Amosi 5:11 - IBAYIBOLO 2024

¹¹ Mukumuyivya umuntu umupina, nukumufyenga ukuti abape ingano. Napapo muzengite inyumba inyiza nkani izya mabwe, loli mutakwiza pakwikalaghamo. Napapo mubyalite amaghunda agha mampesya amiza nkani, loli mutakwiza pakung'wela uvinyo.

Amosi 5:11 Iomraidhean Croise

Yobu 20:19

Pakuti akabayivya abapina, sona atakabapasikizya, akabafyula inyumba zizyo yuyo atakazizenga.

Yesaya 16:10

Ulusekelo nukuhoboka vyasendiwa, ukufuma mumaghunda gha vikomwa, atalipo nayumo yuyo akwimba, pamo akukolomoka mumaghunda agha mampesya, sona atalipo nayumo yuyo akukama uvinyo, apakukanyilapo uvinyo, pakuti namazya ichongo icha bakukama uvinyo.

Ezekiyeli 26:12

Bakwiza pakubufyula ubukabi bwako sona na vivyo mukughulizya, nukumongolannya ivibumba vyako nukuzinangannya inyumba zyinyu inyiza, bakwiza pakughasumba amabwe na matabwa ni tope munyanja.

Ezekiyeli 34:21

Ing'ozi idedebazu mukuzisyempya nukuzisunkilizizya kubutali, po mukuzilasa ni mpembe nukuzinyampanizizya kubutali,

Hoseya 9:2

Loli apakukomelapo inyinulo sona ni chakukamilamo uvinyo, vitakwiza pakubalela abantu. Mutakwiza pakuba sona nu vinyo umupya uwa kung'wela

Aba Levi 26:16

nkwiza pakubafunda. Nkwiza pakubawisizya iviwaya ivyakunyomosya nu bubine bubo bute na malembo, ni zekema iyakunangannya amaso, sona ni yakughamala bulo amabili ghinyu. Mukwiza pakubyala imbeyu, loli mutakwiza pakwinulamo nazimo, pachifukwa ichakuti abalwani bakwiza pakuzilya.

Amosi 2:6

U Mwene akuti, “Pakuti abantu aba mu Izilayeli bakunanga kabilikabili, po ane ntakwiza pakubwisya ubukali bwane. Bakubaghulizya abagholosu nu siliva, sona abapina ni nkwato.

Amosi 2:7

Bakusendelapo ulusako pabapina nukubasunkila, sona batakubabombela mubwanaloli abantu abakuyivyiwa. Uwise nu mwana wache umulumendo bakwinjila mumulindu weka, umwakuti bakulisamula itabwa lyane izelu.

Amosi 3:15

Nkwiza pakuyimongolannya inyumba iya pachisiku, poka ni nyumba iya pachisanya. Inyumba zizyo zikalabiwa namino agha zovu zikwiza pakumongoliwa, sona inyumba izya pamwanya zikwiza pakunanganika.” U Mwene anena!

Amosi 3:9

Lumbilila mumalinga agha mu Ashidodi, sona na mumalinga agha mu Ijiputi: “Bungana mumaghamba agha mu Samaliya, umwakuti mwennye ukuvulungana ukukulu nkani, nukuyiviwa kuko kuli pakasi pabantu.”

Amosi 4:1

Ivwa kuno, mwe bakolo aba mu Samaliya mwe mwinite ngati ngwata izya mu Bashani. Mwe mukubayivya abapina na bapotwe mukubabuzya abalume binyu mukuti, “Tupe chimo ichakung'wela!”

Amosi 6:11

Pakuti u Mwene alamula, po akwiza pakuyimongolannya inyumba inkulu nkani, yope inyumba inandi akwiza pakuyimongolannya mutuvigaba utunanditunandi.

Amosi 6:12

Nkimba ifalasi zikuchimbila mumabwe? Nkimba umuntu angalima mulamula ni nkambaku? Loli ubwanaloli mwabupela pakuba chimelwa ichakughogha, vyope ivikomwa ivya bugholosu mwavipela pakuba vyakubaba,

Amosi 8:4

Ivwa kuno, amwe mwe mukubayivya abapina, sona mukulonda pakubamala abakusobelwa,

Amosi 9:14

Nkwiza pakubanyosya sona abantu bane kuchisu chabo. “Bakwiza pakutuzenga sona utwaya twabo utukulu nkani utwakunanganika nukwikala mulamula. Bakwiza pakubyala amampesya nukung'wela uvinyo wabo, bakwiza pakulima amaghunda, nukulya ivikomwa vyabo.

Mika 1:6

Po u Mwene akuti, “Nkwiza pakukapela akaya akakulu nkani aka Samaliya pakuba chisami, pakuba maghunda agha mampesya. Nkwiza pakughasumbila amabwe ghache mwikombe, sona nukulufukula ulwalo lwache.

Mika 2:2

Bakughanyonywa amaghunda agha bantu nukughafyula, sona ni nyumba izya bantu nukuzisenda. Bakumufyula umwenenyumba sona ni mpyana yache.

Mika 6:15

Ukwiza pakubyala loli utakwiza pakwinula. Ukwiza pakukanyankila imisyunguti, loli utakwiza pakubombezya wemwene amafuta ghanagha. Ukwiza pakukanyankila amampesya loli utakwiza pakung'wela uvinyo.

Zefaniya 1:13

“Ubukabi bwabo bukwiza pakufyuliwa, sona inyumba zyabo zikwiza pakumongoliwa. Bakwiza pakuzenga inyumba, loli batakwiza pakwikalamo. Bakwiza pakubyala amampesya, loli batakwiza pakung'wela uvinyo.”

Hagayi 1:6

Mwabyala ivyinji nkani, loli mwinula vinandi bulo. Mukulya, loli mutakwikuta nalumolumo. Mukung'wela, loli vitakubakwana nalumolumo. Mukuvwala amenda, loli mutakutukila. Mukupokela amalipilo, loli mukughabika munyambi zizyo zidobokite.”

Malaki 1:4

Aba Edomu bakuti, “Napapo utwaya twitu utukulu twananganika, pope bulo tukwiza pakutuzenga sona.” Loli u Mwene Uwamaka Ghosi akuti, “Napapo bangatuzenga sona loli nkwiza pakutunangannya. Tukwiza pakwitiziwa ukuti ichisu ichibibi, tuto abantu bache u Mwene abakalaliye bwila na bwila.

Ukukumbusya Amalamulo 28:30

Ukwiza pakumuzingilila umukolo, loli umuntu uyunji bulo weyuyo akwiza pakumusenda. Ukwiza pakuyizenga inyumba, loli utakwiza pakwikalamo. Ukwiza pakubyala amampesya, loli utakwiza pakuyabamo naghamoghamo.

Yakobo 2:6

Loli amwe mukubasamula abapina! Nkimba bate bakabi babo bakubakanyilila amwe? Nkimba bate bo babo bakubawesela pabulongi?