Amosi 5:5 - IBAYIBOLO 2024

⁵ Mutakabuke pakwiputa ku Beteli, mutakabuke ku Giligali, pamo ku Belisheba. Pakuti naloli abantu aba mu Giligali bakwiza pakusendiwa nukubuka kubuzya, sona u Beteli akwiza pakuzimila ngati chintu ichabulo.”

Amosi 5:5 Iomraidhean Croise

Ubwandilo 21:31

Po ubuzilo bula bakabwita ukuti we Belisheba, pachifukwa ichakuti abantu babili bala bakalapa ichilapo palapala.

Ubwandilo 21:33

Po mu Belisheba mulamula u Abulahamu akabyalamo ikwi ilya mupandapanda nukumwiputa u Mwene, u Chala uwa bwila na bwila.

Ubwandilo 26:23

Bo pachilapo akabalilo, u Yisaki akepapo nukubuka ku Belisheba.

Ubwandilo 26:33

U Yisaki akachita itabwa ilyakuti, “Chilapo.” Ichi cho chifukwa akaya akakulu nkani kala kakwitiziwa ukuti Belisheba mupaka nilelo bulo.

1 Abamwene 12:28

Bo mwene yula abuzikizya, akapanga ivifwani ivya ngwata vibili ivya golide. Po akababuzya abantu akati, “Mwee ba Izilayeli, mwabukagha ku Yelusalemu pakwiputa akabalilo akatali nkani. Ilelo abachala binyu bo aba, babo bakabefya mu Ijiputi!”

1 Abamwene 12:29

Akachibika ichifwani choka mu Beteli, ichinji akachibika mu Dani.

2 Abamwene 23:8

U Yosiya akiza na baputi bosi aba mutwaya twa Yuda nukubunyazya ubuzilo ubwa pamwanya ubwakwiputilapo kuko abaputi bala bakabikaghako ivyakwiyipa ukwandila ku Geba mupaka ku Belisheba. Akamongolannya inyumba zyosi zizyo zikaba pamulyango uwa Yoshwa, umwilili uwa kaya akakulu nkani kala, ghugho ghukaba kumongo ukwa mulyango uwa kaya kala.

Yobu 8:22

Abalwani bako bosi bakwiza pakuba ni soni, sona inyumba izya bantu ababibi zikwiza pakuzimila.

Masalimo 33:10

U Mwene akuzivulungannyanga imbatiko izya inko imbibi, sona akuzipelagha pakuba zyabulo inyinong'ono izya luko.

Yesaya 29:20

Abantu abakali bakwiza pakuzimila, bope abalobezyo bakwiza pakuzyebeluka, sona abantu babo bakubennya abanji ni lyiso ibibi, bakwiza pakwefiwapo.

Yesaya 8:10

Munene zyosi zizyo mukulonda pakunena, loli zikwiza pakuba zyabulo sakizya imbatiko zyinyu, loli zitakwiza pakubomba pakuti u Chala ali naswe.

Yelemiya 48:13

“Po u Mowabu akwiza pakuba ni soni nu chala wabo u Kemoshi, ngati mumo isoni zikabalemela aba Izilayeli, ichifwani chicho bakachisubila mu Beteli.

Hoseya 10:8

Ubuzilo ubwapamwanya ubwa Aveni, imbibi iya ba Izilayeli yimongoliwanje. Amivwa ni ntolovu vikwiza pakumela mulamula, nukuvivwinka ivighemo vyabo. Po bakwiza pakughabuzya amaghamba ukuti, “Tufisaye bulo!” Nukutubuzya utughamba ukuti, “Tuwilaye!”

Hoseya 12:11

Nkimba mu Giliyadi muli ububibi? Abantu bache bate ni mbombo nayimoyimo! Nkimba bakwiyipa inkambaku mu Giligali? Ivighemo vyabo vikwiza pakuba ngati chilunda icha mabwe, pamughunda ghugho balima.

Hoseya 4:15

“Mwee ba Izilayeli napapo mukulowa nkani, loli aba Yuda batakabanje ninongwa. “Mutakabukaye ku Giligali, pamo ku Beti Aveni. Mutakalapaye ukuti, ‘Nkulapila mwitabwa ilya Mwene umumi!’

Hoseya 9:15

“Nkubabenga pachifukwa icha bubibi bubo babomba muchisu icha Giligali, sona na pachifukwa icha mbombo imbibi zizyo babomba, po nkwiza pakubefyamo munyumba yane. Ane ntakwiza pakubaghana nalumo sona. Abalongozi babo bosi basambuke.

