Amosi 4:6 - IBAYIBOLO 2024

⁶ “Ane nkabawisizya izala mutwaya twinyu tosi utukulu nkani, sona nukuti mutwaya tutakabanje ni vibama vimo, loli pope bulo mutakanyokela kukwane.” U Mwene anena.

Amosi 4:6 Iomraidhean Croise

1 Abamwene 17:1

Pakabalilo kalakala umulaghuzi u Eliya umu Tishibi uwamu Giliyadi akamubuzya u mwene u Ahabu akati, “Nkulapa pamaso pa Mwene u Chala umumi uwa Izilayeli, yuyo nkumubombela ukuti patakwiza pakubako inganda pamo ivula amaka matatu ghagho ghakwiza.”

1 Abamwene 18:2

Po u Eliya akabuka pamaso pa Ahabu. Pakabalilo kalakala izala yikaba nkulu nkani mu Samaliya.

2 Abamwene 4:38

Pisinda pache u Elisha akanyokela sona ku Giligali. Pakabalilo kalakala muchigaba chilachila mukaba izala inkulu nkani. Bo akabukatila aka balaghuzi kali pakukomana nu Elisha, akamubuzya uwambombo wache akati, “Ikazya isonta inkulu nkani pamoto, ubapiyile ichakulya abayeni aba.”

2 Abamwene 8:1

U Elisha akamubuzya umukolo yuyo umwana wache akamuzyusya kubufwe akati, “Nyamuka ubukaye poka na bamunyumba yako, mwikale kosi kuko mungikala, pakuti u Mwene awisya izala muchisu chinichi amaka seveni.”

2 Imbili 28:22

Bo u Ahazi akukomana nintamyo zilazila, atakaba musubiliwa kwa Mwene.

Yesaya 26:11

Wee Mwene, wakwezya inyobe yako, loli abene batakuyennya. Abantu banaba bakoziwanje isoni, ubalanjizyanje namumo ubaghaniye, leka bennye ulweke lwako, numoto ghugho ubasungiye abalwani bako, ghubalunguluzye.

Yesaya 3:1

Losi ulu u Mwene, u Mwene Uwamaka Ghosi ali papipi pakwefyamo mu Yelusalemu na mu Yuda, ivintu vyosi vivyo abantu bavisubiye. Akwiza pakwefyamo ivyakulya na mizi,

Yesaya 9:12

U Siliya kubufumilo bwizuba, nu Filisiti kubwinjililo bwizuba bamumila u Izilayeli na malomo ghabo, pa zyosi zinizi ubukali bwache butakutozoka, inyobe yache yigholokite bulo

Yesaya 9:13

Loli abantu aba mu Izilayeli batanyokeye kukwache yuyo akabakoma, pamo pakumulonda u Mwene Uwamaka Ghosi.

Yelemiya 14:18

Nanti nkubuka mutwaya, nkwagha ukuti abantu abinji baghoghiwe kubwite. Nanti nkubuka mukaya akakulu nkani, nkubennya abantu bali nizala. Bosi abalaghuzi na baputi, babukite muchisu chicho batachimenye.’ ”

Yelemiya 5:3

Wee Mwene nkimba amaso ghako ghatakulonda ubwanaloli? Ukabafunda loli batakivwa ububavu, ukabasyempa loli bakakana pakumanyila. Bakavikazya ivyeni vyabo ngati mabwe, nukukana pakupinduka.

Ezekiyeli 14:21

“U Mwene Uwamaka Ghosi akuti: Nkimba zikwiza pakuba bulibuli nanti nkutuma ubulongi bwane folo ubwakoghofya pa Yelusalemu nu bwite nizala ni vinyamana sona ni chiwaya pakubaghogha abantu ni vitekwa vyabo?

Ezekiyeli 16:27

“ ‘Po nkalanjizya amaka ghane papako nu kwefyako ichigaba chimo icha chisu chicho nkakupa, sona nkwiza pakukubika munyobe izya balwani bako, aba Filisiti babo isoni zikabalema pachifukwa icha nkalo yako imbibi.

Hoseya 11:5

Batakwiza pakunyokela kuchisu icha Ijiputi, sona aba Asiliya bakwiza pakubalaghila, pachifukwa ichakuti bakakana pakupinduka.

Hoseya 5:15

Nkwiza pakunyokela kubuzilo bwane, mupaka bilate imbibi zyabo. Bo bali muntamyo zyabo, bakwiza pakundonda na moyo ghabo ghosi.

Yoweli 1:16

Ichakulya chitu chikumala bo tukwennya na maso ghitu, kope ukuhoboka nukusekela, kutalimo mu Nyumba iya Chala witu.

Aba Levi 26:23

Loli pope bulo nanti mutakunyokela kukwane, sona nanti mukwendelela pakunsambukila,

Aba Levi 26:26

Bo nefya ivibama vyinyu ivya isiku ni siku, abakolo 10 bakwiza pakupiya ivibama mu musonta yoka. Po bakwiza pakubagabila amwe ivibama vila mutumenyumenyu, sona nanti mwalya, pope bulo mutakwiza pakwikuta.

Hagayi 2:17

Nkanangannya vyosi vivyo mukabyalagha ni chiwaya icha chibabu ni chuku sona na mabwe agha vula, loli pope bulo mutakapinduka.’ U Mwene anena.

Ukukumbusya Amalamulo 28:38

Amwe mukwiza pakubyala imbeyu inyinji nkani, loli mukwiza pakwinula nandi bulo, pachifukwa ichakuti umakanta akwiza pakuzinangannya.

Ubuvumbuli 2:21

Nkamupa umukolo uyu akabalilo akakuti apindukile, loli atakalondagha pakuleka ubwamalaya bwache.

Luti 1:1

Pakabalilo aka balongi, muchisu icha Yuda mukawa izala. Po umuntu yumo wamu Betelehemu muchisu chila, poka nu muchi wache, na bana bache babili bakabuka kuchisu icha Mowabu ukuti bikaleko akabalilo akapimpa bulo.