Amosi 4:13 - IBAYIBOLO 2024

¹³ Yuyo akupela amaghamba akupela impepo, nukubavumbulila abantu inyinong'ono zyache, yuyo akughupela umusanya pakuba chisi, akwenda pamwanya pachisu ichapasi: Itabwa lyache we Mwene u Chala Uwamaka Ghosi.

Amosi 4:13 Iomraidhean Croise

Yobu 9:7

Nanti akulilamula izuba, izuba likufuma, sona zyope intondwa zitakulama.

Masalimo 135:7

Akughakwezya amabingu ukwanda kubumalilo ubwa chisu, akunyampannya utumesya utwa vula, po akutuma impepo ukufuma munyumba izyakusungilamo.

Masalimo 139:2

Ukumanya nanti nkwikala pasi sona nanti nkunyamuka, ukuzimanya inyinong'ono zyane bo uchili uli kubutali.

Masalimo 147:18

Akulamula bulo po ghakusunguluka, impepo yikuputa pamizi, aghene ghakwenda.

Masalimo 65:6

Ukulanjizya amaka ghako amakulu nkani, pakughikazya amaghamba.

Ukufuma 10:22

U Mozesi akagholosezya inyobe yache mumwanya, po ichisi ichakoghofya nkani chikawa mu Ijiputi amasiku matatu.

Ukufuma 14:20

Ibingu lila likaba pakasi pabasilikali aba Ijiputi naba Izilayeli. Ibingu lila likabapa aba Izilayeli ulukozyo, loli likabapelela ichisi aba Ijiputi, umwakuti ubusiku bosi bula bakapotwa pakupalamana.

Yesaya 40:12

Nkimba wewenu yuyo angapima amizi muchikufi chache, pamo pakuchipima ichisu icha kumwanya ninyobe zyache? Nkimba alipo yumo yuyo angabika ulufumbi muchidudunga, pamo pakupima amaghamba nutughamba pachipimilo?

Yesaya 45:7

Nkupela ulokozyo ni chisi, nkwiza nulusayo sona nintamyo. Ane ne Mwene nkubomba zyosi zinizi.

Yesaya 47:4

Umutabuli u Mwene Uwamaka Ghosi. Itabwa lyache we Muzelu uwa Izilayeli.

Yesaya 48:2

mukwiyitizya mwebene ukuti, mwebenecho abakaya akakulu nkani akazelu, nukumusubila u Chala uwa Izilayeli, yuyo itabwa lyache, we Mwene Uwamaka Ghosi.

Yesaya 5:30

Pisiku lilalila bakwiza pakubuluma, pachifukwa icha nyama nukupoma ngati nyanja. Nanti weka akwennya pachisu, akwennya ichisi nintamyo, lope ulukozyo lukwiza pakukupikiliwa namabingu amafitu.

Yelemiya 10:13

Bo akujilimisya, amizi kumwanya ghakupongomoka. Weyuyo akukwezya amabingu ukwanda kubumalilo ubwa chisu chosi ichapasi. Weyuyo akulamizya utumesya ni vula sona akuyifumya impepo muchipinda ichakusungilamo.

Yelemiya 10:16

U Chala uwa Yakobo atayanite nabo, pakuti we mupeli uwa vintu vyosi, Aba Izilayeli bantu bache babo akabasala, itabwa lyache we Mwene Uwamaka Ghosi.

Yelemiya 13:16

Mumuchindikaye u Mwene u Chala winyu bo achili pakwiza nichisi, bo ivinama vyinyu vitipunuye muchisi icha mumaghamba. Mukulindilila ulukozyo, loli akwiza pakulupela pakuba chisi ichakoghofya.

Yelemiya 46:18

“U Mwene Uwamaka Ghosi akuti: Nkulapa ukuti weka akwiza yuyo ali ngati lighamba ilya Taboli, pakasi pamaghamba, ngati lighamba ilya Kalimeli, lilyo lili mulubazu ulwa nyanja.

Yelemiya 51:16

Bo akujilimisya, amizi kumwanya ghakupongomoka. Weyuyo akukwezya amabingu ukwanda kubumalilo ubwa chisu chosi ichapasi. Weyuyo akulamizya utumesya ni vula sona akuyifumya impepo muchipinda ichakusungilamo.

Yelemiya 51:19

U Chala uwa Yakobo atayanite nabo, pakuti we mupeli uwa vintu vyosi, Aba Izilayeli bantu bache babo akabasala, itabwa lyache we Mwene Uwamaka Ghosi.

