Amosi 4:9 - IBAYIBOLO 2024

⁹ “Utubalilo utwinji nkababula amaghunda ghinyu, sona na maghunda ghinyu agha mampesya, pakuwisya ububine ni chuku. Umakanta akalya amakuyu ghinyu, sona na makwi agha misyunguti, loli pope bulo mutakanyokela kukwane.” U Mwene anena.

Amosi 4:9 Iomraidhean Croise

1 Abamwene 8:37

“Nanti izala pamo ichiwaya vyawa muchisu ichi pamo ububine ubwa vimelwa pamo ichuku pamo umakanta pamo impazi pamo nanti umulwani wabo abalema mutwaya twabo utukulu nkani pamo intamyo impalapala pamo ububine bwabawila

2 Imbili 6:28

“Nanti izala pamo ichiwaya vyawa muchisu ichi, pamo ububine ubwa vimelwa pamo ichuku pamo umakanta pamo impazi pamo nanti abalwani babo babalema mutwaya twabo utukulu nkani pamo intamyo impalapala pamo ububine bwabawila,

Yesaya 1:5

Nkimba mukulonda imbakome piyi, fwandi choni chicho mukusambuka bulo? Umutu winyu ghosi ghuvulaye sona amoyo ghinyu ghosi ghabinite.

Yesaya 50:11

Loli mwebosi mwe mukupemba umoto, mwe mukukozya umoto uwa mazimwa, bukagha, mwendaye mulukozyo, ulwa moto winyu uwa mazimwa ghugho mwapemba! Chicho mukwiza pakupokela ukufuma munyobe zyane chakuti, mukwiza pakulambalala pasi mu mayimba.

Yesaya 9:12

U Siliya kubufumilo bwizuba, nu Filisiti kubwinjililo bwizuba bamumila u Izilayeli na malomo ghabo, pa zyosi zinizi ubukali bwache butakutozoka, inyobe yache yigholokite bulo

Yelemiya 3:10

Napapo zikabombiwa zyosi zinizi, u muyemba wache umusita kusubiliwa u Yuda atakanyokela kukwane nu moyo wache ghosi, loli akabomba nu moyo uwabuzimbuli. Ane ne Mwene nanena.”

Yelemiya 5:3

Wee Mwene nkimba amaso ghako ghatakulonda ubwanaloli? Ukabafunda loli batakivwa ububavu, ukabasyempa loli bakakana pakumanyila. Bakavikazya ivyeni vyabo ngati mabwe, nukukana pakupinduka.

Hoseya 11:5

Batakwiza pakunyokela kuchisu icha Ijiputi, sona aba Asiliya bakwiza pakubalaghila, pachifukwa ichakuti bakakana pakupinduka.

Yoweli 1:4

Chicho impazi inandi zyachileka, impazi inkulu nkani zyalyacho, chicho impazi inkulu nkani zyachileka, umakanta umunandi alyacho. Chicho umakanta umunandi achileka, umakanta umukulu alyacho.

Yoweli 1:7

Avinangannya ivibyalwa ivya mampesya ghane, sona aghapyolannya amakwi ghane agha makuyu. Nukwefya amakambi sona nukughasumba, mupaka isamba zyache zikaba bulo swee.

Yoweli 2:25

“Nkwiza pakubanyosezya papo, pamaka ghosi ghagho umakanta anangannyanga, umakanta umukulu nkani sona nu kanta umunandi, impazi izinji izyakunangannya, sona nu pyela. Banaba bo basilikali babo nkabatuma ukuti babavwe.

Amosi 4:6

“Ane nkabawisizya izala mutwaya twinyu tosi utukulu nkani, sona nukuti mutwaya tutakabanje ni vibama vimo, loli pope bulo mutakanyokela kukwane.” U Mwene anena.

Amosi 4:8

Abantu bakatantalilatantalila ukufuma mukaya akakulu aka na kala, pakulonda amizi aghakung'wela, loli batakaghagha aghakubakwana, loli pope bulo mutakanyokela kukwane.” U Mwene anena.

Habakuku 3:17

Amakuyu ghatakubazya, sona ghope amampesya naghamoghamo. Amakwi agha misyunguti ghatakwela, amaghunda ghope ghatakubanga ni vyakulya. Ing'ozi ni ng'ombe nazimozimo muvibagha.

Hagayi 2:17

Nkanangannya vyosi vivyo mukabyalagha ni chiwaya icha chibabu ni chuku sona na mabwe agha vula, loli pope bulo mutakapinduka.’ U Mwene anena.

Malaki 3:11

U Mwene Uwamaka Ghosi akuti, “Nkwiza pakutukanizya utunyamana tuto tukulya imbeyu zyinyu, sona amampesya mumaghunda ghinyu ghatakwiza pakupotwa pakupa ivikomwa.

Ukukumbusya Amalamulo 28:22

U Mwene akwiza pakubafunda nu bubine ubwakukombezannya na mapumba ni zegema. Akwiza pakubawisizya ubupye ubukulu nkani nu lulanga ni mpepo, sona ni chuku mupaka mwebosi muzimile.

Ukukumbusya Amalamulo 28:42

Umakanta akwiza pakughanangannya amakwi ghinyu, sona ni mbeyu zyinyu zyosi izya mumaghunda ghinyu.