Amosi 4:12 - IBAYIBOLO 2024

¹² “Mwee ba Izilayeli, zinizi zyo zizyo nkwiza pakubabombela, sona pachifukwa ichakuti nkwiza pakubabombela zinizi, mwee ba Izilayeli, mwiyannye pakukomana nu Chala winyu.”

Amosi 4:12 Iomraidhean Croise

Yesaya 32:11

Tetemagha amwe mwebakolo mwemwifwasiye bulo, amwe mwe balindu mwe mutakupasya nachimo. Vula amenda ghinyu, nukuvwala amasaka mumisana ghinyu pachifukwa icha chitima.

Yesaya 47:3

Inkule yako yikwiza pakuba pabuzelu, po ukwiza pakukoziwa isoni. Nkwiza pakubatanizya, sona ntakwiza pakumuleka nayumoyumo.”

Yesaya 64:2

Ngati mumo umoto ghukochela inkwi, nukughapela amizi ukuti ghasebukilaye, ika pasi ukuti itabwa lyako, limanyikwanje na balwani bako, nukuzipela inko ukuti zitetemaye pamaso papako!

Yelemiya 5:22

Ane ne Mwene. Nkimba choni chicho mutakunyila? Nkimba mutakutetema pamaso papane? Nkabika umusesenga pakuba yo mpaka iya nyanja, impaka iya bwila na bwila yiyo inyanja yitangaloboka. Amayigha agha nyanja ghangabunguluka, loli ghatangabomba nachimochimo, ghangapongomoka loli ghatangaloboka.

Ezekiyeli 13:5

Abene batabukiteko pakubuyannya ubuzilo bubo bukamongoka ubwa ba Izilayeli ukuti baponelemo, umwakuti bwime nkani pisiku ilya bwite ilya Mwene.

Ezekiyeli 22:30

“Po nkamulonda umuntu pakasi papabo yuyo angazenga sona ulubumba nukwimilila pamaso papane papo pakamongoka, umwakuti ngali intakachinangannya ichisu, loli intakamwaghapo nayumoyumo.

Hoseya 13:8

Nkwiza pakubanga ngati we labwe, yuyo bamufyula utwana twache, nkwiza pakabazepulannya. Sona nkwiza pakubamila bulo ngati nkalamu, nukubazepulannya ngati chinyamana icha munkolongo.

Amosi 2:14

Abantu abalubilo nkani batakwiza pakupona, abantu abamaka bakwiza pakuba badedebazu, sona abasilikali batakwiza pakubupoka ubumi bwabo.

Matayi 24:44

Po namwe bulo mwiyannye pachifukwa ichakuti u Mwana uwa Muntu akwiza pakabalilo kako mwiyekeye.

Matayi 5:25

“Nanti umuntu akusitaka, chizapo pakwivwana nawe umwalubilolubilo bo muli muzila. Pakuti nanti mutakwivwana, akwiza pakukubika munyobe izya balongi. Sona umulongi akwiza pakukubika munyobe izya musilikali, yuyo akwiza pakukwighalila mujele.

Ubuvumbuli 3:3

Po ukumbuke zizyo ukamanyisiwa, sona na zizyo ukivwa. Uzyivwile, upinduke nukuzileka imbibi zyako. Nanti utakulamusya, nkwiza pakukwizila ngati ne mwiba, sona utakwiza pakukamanya akabalilo kako nkwiza pakukwizila.