Amosi 5:16 - IBAYIBOLO 2024

¹⁶ Polelo u Mwene u Chala Uwamaka Ghosi akuti, “Mumisebo mukwiza pakuba ukulila, sona muminalo mukwiza pakuba kulila kwene, pachifukwa icha ntamyo, bope abalimi bakwiza pakwitiziwa pakulila, poka na bantu babo bamenye pakulila pamfwa.

Amosi 5:16 Iomraidhean Croise

2 Imbili 35:25

Umulaghuzi u Yelemiya akata inyimbo izya pamfwa iya Yosiya, umwakuti mupaka nilelo bulo abimbi bosi abanavuli na bakolo bakumulila u Yosiya. Ulu lukaba lulaghilo mu Izilayeli sona lusimbiwe mwibuku ilya Chililo.

Yesaya 15:8

Ukulila kwabo kwivwika mupaka kumpaka iya Mowabu, Ukufwifwitila kwabo kwivwika mupaka ku Egilayimu, Inkuta yabo yivwika mupaka ku Beyele Elimu.

Yesaya 22:12

Pisiku lilalila u Mwene, u Mwene Uwamaka Ghosi akabitizya abantu ukuti balile nukufwifwitila, ukumeta isisi nukuvwala amasaka.

Yelemiya 30:5

U Mwene akuti, “Nivwa amazyu agha nkuto, amazyu aghakoghofya ghagho te ghamutende, awe.

Yelemiya 4:31

Nkivwa ukulila ngati po kwa mukolo yuyo ali pakusayiwa, ukukoloma ukwa yuyo akupapa umwana ukatote. Ukulila ukwa bantu aba mu Ziyoni bo bali pakubulonda ubumi bwabo, bakugholosya inyobe zyabo bakuti, “Mwee nkuzilika! Ubumi bwane bwabikiwa munyobe izya baghoghi.”

Yelemiya 9:10

Nkwiza pakukolomoka nukughalilila amaghamba sona nkwiza pakuyifwifwitila inkolongo, pachifukwa ichakuti ukwakudimako kwananganika. Kwaba chisami sona batakwendako ukumota ukwavitekwa kutakwivwikako. Iviyuni ni vinyamana vyachimbilamo.

Yelemiya 9:16

Nkwiza pakubanyampanizizya pakasi pa inko zizyo abene pamo abanyenya binyu batazimenye nalumo, nukubatumila abasilikali pakubamala bosi.”

Hoseya 4:3

Pachifukwa icha zinizi ichisu chikulila, sona bosi babo bakwikalamo bakwiza pakudedebala, umwakuti ivinyamana ivyamunkolongo, ni viyuni sona niswi vikwiza pakuzimila.

Yoweli 1:11

Mwe balimi, banga ni chitima, mwe balimi aba mampesya, lilagha. Lilagha pachifukwa icha ngano, sona na mapemba ghinyu, pakuti inyinulo yinyu yananganika.

Yoweli 1:14

Lamula ukuti mutuzye pakulya, itizya ulukomano uluzelu, babungannye abasongosongo, sona na bantu bosi babo bakwikala muchisu, mu Nyumba iya Mwene u Chala winyu, po balilaye kwa Mwene.

Yoweli 1:15

Mwee, chighune pisiku lilalila! Pakuti isiku ilya Mwene lili papipi, sona likwiza ngati kunanganika, ukufuma ku Wamaka Ghosi.

Yoweli 1:8

Fwifwitilagha ngati mulindu, bo avwalite amasaka, pakumulila umulumendo yuyo amuzingiliye.

Amosi 3:13

U Mwene u Chala Uwamaka Ghosi akuti, “Teghelezya zinizi sona mususannye na baluko ulwa Yakobo.

Amosi 5:27

Polelo nkwiza pakubatuma pakuba mwe bazya ukuchila ichisu icha Damasika.” U Mwene anena, yuyo itabwa lyache we Chala Uwamaka Ghosi.

Amosi 8:10

Ulusekelo lwinyu ulwanyiputo, lukwiza pakuba chililo, kope ukwimba kwinyu kukwiza pakuba kulila. Umuntu wesi akwiza pakuvwinkiwa amasaka, nukumwa isisi kumitu yinyu, pachifukwa icha chitima. Nkwiza pakukapela akabalilo kalakala pakuba ngati ko kabalilo akakumulila umwana mwene na mwene, sona ubumalilo bwisiku lilalila bukwiza pakuba bwakubaba nkani.”

Amosi 8:3

U Mwene Uwamaka Ghosi akati, “Pisiku lilalila inyimbo izya mu Nyumba iya Chala zikwiza pakuba chililo. Imivimba imyinji yikwiza pakulambalala bulo myee posi na posi!”

Mika 1:8

U Mika akati, “Pachifukwa chinichi, nkwiza pakulila nukufwifwitila, sona nkwiza pakwenda nyayo zyene nukuba nkule, Nkwiza pakukuta ngati we kambwe sona nkwiza pakulila ngati lisisimusi.

Mika 2:4

Mwisiku lilalila abantu bakwiza pakukusamula sona bakwiza pakubobezya ni nyimbo izya chililo izyakuti: ‘Mwee twananganika nkani ukatundu uwa bantu bitu afyuliwa. Anfyula ukatundu wane wesi! Akubapa abalwani amaghunda ghitu ghosi.’ ”

Ubuvumbuli 18:10

Bakwiza pakwimilila pabutalipo pachifukwa ichabogha nintamyo zyache. Bakwiza pakunena ukuti, ‘Intamyo mwee! Intamyo mwee! Intamyo wee akaya akakulu nkani aka Babiloni, akaya akamanyikwe, sona akamaka! Awe wafundiwa mwa awala weka bulo.’

Ubuvumbuli 18:19

Bakikupulila ulufumbi pamitu yabo pachifukwa icha chitima ichikulu nkani, bakalila nukufwifwitila nukuti, ‘Intamyo mwee! Intamyo mwee! Intamyo wee akaya akakulu nkani, akaya kako abenecho aba mabwato amakulu nkani panyanja bakaba bakabi ukwendela mu bukabi bwache. Loli vyosi vikananganika mwa awala bulo weka.’