza pakuba nubumi, lumo akwiza pakubazimizya, aba inko izya Yosefu ngati moto, ghukwiza pakubalungulizya abantu aba mu Beteli, po atalipo nayumoyumo umuntu uwakughuzimya.

Amosi 5:6 Iomraidhean Croise

2 Samuweli 19:20

Pakuti ane ne wambombo wako inzimenye ukuti nananga, loli ilelo ne muntu wakwanda uwaluko ulwa Yosefu ukwiza pakukomana nawe, mwene.”

1 Abamwene 11:28

U Yelobowamu akaba muntu umumanyikwe sona mujivu. Bo u Solomoni ennya ukuti umulumendo yula akaba wakwiyula, akamubika ukuti abanje we kapitwa uwakwenelezya imbombo izyakufyengiwa bulo pakasi pabantu abaluko ulwa Yosefu.

2 Imbili 34:25

Pachifukwa ichakuti abantu bankana nukufukizya utwakununkila ku bachala abanji nukunkalalizya pavyosi vivyo bapangite ni nyobe zyabo, po ane nkwiza pakukakalalila akaya akakulu nkani kanaka, umwakuti ubukali bwane butakwiza pakutozoka nalumolumo.

Masalimo 27:8

Wee Mwene ukambuzya ukati, “Londelezya icheni chane!” Po icheni chako cho chicho nkuchilonda.

Masalimo 69:33

Pakuti u Mwene akubivwa abapotwe, sona atakubapa inkonto babo bali mujele.

Ukufuma 22:6

“Nanti umuntu akozya ulupya mumughunda wache, po ulupya lula lwalobokela mumughunda uwa muntu uyunji nukocha ingano yiyo yili muvibunga pamo yiyo bachili batabolite, umuntu yuyo akozizye ulupya abaghiye alipile vivyo umoto wanangannya.

Yesaya 1:31

Umuntu uwamaka akwiza pakuba mudedebazu, sona imbombo zyache ngati kampesese aka moto. Abantu bosi babili banaba bakwiza pakupyela poka, sona patakwiza pakubapo umuntu nayumoyumo uwakughuzimya umoto ghula.”

Yesaya 55:3

Munteghelezye nkani nukwiza kukwane, munyivwe, ukuti mubanje nubumi. Nkwiza pakufingana namwe, ulufingo ulwa bwila na bwila, nukubapa ulusayo lulo nkamulayizya u Devedi.

Yesaya 55:6

Mulondelezye u Mwene pakabalilo kako angaghiwa, mumwitizye bo ali papipi.

Yelemiya 38:20

U Yelemiya akamwamula akati, “Batakwiza pakukubika munyobe zyabo. Awe umwivwilaye bulo u Mwene pakubomba zyosi zizyo nkukubuzya. Po vyosi vikwiza pakukwendela akiza, sona ukwiza pakubupoka ubumi bwako.

Yelemiya 4:4

Mwisilimule mwebene kwa Mwene sona mughasilimule amoyo ghinyu, mwe bantu aba mu Yuda na mwe bantu aba mu Yelusalemu, nanti mutakubomba bunubu ubukali ubwa Mwene bukwiza pakwaka ngati moto, pachifukwa icha bubibi bwinyu bubo mwabomba, sona atalipo nayumoyumo uwakughuzimya.

Yelemiya 7:20

U Mwene Uwamaka Ghosi akunena akuti, “Ukukalala kwane nu bukali bwane vikwiza pakupunguliwa pabuzilo bunubu, pa muntu napa chinyamana, pa makwi agha munkolongo napa seke izya mumughunda, sona bukwiza pakwaka ngati moto ghugho ghutakuzima.”

Ezekiyeli 21:3

sona uchibuzye ukuti, ‘U Mwene akuti: Ane nkulwana namwe. Nkwiza pakuwesa upanga munyambi yache nukubaghogha mwebosi abagholosu na babibi.

Ezekiyeli 33:11

Ubabuzye ukuti, ‘U Mwene Uwamaka Ghosi ati: Naloliloli nkulapa, intakuhoboka nimfwa iya muntu umubibi, loli nkuhoboka nanti akuzileka imbibi nukuba nubumi. Mwee ba Izilayeli nyokako nukuzileka izila zyinyu imbibi! Nkimba mukufwilachi?’

Ezekiyeli 37:19

ubamule uti, ‘U Mwene Uwamaka Ghosi akuti: Nkwiza pakusenda indisa iya Yosefu yiyo yili munyobe iya Efulayimu nuluko ulwa Izilayeli lulo bakwangalilana nawe nukuyimamatizya ku ndisa iya Yuda, ukuti yibe ndisa yoka, umwakuti babanje ndisa yoka munyobe yane.’

Amosi 3:14

Pisiku lilyo nkwiza pakubafundila aba Izilayeli pachifukwa icha mbibi zyabo. Nkwiza pakuvimongolannya ivighemo mu Beteli, impembe izya vighemo zikwiza pakudumuliwa sona zikwiza pakuwa pasi.

Amosi 5:14

Mubulondaye ubwiza, sona mutakabulondaye ububibi, umwakuti mubanje nubumi. Po u Mwene u Chala Uwamaka Ghosi akwiza pakuba namwe, ukuyana namumo mukunenela ukuti momumo abeleye.

Amosi 5:4

U Mwene akubabuzya aba Izilayeli akuti, “Mundondelezye, po mukwiza pakuba nubumi.

Amosi 6:6

Mukung'welela uvinyo mumbako inyizule, sona mukupakala amafuta aghakununkila nkani, loli mutakuba ni chitima pachifukwa icha kunanganika ukwa Izilayeli.

Zefaniya 2:3

Mumulondaye u Mwene mwebosi mwe mukwiyisya, mwe muli muchisu, amwe mwe mukubomba zizyo akubalamula. Mubulondaye ubugholosu, sona nukwiyisya. Lumo mungapona pisiku ilya kukalala ukwa Mwene.

Zekaliya 10:6

“Nkwiza pakubapela abantu aba mu Yuda, pakuba bamaka nkani, nukulupoka uluko ulwa Yosefu. Nkwiza pakubanyosezyamo, pachifukwa ichakuti indi nabo ni chililizi. Bakwiza pakuba ngati po intabakanitepo nalumo, pakuti ane ne Mwene u Chala wabo, sona nkwiza pakubamula.

Ukukumbusya Amalamulo 32:22

Ubukali bwane bukwiza pakwaka ngati moto, ghugho ghukwaka mupaka kuchisu icha bantu abafwe. Bukwiza pakuchilungulizya ichisu ichapasi ni vimelwa vyache vyosi, sona na maghamba ghache ghosi.

Ukukumbusya Amalamulo 4:24

Pakuti u Mwene u Chala winyu we moto uwakulungulizya, sona we Chala uwa buzuba.

Yoshwa 18:5

Bachigabe ichisu chila muvigaba seveni. Abaluko ulwa Yuda bikalaye muchigaba chabo icha kuntende, sona bope abaluko ulwa Yosefu bikalaye muchigaba chabo icha kumitu.