Amosi 5:4 - IBAYIBOLO 2024

⁴ U Mwene akubabuzya aba Izilayeli akuti, “Mundondelezye, po mukwiza pakuba nubumi.

Amosi 5:4 Iomraidhean Croise

2 Abamwene 20:3

“Wee Mwene, ukumbuke mumo nendelagha pantazi papako umwabusubiliwa nu moyo uwakwiyipa sona nukubomba inyiza pantazi papako.” Po u Hezekiya akalila nkani.

1 Imbili 28:9

“Wee mwana wane Solomoni, umwivwilaye nukumubombela u Chala uwa ghuso nu moyo wako ghosi pakuti u Mwene azimenye inyinong'ono izya muntu na kabombele kache. Nanti ukumulondelezya, ukwiza pakumwagha, loli nanti ukumusula, wepe akwiza pakukukana bwila na bwila.

2 Imbili 15:2

Po akabuka pakukomana nu Asa nukumubuzya ukuti, “Wee Asa na mwebosi mwe bantu aba mu Yuda naba mu Benjamini ivwa kuno! U Mwene akuba namwe nanti mukuba nawe. Nanti mukumulondelezya, mukwiza pakumwagha, loli nanti mukumukana, wepe akwiza pakubakana.

2 Imbili 20:3

Po u Yehoshafati akanyila nkani, umwakuti akadumula nizya kubuka pakubuzikizya kwa Mwene sona akabalamula abantu bosi aba mu Yuda ukuti batuzye pakulya.

2 Imbili 20:4

Abantu aba mu Yuda bakabungana poka pakumulaba u Mwene ukuti abavwe. Naloli bakiza ukufuma mutwaya tosi utukulu utwa mu Yuda pakumulondelezya u Mwene.

2 Imbili 34:3

Mumwaka uwa eyiti bo akulaghila sona bo achili mwana munandi, akanda pakumwiputa u Chala uwa munyenya wache u Devedi. Mumwaka uwa 12 akanda pakwefya apakwiputilapo ivifwani mu Yuda na mu Yelusalemu ni vifwani ivya Ashela ni vifwani ivyakubiza sona ni vifwani ivya chela.

Masalimo 14:2

Bo ali kumwanya u Mwene akubennya abantu pachisu ichapasi, umwakuti ennye nanti balipo bamo abantu abamahala, babo bakumulondelezya u Chala.

Masalimo 22:26

Abapina bakwiza pakulyanga nukwikuta, sona babo bakumulondelezya u Mwene bakwiza pakumupala ukuti, “Amoyo ghinyu ghabanjeko bwila na bwila.”

Masalimo 27:8

Wee Mwene ukambuzya ukati, “Londelezya icheni chane!” Po icheni chako cho chicho nkuchilonda.

Masalimo 69:32

Abapina bazyennyanje zinizi nukuhoboka, sona mwebosi mwe mukumulondelezya u Chala, mujimbaye amoyo.

Masalimo 69:33

Pakuti u Mwene akubivwa abapotwe, sona atakubapa inkonto babo bali mujele.

Yesaya 31:1

Chighune ku bantu babo bakubuka kuchisu icha Ijiputi, pakulaba ubwavwilizi, babo beghamiye pafalasi, abantu babo bachisubiye ichilundilo icha bendezya ingolo, namumaka amakulu agha basilikali babo, loli batakumusubila u Muzelu uwa Izilayeli, pamo ukulonda ubwavwilizi ubwa Mwene.

Yesaya 55:3

Munteghelezye nkani nukwiza kukwane, munyivwe, ukuti mubanje nubumi. Nkwiza pakufingana namwe, ulufingo ulwa bwila na bwila, nukubapa ulusayo lulo nkamulayizya u Devedi.

Yelemiya 38:20

U Yelemiya akamwamula akati, “Batakwiza pakukubika munyobe zyabo. Awe umwivwilaye bulo u Mwene pakubomba zyosi zizyo nkukubuzya. Po vyosi vikwiza pakukwendela akiza, sona ukwiza pakubupoka ubumi bwako.

Ezekiyeli 18:9

Akuzikonka indaghilo zyane, nukusungilila akiza amalamulo ghane. Umuntu yunuyu mugholosu, sona akwiza pakuba nubumi, u Mwene Uwamaka Ghosi anena.

Hoseya 10:12

Mwipeselaye mwebene ubugholosu umwakuti mwinulaye, lughano lulo lutakupotwapo nalumolumo. Puzannya amaghunda ghinyu, pakuti ko kabalilo akakumulondela u Mwene, mupaka u Mwene ize nukubapungulila ubugholosu.

Amosi 5:6

Mumulondelezye u Mwene, po mukwiza pakuba nubumi, lumo akwiza pakubazimizya, aba inko izya Yosefu ngati moto, ghukwiza pakubalungulizya abantu aba mu Beteli, po atalipo nayumoyumo umuntu uwakughuzimya.

Zefaniya 2:3

Mumulondaye u Mwene mwebosi mwe mukwiyisya, mwe muli muchisu, amwe mwe mukubomba zizyo akubalamula. Mubulondaye ubugholosu, sona nukwiyisya. Lumo mungapona pisiku ilya kukalala ukwa Mwene.

Matayi 7:8

Pakuti umuntu wesi yuyo akulaba akwiza pakupokela, sona umuntu wesi yuyo akulonda akwiza pakuvyagha, sona umuntu wesi yuyo akukong'osya, ulwiyi lukwiza pakumwighukila.

Ukukumbusya Amalamulo 32:46

akababuzya akati, “Mwenelezye nkani ukuti mukukumbuka amalamulo ghosi ghagho nabapa ilelo. Mubabuzye abana binyu ukuti baghakonkaye amalamulo ghosi ghanagha.

Ukukumbusya Amalamulo 32:47

Amalamulo ghanagha ghate ghakughangalila awe, loli bo bumi bwinyu. Mughakonkaye umwakuti mubanje nubumi ubutali muchisu chicho mukubuka pakwikalamo kwisila ilya Yolodani.”

Ukukumbusya Amalamulo 4:29

Loli nanti mukumulondelezya u Mwene u Chala winyu, bo muli kulakula, sona nanti mukumulondelezya na moyo ghinyu ghosi nu muzimu winyu ghosi, mukwiza pakumwagha.