Amosi 1:5

Nkwiza pakuzipyolannya impingwi izya milyango iya Damasika, sona nkwiza pakumunangannya u mwene, yuyo akwikala mwikombe ilya Aveni, sona na yuyo akulaghila mu Beti Edeni. Abantu aba mu Siliya bakwiza pakubuka kuchisu icha buzya icha Kili.” U Mwene anena!

Amosi 3:14

Pisiku lilyo nkwiza pakubafundila aba Izilayeli pachifukwa icha mbibi zyabo. Nkwiza pakuvimongolannya ivighemo mu Beteli, impembe izya vighemo zikwiza pakudumuliwa sona zikwiza pakuwa pasi.

Amosi 4:4

“Buka ku Beteli nukubomba imbibi, sona buka ku Giligali, nukubomba imbibi inyinji. Zagha ni vyakwiyipa vyinyu pandabindabi posi, sona mubikaye ichigaba choka icha vigaba 10, pisiku ilyabutatu.

Amosi 7:10

Po u Amaziya umuputi uwaku Beteli akamutumila amazyu u Yelobowamu u mwene uwa Izilayeli aghakuti, “U Amosi akubatika pakukusambukila pakasi paba Izilayeli bosi. Abantu batangazyivwa zizyo akuzinena.

Amosi 7:13

Utakachele pakulaghula sona mu Beteli muno, pachifukwa ichakuti bunubu bo buzilo ubuzelu ubwa mwene witu u Yelobowamu, sona yo nyumba iya bumwene.”

Amosi 7:17

“Polelo u Mwene akuti, ‘Umuchi wako akwiza pakuba we malaya mukaya akakulu nkani, sona abana bako abalumendo na balindu bakwiza pakughoghiwa nupanga. Ichisu chako chope chikwiza pakupimiwa nukugabiwa, sona amwe mwebene mukwiza pakufwila muchisu chicho chitamumenye u Chala. Aba Izilayeli bosi bakwiza pakuba bazya, kubutali ni chisu chabo.’ ”

Amosi 7:9

Ubuzilo ubwapamwanya ubwa Yisaki bukwiza pakunanganika, bope Ubuzilo Ubuzelu ubwakwiputilamo ubwa Izilayeli bukwiza pakuba chisami. Nkwiza pakubaghogha abamunyumba iya Yelobowamu.”

Amosi 8:14

Abantu bosi babo bakulapila mwitabwa ilya Ashima ichifwani icha Samaliya, pamo bakuti, ‘Naloli nkulapila mwa chala umumi uwaku Dani,’ pamo ukuti, ‘Naloli nkulapila mwa chala umumi uwaku Belisheba’ bosi banaba bakwiza pakuwa, batakwiza pakunyamuka sona.”

1 Aba Kolinti 1:28

Po akavisala ivintu vivyo vite ni mbombo, sona vivyo abantu aba muchisu ichapasi bavisulite, umwakuti anangannye ivintu vivyo abantu aba muchisu ichapasi bakwinong'ona ukuti vyapamwanya.

1 Aba Kolinti 2:6

Loli tukunena amazyu aghamahala na bantu babo bamaka mubuzimu, napapo amahala agha ghate mahala agha masiku agha, pamo agha balaghili aba muchisu ichapasi, babo amaka ghabo ghakumala.

Ukukumbusya Amalamulo 28:41

Amwe mukwiza pakupapa abana abalumendo na balindu, loli batakwiza pakuba binyu pachifukwa ichakuti bakwiza pakulemiwa pakuba bazya.

Yoshwa 5:9

Po u Mwene akamubuzya u Yoshwa akati, “Ilelo nabefya isoni izya buzya bubo mukaba nabo mu Ijiputi.” Ichi cho chifukwa ubuzilo bula bakabwita ukuti Giligali, sona bukwitiziwa ni tabwa linili mupaka nilelo bulo.

Ubuvumbuli 18:17

Mwa awala weka bulo ubukabi bosi bwananganika!’ “Abenecho bosi aba bwato ubukulu nkani na bendazila na bakapitawa aba bwato ubukulu nkani na bantu abanji bosi abaghulizi panyanja bakimilila pabutalipo.

1 Samuweli 11:14

Po u Samuweli akababuzya abantu bala akati, “Twende ku Giligali ukuti kope tubasimikizizye abantu nizya bumwene ubwa Sabuli.”

1 Samuweli 7:16

Umwaka nu mwaka akakendelagha akaya akakulu nkani aka Beteli naka Giligali, sona naka Mizipa, sona akalongagha inongwa izya bantu mutwaya tosi tunutu.

1 Samuweli 8:2

Umwana wache ukatote akaba we Yoweli, sona uwabubili akaba we Abiya. Abana bache bosi banaba bakaba balongi mukaya aka Belisheba.