Amosi 5:10 - IBAYIBOLO 2024

¹⁰ Amwe mumubengite umuntu yuyo akulongela mubwanaloli, sona mukumusula umuntu yuyo akunena ubwanaloli pabulongi.

Amosi 5:10 Iomraidhean Croise

1 Abamwene 18:17

Bo u Ahabu amwennya u Eliya, akamubuzya akati, “Nkimba naloli wewe ukupela intamyo mu Izilayeli?”

1 Abamwene 21:20

Bo Ahabu amwennya u Eliya akamubuzya akati, “Wee mulwani wane, fwandi wanyagha?” U Eliya akamula akati, “Eee, nakwagha pachifukwa ichakuti wabomba ichintu ichibibi nkani pamaso pa Mwene.”

1 Abamwene 22:8

U mwene uwa Izilayeli akamwamula u Yehoshafati akati, “Asyalako umulaghuzi weka uwakuti tungabuzikizizyako, itabwa lyache we Mikaya umwana uwa Imula. Loli imubengite pachifukwa ichakuti atandaghuliyepo nalumo ivintu ivyiza, akabalilo kosi akundaghulila ivintu ivibibi vyene.” U Yehoshafati akamwamula akati, “Wee mwene wane, utakanenaye bunubu.”

2 Imbili 25:16

Bo umulaghuzi yula achili ali pakunena, u mwene akamulalusya akati, “Nkimba sweswe tukakusala ukuti ubanje we wakumanyisya u mwene amahala? Utakandizye sona! Nkimba choni chicho ukulonda pakufwa?” Umulaghuzi yula akaleka loli akati, “Inzimenye ukuti u Chala akulonda pakukughogha, pachifukwa ichakuti wabomba zinizi sona nukuti ukazisulannya zizyo nkakubuzya.”

2 Imbili 36:16

Loli bakazyobezya intumi zyache nukughasulannya amazyu ghache sona bakabasamula abalaghuzi bache, po u Mwene akabakalalila nkani abantu bache, umwakuti patakabapo nayumoyumo uwakupona.

Ivyili 15:12

Umuntu uwalobezyo atakulonda pakuchemeliwa, sona atakumubuzikizya umuntu uwamahala.

Yesaya 29:21

U Chala akwiza pakubanangannya babo bakubanena abamwabo kabibi, abantu babo bakubalongela ababomba mbibi, sona babo bakubikila bukaboni ubwa bumyasi, nukubakanizya abantu abasubiliwa, ukuti batakalongiwanje mubugholosu.

Yesaya 59:15

Ubusubiliwa butakwaghiwa nakumokumo, sona wesi yuyo akuyichimbila imbibi akuba muntamyo. U Mwene akenelezya sona chitakamuhobosya, pakuti pate ubugholosu.

Yelemiya 38:7

Loli u Ebedimeleki, umu Etiyopiya, ikambala munyumba iya bumwene, akivwa ukuti bamusumbila u Yelemiya muchiziba. Pakabalilo kalakala u mwene akaba Mulyango uwa Benjamini,

Hoseya 4:4

“Patakabepo nayumoyumo umuntu uwakumususya uwamwabo, pamo ukumusitaka uyunji, pakuti abantu bako bali ngati bantu babo bakubasitaka abaputi.

Aba Levi 13:10

Umuputi amupime umuntu yula, sona nanti pali ichilonda ichiswepu pa mubili wache, chicho ameya ghache ghaswepite, sona nanti chikufumya amafila,

Amosi 5:15

Mububenge ububibi, mubughane ubwiza, sona mubombe ubwanaloli pabulongi. Lumo u Mwene u Chala Uwamaka Ghosi akwiza pakubapelela ichisa abantu abakusyalako abaluko ulwa Yosefu.

Yohani 15:19

Nanti mukabanga mwe bantu aba muchisu ichapasi, po ngali bantu aba muchisu ichapasi babaghanite amwe pakuti muli poka nabo. Loli nkabasala amwe pakasi pabantu aba muchisu ichapasi, po mute sona bantu aba muchisu ichapasi. Ichi cho chifukwa bantu aba muchisu ichapasi bakubabenga.

Yohani 3:20

Umuntu wesi yuyo akubomba ivintu ivibibi alubengite ulukozyo, po atangiza pabuzelu pakuti atakulonda ukuti imbombo zizyo akubomba zibonekele pabuzelu.

Yohani 7:7

Abantu aba muchisu ichapasi batangababenga, loli bambengite pakuti nkubasimikizya ukuti imbombo zyabo mbibi.

Aba Galatiya 4:16

Fwandi ilelo naba mulwani winyu pachifukwa ichakuti nababuzya ubwanaloli?

Ubuvumbuli 11:10

Abantu aba muchisu ichapasi bakwiza pakuhoboka nkani pachifukwa icha bufwe ubwa bantu babili banaba. Bakwiza pakusekela nukutumilana ivyabupi pachifukwa ichakuti abalaghuzi babili banaba bakabayivya nkani abantu aba muchisu ichapasi.