Amosi 4:2 - IBAYIBOLO 2024

² U Mwene Uwamaka Ghosi alapila mwitabwa lyache izelu ati, “Naloliloli akabalilo kakwiza kako mukwiza pakusikuliwa bulo ni ndobani, umuntu wesi akwiza pakuba ngati yo swi ku ndobani.

Amosi 4:2 Iomraidhean Croise

Masalimo 89:35

Nalapa aka kwanda naka bumalilo mubuzelu bwane, ukuti ntakwiza pakumuzimbula u Devedi.

Masalimo 89:36

Ukuti uluko lwache lukwiza pakubangako bwila na bwila. Po ichitengo chache icha bumwene cha bwila na bwila pamaso papane ngati lizuba.

Yesaya 37:29

Pachifukwa ichakuti wankalalila nukunsamula, nkwiza pakubika akasikulo kane mumpuno yako, sona nukwinjizya ichela mumulomo wako, nkwiza pakukunyosezya muzila yiyo ukafumila.

Yelemiya 16:16

U Mwene akuti, “Loli ilelo nkwiza pakubatumila abaloba iswi abinji nkani, babo bakwiza pakubaloba abantu banaba. Pisinda pache nkwiza pakubatumila ababingi abinji nkani, po bakwiza pakubabinga mumaghamba ghosi na mutughamba tosi sona na mumpako izya mabwe.

Ezekiyeli 29:4

Loli nkwiza pakubika indobani munjegho zyako, nukuzipela iswi pakumamatila mutupapa twako. Nkwiza pakukwefyamo mukasi mutusoko twako, poka niswi zizyo zimamatiye mutupapa twako.

Ezekiyeli 34:16

Nkwiza pakuzilonda zizyo zisobelite nukuzinyosya zizyo zyapulumpa. Nkwiza pakuzipinya ivilonda zizyo zivulaye nukuzikazya zizyo zidedebaye, loli inyine ni zyamaka nkwiza pakuzinangannya. Nkwiza pakuzidima ing'ozi nubwanaloli.

Ezekiyeli 38:4

Nkwiza pakukuzyunguzya, nukubika indobani munjegho zyako. Nkwiza pakukwefya awe poka na basilikali bako bosi, nifalasi zyako zyosi na bantu babo bakwendezya ifalasi babo bavwete ivilwilo ivya bwite, nichilundilo ichikulu nkani chicho chili ni ngulu inkulu ninandi, bo umusilikali wesi anyamuye ingulu nabapanga.

Amosi 6:8

U Mwene u Chala Uwamaka Ghosi alapila mwitabwa lyache akuti, “Ingabengite amituvyo agha Izilayeli, ghope amalinga ghabo ingabengite. Nkwiza pakukapoka akaya akakulu nkani, poka ni vintu vivyo vili mulamula.”

Amosi 8:7

Pachifukwa icha kwituvya ukwa bamunyumba iya Izilayeli, u Mwene alapa ukuti, “Ntakwiza pakuluvyapo nalumo ichintu chosi chicho babomba.