Amosi 4:3 - IBAYIBOLO 2024

³ Mukwiza pakufyengiwa bulo pakufumila muvidobozwi ivya malinga, umuntu wesi pamwene, sona mukwiza pakusumbiwa pighamba ilya Halimoni.” U Mwene anena.

Amosi 4:3 Iomraidhean Croise

2 Abamwene 25:4

Ilinga ilya kaya akakulu nkani kala likamongoliwa. Napapo abantu aba mu Babiloni bakakazyungulila akaya akakulu nkani kala, abasilikali bosi bakachimbila pabusiku. Bakafumila ku mulyango uwa pakasi pavibumba vibili, papipi nu mughunda uwa mwene, bakachimbilila kwikombe ilya Alaba,

2 Abamwene 7:15

Abantu bala bakabakonka aba Siliya mupaka ku Yolodani. Po bakagha ukuti amenda nu katundu yuyo aba Siliya bakamuwisyanga pachifukwa ichakuchimbila umwalubilolubilo visatite zila yosi. Po intumi zila zikanyokako nukumupangila u mwene.

Yesaya 2:20

Pisiku lilalila abantu bakwiza pakubasumbila abatunko na bakasyusyu ivifwani vyabo ivya siliva nu golide, vivyo bakipangila bene ukuti bavyiputaye.

Yesaya 31:7

Pakuti mwisiku lila wesi uwa amwe akwiza pakuvikana ivifwani ivya siliva nu golide, vivyo mukapanga ni nyobe zyinyu izya mbibi.

Yelemiya 52:7

Ilinga ilya kaya akakulu nkani kala likamongoliwa. Napapo abantu aba mu Babiloni bakakazyungulila akaya akakulu nkani kala, abasilikali bosi bakachimbila pabusiku. Bakafumila ku mulyango uwa pakasi pavibumba vibili, papipi nu mughunda uwa mwene, bakachimbilila kwikombe ilya Alaba.

Ezekiyeli 12:12

U mwene yuyo ali pakasi papabo akwiza pakubaghala ivintu vyache nakachisi nukubuka, sona palubumba pakwiza pakudoboliwa ukuti umwene endayepo. Akwiza pakuvwinka icheni chache umwakuti atakachennyanje ichisu.

Ezekiyeli 12:5

Udobole palubumba bo bakukwennya, po ufumile sona palapala.

Amosi 6:7

Polelo mukwiza pakuba bakwanda pakubuka kubuzya, po ulusekelo nukuhoboka kwinyu kukwiza pakumala.

Zefaniya 1:18

Usiliva pamo ugolide wabo vitakwiza pakubapoka pisiku ilya kukalala ukwa Mwene. Mumoto wache uwakabini ichisu chosi ichapasi chikwiza pakulungulila, pakuti akwiza pakubamala umwalubilolubilo abantu bosi babo bakwikala mulamula.

Matayi 16:26

Nkimba umuntu akukabapo chimo nanti akaba ichisu chosi ichapasi, loli abutaghe ubumi bwache? Awe! Chitalipo nachimo chicho angalipa ukuti asende sona ubumi bwache.

Abalongi 5:17

Aba Giliyadi bakasyalikila kwisila ilya lusoko ulwa Yolodani. Bope aba Dani, fwandi choni chicho bakasyalikila papipi na mabwato ghabo amakulu nkani? Aba Asheli bakasyalikila mulubazu lwanyanja, nukwikala bulo mulamula.