Daniyeli 2:28

Loli aliko u Chala kumwanya, yuyo akuvumbula izyakubusyefu. Amulanjizya u mwene u Nebukadineza zizyo zikwiza pakubombiwa muntazi. Ichilota ni chisetuka vivyo ukavyennya bo ulambalaye pachitala chako vyo ivi:

Daniyeli 2:30

Izyakubusyefu zinizi, zitakuvumbuliwa kukwane pachifukwa ichakuti indi na mahala nkani, ukubachila abantu, loli ukuti awe we busanuzyi bwache, sona nukuti wivwisye zizyo ukinong'onagha.

Hoseya 12:6

Loli unyokelaye kwa Chala wako, lemezya ulughano nu bwanaloli sona mulindililaye bulo u Chala winyu akabalilo kosi.

Yoweli 2:2

Isiku ilya chisi sona nilya chitima, isiku ilya mabingu sona nilya chisi ichakoghofya. Abasilikali abamaka nkani bakwiza, ngati ko kubuche kuvwinkite mumaghamba mosi. Banaba batabonekitepo nalumo, napapo mo muntazi batakwiza pakuboneka.

Amosi 3:13

U Mwene u Chala Uwamaka Ghosi akuti, “Teghelezya zinizi sona mususannye na baluko ulwa Yakobo.

Amosi 5:27

Polelo nkwiza pakubatuma pakuba mwe bazya ukuchila ichisu icha Damasika.” U Mwene anena, yuyo itabwa lyache we Chala Uwamaka Ghosi.

Amosi 5:8

U Mwene akapela intondwa nukuzibika mubuzilo bwache, sona akachipela ichisi pakuba ndabindabi, akaghupela umusanya pakuba busiku, weyuyo mwene akughitizya amizi agha munyanja, nukughapungulila pachisu, itabwa lyache we Mwene.

Amosi 6:8

U Mwene u Chala Uwamaka Ghosi alapila mwitabwa lyache akuti, “Ingabengite amituvyo agha Izilayeli, ghope amalinga ghabo ingabengite. Nkwiza pakukapoka akaya akakulu nkani, poka ni vintu vivyo vili mulamula.”

Amosi 8:9

Po u Mwene Uwamaka Ghosi akuti, “Pisiku linilyo nkwiza pakulyinjizya izuba pakasi pachamabwila, sona ichisu chikwiza pakuba muchisi pamusanya,

Amosi 9:6

U Mwene akuzenga inyumba izya bumwene kumwanya, sona akwala ulwalo pachisu ichapasi, akughitizya amizi agha munyanja sona akughapungulila pachisu, itabwa lyache we Mwene.

Mika 1:3

Ennya! U Mwene akwiza ukufuma pabuzilo bwache ubwakwikalapo, akwika pasi nukwenda patunenela utwa maghamba.

Habakuku 3:19

U Mwene Uwamaka Ghosi we maka ghane, akuvipela ivinama vyane pakuba ngati vinama vya mbabala, sona akunyitikizya ane ukufika pamwanya pighamba. Kumulongozi uwa bwimbi. Pakubombezya ipango.

Zekaliya 12:1

Agha gho mazyu aghabulaghuzi agha Mwene ghagho ghakunena nizya Izilayeli. U Mwene yuyo akapela ichisu ichakumwanya, weyuyo akala ulwalo ulwa chisu ichapasi, sona weyuyo akaghupela umuzimu ghugho ghuli mumuntu akuti,

Matayi 9:4

Loli u Yesu akazimanya inyinong'ono zyabo, po akabalalusya akati, “Nkimba choni chicho mukwinong'ona bunubu mumoyo ghinyu?

Yohani 2:25

Patakalondiwa ukuti yumo amubuzye nizya bantu pakuti umwenecho akazimanya inyinong'ono zyabo.

Yohani 3:8

Impepo yikuputa kosi kuko yikulonda, ukwivwa bulo ichongo chicho yikupanga, loli utakumanya na kuko yikufuma pamo kuko yikubuka. Momumo zibeleye sona nu muntu wesi yuyo apapiwe nu Muzimu Umuzelu.”

Ukukumbusya Amalamulo 32:13

Akabavwa ukuti balaghilaye ivyisu ivya mumaghamba, sona bakalyanga ivimelwa ivya mumaghunda. Akabalyesya ubuchi ubwa mumpako izya mabwe, na mafuta ghagho ghakafumagha mumabwe.

Ukukumbusya Amalamulo 33:29

Mwee ba Izilayeli, mwe basayiwa nkani! Nkimba wewenu yuyo ayanite namwe, mwe bantu babo bapokiwe nu Mwene? U Mwene umwenecho we ngulu yinyu, sona wepanga winyu uwakupotela. Abalwani binyu bakwiza pakukupama, po amwe mukwiza pakubakanyankila pasi.”