Amosi 5:18 - IBAYIBOLO 2024

¹⁸ Chighune nkani, mwe mukulisamba isiku ilya Mwene! Nkimba choni chicho mukulisamba isiku ilya Mwene? Isiku lila likwiza pakuba lisiku ilya chisi, te kukabanje ulukozyo.

Amosi 5:18 Iomraidhean Croise

Yesaya 13:6

Fwifwitilagha, pakuti isiku ilya Mwene lili papipi, likwiza ngati kunangannya ukufuma ku Wamaka Ghosi.

Yesaya 24:18

Wesi yuyo akuchimbila ivyakoghofya, akwiza pakuwila muchibwina, wesi yuyo akufumamo muchibwina, akwiza pakulemiwa muchitegho. Imilyango iya kumwanya yighukite, ulwalo ulwa pachisu ichapasi lukuneng'ena.

Yesaya 5:19

babo bakuti, “Leka u Chala endelezye, abombe lubilolubilo imbombo yache ukuti tuyennye. Leka umuzelu uwa Izilayeli abombe zizyo abatikite ukuti tuzimanye.”

Yesaya 5:30

Pisiku lilalila bakwiza pakubuluma, pachifukwa icha nyama nukupoma ngati nyanja. Nanti weka akwennya pachisu, akwennya ichisi nintamyo, lope ulukozyo lukwiza pakukupikiliwa namabingu amafitu.

Yesaya 58:2

Pakuti bakundonda isiku ni siku, bakulonda nkani ukuzimanya izila zyane, ngati luko lulo lukubomba ingolosu, sona lutaghalekite amalamulo agha Chala. Bakundaba ukuti idumule inongwa zyabo mubwanaloli, nukuhoboka pakwikala papipi nu Chala wabo.

Yesaya 8:22

Po bakwiza pakwennya pachisu ichapasi intamyo, nububavu ubukulu nkani ni chisi ichakoghofya, bakwiza pakutaghiwa muchisi.

Yesaya 9:19

Pachifukwa icha bukali ubwa Mwene Uwamaka Ghosi ichisu chikwiza pakupya sona abantu bakwiza pakuba nkwi izya moto, atalipo nayumo yuyo akwiza pakumupelela ichisa uwamwabo.

Yelemiya 13:16

Mumuchindikaye u Mwene u Chala winyu bo achili pakwiza nichisi, bo ivinama vyinyu vitipunuye muchisi icha mumaghamba. Mukulindilila ulukozyo, loli akwiza pakulupela pakuba chisi ichakoghofya.

Yelemiya 17:15

Abantu bakundalusya bakuti, “Nkimba izyu ilya Mwene lili kwiyi? Lileke lyizaye.”

Yelemiya 30:7

Mwee, isiku ili likulu nkani! Litalipo isiku ilinji lilyo liyanite nalyo. Kakwiza pakuba kabalilo akantamyo kwa Yakobo, loli pope bulo akwiza pakupona.”

Ezekiyeli 12:22

“Wee mwana uwa muntu, nkimba choni chicho muli ichili ichi muchisu icha Izilayeli pakuti, ‘Amasiku ghakubuka sona ivisetuka vyosi vikubanga vyabulo’?

Ezekiyeli 12:27

“Wee mwana uwa muntu, aba Izilayeli bakwinong'ona ukuti, ‘Ivisetuka nubulaghuzi vivyo bakuvyennya vikunena nizya vintu ivyamuntazi nkani, sona akalaghula nivya muntazi nkani.’

Yoweli 1:15

Mwee, chighune pisiku lilalila! Pakuti isiku ilya Mwene lili papipi, sona likwiza ngati kunanganika, ukufuma ku Wamaka Ghosi.

Yoweli 2:10

Ichisu chikuyingana pantazi papabo, kope kumwanya kukutetema. Izuba nu mwezi vyaba bulo fii, sona zyope intondwa zitakulama nalumo.

Yoweli 2:11

Izyu ilya Mwene likujilimisya pamaso pabasilikali bache, abasilikali bache binji nkani ukuchilapo. Bamaka babo bakubomba zizyo u Mwene akulonda. Isiku ilya Mwene likulu nkani, sona lyakoghofya nkani. Nkimba wewenu yuyo angajimba?

Yoweli 2:31

Izuba likwiza pakwanduka chisi, ghope umwezi ghukwiza pakwanduka libanda, bo litizite isiku ikulu nkani ilya Mwene sona ni lyakoghofya.

Obadiya 1:15

“Isiku ilya Mwene lipalamiye ku inko zyosi. Wee Edomu, ngati mumo wabombela, zikwiza pakubombiwa nakukwako bulo, vivyo wabomba vikwiza pakunyokela pamutu wako.

Malaki 4:1

U Mwene Uwamaka Ghosi akuti, “Naloli isiku likwiza, po likwiza pakocha ngati muvuno, abantu bosi babo bakwituvya na babomba mbibi bakwiza pakupya ngati lyelelo. Pisiku lilalila umoto ghukwiza pakulyocha,” chitalipo nachimochimo chicho chikwiza pakulekiwapo igululuzi pamo akasamba.

Ukukumbusya Amalamulo 32:24

Nkwiza pakubawisizya izala inkulu nkani, sona nintamyo ni viwaya ivipalapala nkani. Nkwiza pakubatumila ivinyamana ivyakoghofya, sona ni njoka izya bwanga ukuti zibalume.

2 Pitala 3:10

Loli isiku ilya Mwene likwiza ngati mwiba. Pisiku lilalila ivintu vyosi ivya kumwanya vikwiza pakumala ni chongo ichakoghofya. Ivintu vyosi vikwiza pakusunguluka numoto, sona ichisu ichapasi chope ni vintu vyosi vikwiza pakuba pabuzelu.

2 Pitala 3:4

Bakwiza pakubobezya ukuti, “Nkimba u Mwene atakalayizya ukuti akwiza sona? Po ilelo fwandi, ali ko kwiyi? Abanyenya bitu bakafwa kale, loli ivintu vyosi vichili vili bulabula mumo u Chala akavipelela ukwandila ko kubwandilo.”