Amosi 4:11 - IBAYIBOLO 2024

¹¹ “Nkabanangannya abantu bamo pakasi pa papinyu, ngati mumo nkabananganizizya abantu aba mu Sodomu naba mu Gomola. Mukaba ngati ko kachizinka kako kazompoliwa pamoto, loli pope bulo mutakanyokela kukwane.” U Mwene anena.

Amosi 4:11 Iomraidhean Croise

Yesaya 13:19

Sona akaya akakulu nkani aka Babiloni, kako kaya aka buchindamu ubwa bumwene, abantu bakwituvya nu Babiloni. Loli ane ne Chala nkwiza pakumunangannya, ngati mumo nkamunanganizizya u Sodomu nu Gomola.

Yesaya 7:4

Umubuzye ukuti abanje maso, abanje myee sona atakanyilaye, pamo ukuvulungana. Pachifukwa chabukali ubwa Lezini nu Siliya numwana uwa Lemaliya, babo bali ngati visinko vivyo vikusuka bulo ilyosi.

Yesaya 9:12

U Siliya kubufumilo bwizuba, nu Filisiti kubwinjililo bwizuba bamumila u Izilayeli na malomo ghabo, pa zyosi zinizi ubukali bwache butakutozoka, inyobe yache yigholokite bulo

Yelemiya 23:14

Loli mu balaghuzi aba mu Yelusalemu nachennyamo ichintu ichakoghofya nkani. Bakulowa nukunena ubumyasi. Bakubavwa abantu pakubomba ububibi, umwakuti atalipo nayumoyumo uwakuleka pakubomba ububibi. Kukwane bosi banaba bali ngati we Sodomu, abantu aba mu Yelusalemu bali ngati we Gomola.”

Yelemiya 49:18

Ngati mumo u Sodomu nu Gomola akananganikila, poka nutwaya twache utupalamani po atalipo nayumoyumo uwakwikalamo, sona atalipo nayumoyumo umuntu uwakuzengamo. Ane ne Mwene nanena.

Yelemiya 5:3

Wee Mwene nkimba amaso ghako ghatakulonda ubwanaloli? Ukabafunda loli batakivwa ububavu, ukabasyempa loli bakakana pakumanyila. Bakavikazya ivyeni vyabo ngati mabwe, nukukana pakupinduka.

Yelemiya 50:40

Ngati mumo nkatunanganizizya utwaya utwa Sodomu nu Gomola, poka nutwaya twache utupalamani, Po atalipo nayumoyumo umuntu uwakwikalamo, sona atalipo nayumoyumo umuntu uwakuzengamo. Ane ne Mwene nanena.

Ezekiyeli 24:13

“ ‘Po ilelo ivinyonywa vyako ko kwinyazya kwako. Pachifukwa ichakuti nayezya nkani pakukuswefya loli utaswepite kubunyazu bwako, mupaka ubukali bwane bukuwile.

Hoseya 11:5

Batakwiza pakunyokela kuchisu icha Ijiputi, sona aba Asiliya bakwiza pakubalaghila, pachifukwa ichakuti bakakana pakupinduka.

Hoseya 11:8

Wee, Izilayeli ningakuluvya bulibuli? Nkimba ningakupa bulibuli u Efulayimu? Nukukuleka we Izilayeli nkimba ningakupa bulibuli ngati we Adima? Nukukubombela ngati we Zeboyimu? U moyo wane wanduka, sona chope ichililizi chandema nkani.

Amosi 4:6

“Ane nkabawisizya izala mutwaya twinyu tosi utukulu nkani, sona nukuti mutwaya tutakabanje ni vibama vimo, loli pope bulo mutakanyokela kukwane.” U Mwene anena.

Hagayi 2:17

Nkanangannya vyosi vivyo mukabyalagha ni chiwaya icha chibabu ni chuku sona na mabwe agha vula, loli pope bulo mutakapinduka.’ U Mwene anena.

Zekaliya 3:2

Uwantumi uwa Mwene akamubuzya u Satana akati, “U Mwene akuchemele! U Mwene yuyo amusala u Yelusalemu akuchemele! Nkimba umuntu yunuyu ate ngati chizinka ichakwaka ichakuzompoliwa pamoto?”

Aba Loma 9:29

Izi ziyanite bulo namumo umulaghuzi u Yesaya akanenela kale ukuti, “Nanti u Mwene Uwamaka Ghosi atakabalekapo abaluko bamo, ngali twaba ngati we Sodomu nu Gomola.”

1 Aba Kolinti 3:15

Loli nanti yapya numoto, umuntu yula atakwiza pakupokela umuvwalo. Umwene akwiza pakupona, loli ngati we muntu yuyo apona umoto.

Ukukumbusya Amalamulo 28:24

U Mwene akwiza pakubawisizya impepo iya lufumbi niya musesenga mubuzilo ubwa vula mupaka mwebosi munanganike.

Ukukumbusya Amalamulo 29:23

Umuvundo ghukwiza pakumalamo mumaghunda ghinyu, sona ulufumbi lwene ni mbeya nu sulufule vikwiza pakuba posi na posi muchisu chinyu. Mumaghunda ghinyu mutakwiza pakumelamo nachimochimo ichimelwa manyi lisote manyi amakwi. Ichisu chinyu chikwiza pakuyana bulo nakaya aka Sodomu naka Gomola naka Adima naka Zeboyimu tuto u Mwene akatunangannya pachifukwa icha bukali bwache.

2 Pitala 2:6

U Chala akatufunda utwaya utwa Sodomu nu Gomola pakutuzimizya numoto, umwakuti chibanje chifwanikizyo icha vintu vivyo vikwiza pakubabonekela abantu babo batakumunyila u Chala.

Yuda 1:23

loli mubapokaye abantu abanji pakubipula pamoto. Sona abantu abanji mubapelelaye ichisa, loli mubombaye nubogha, sona mughabengaye na menda ghabo bulo, ghagho ghanyaziwe ni mbibi zyabo.

Yuda 1:7

Mukumbuke sona u Sodomu nu Gomola, nutwaya utupalamani, tuto abantu bache bakalowa nukubomba ivintu ivibibi. Abantu banaba bakafundiwa numoto uwa bwila na bwila pakuba chifwanikizyo ichakubasoka abantu bosi.

Ubuvumbuli 9:20

Abantu bosi abanji babo batakaghoghiwa ni viwaya vilavila, pope bulo batakapinduka nukuvileka vivyo bakabombagha ni nyobe zyabo. Batakaleka pakwiputa imizimu imibibi ni vifwani ivya golide nivya siliva nivya mabwe nivya ikwi vivyo vitangennya pamo ukwivwa pamo ukwenda, awe.