Amosi 4:10 - IBAYIBOLO 2024

¹⁰ “Nkabawisizya iviwaya ngati mumo nkabombela mu Ijiputi. Nkabaghogha abalumendo binyu nupanga, poka ni falasi zyinyu zizyo mukazifyula. Nkazipela impuno zyinyu pakunusya umunusi uwa mivimba iyakufuma muvisakasa ivya basilikali, loli pope bulo mutakanyokela kukwane.” U Mwene anena.

Amosi 4:10 Iomraidhean Croise

2 Abamwene 10:32

Pakabalilo kalakala, u Mwene akanda pakuchefyako impaka izya chisu icha Izilayeli. U mwene u Hazayeli uwa ba Siliya akabapota aba Izilayeli muchisu chabo chosi,

2 Abamwene 13:3

U Mwene akabakalalila aba Izilayeli, po akababika munyobe izya mwene u Hazayeli uwa ba Siliya, sona nu mwana wache u Beni Hadadi akabalilo na kabalilo.

2 Abamwene 13:7

U Yehowahazi atakasyalapo na basilikali nabamobamo, loli bene 50 babo bakendagha pafalasi ni ngolo izya bwite 10, sona na basilikali 10,000 babo bakendagha pasi pachifukwa ichakuti u mwene uwa ba Siliya akabanangannya abasilikali bosi nukubakanyankila ngati lufumbi.

2 Abamwene 8:12

U Hazayeli akamulalusya akati, “Wee mwene wane, nkimba choni chicho ukulila?” U Elisha akamula akati, “Pachifukwa ichakuti inchimenye ichintu ichibibi chicho ukwiza pakubabombela aba Izilayeli. Ukwiza pakughocha amalinga ghabo, nukubaghogha abana babo abalumendo. Ukwiza pakubakomezya pasi abana babo, sona nukubatumbulannya abakolo babo bali pabung'wamu.”

Ukufuma 10:27

Loli u Mwene akaghupela umoyo uwa Falabo pakuba mukafu nkani, umwakuti atakabitikizya ukuti abantu babukaye.

Ukufuma 10:3

U Mozesi nu Aloni bakabuka kwa Falabo nukumubuzya ukuti, “U Mwene u Chala uwa ba Hebeli ati, ‘Nkimba uchili ukukana pakwiyisya pamaso papane? Ubitikizye abantu bane ukuti babukaye, umwakuti banganyiputa.

Ukufuma 14:4

Nkwiza pakughupela umoyo uwa Falabo pakuba mukafu nkani umwakuti akwiza pakubachimbizya. Loli itabwa lyane likwiza pakuchindikiwa, bo namupota u Falabo na basilikali bache, sona aba Ijiputi bosi bakwiza pakummanya ane ukuti ne Mwene.” Po aba Izilayeli bakabomba vivyo bakabuziwa.

Ukufuma 15:26

akati, “Nanti mukunyivwila ane nukubomba zizyo ngolosu pakukonka indaghilo zyane nukwivwila akiza vyosi vivyo nkubalamula, ntakwiza pakubafunda nu bubine ukuyana namumo nkabafundila aba Ijiputi. Pakuti ane ne Mwene, yuyo akubapozya.”

Ukufuma 8:19

Abamayele bala bakamubuzya u Falabo bakati, “Agha gho maka agha Chala.” Pope bulo umoyo uwa Falabo ghukaba mukafu nkani, ukuyana namumo u Mwene akanenela, umwakuti atakamuteghelezya u Mozesi nu Aloni.

Ukufuma 9:12

Loli u Mwene akaghupela umoyo uwa Falabo pakuba mukafu nkani, ukuyana namumo u Mwene akanenela, umwakuti atakamuteghelezya u Mozesi nu Aloni.

Ukufuma 9:17

Loli pope bulo uchili ukwituvya nukukana pakubitikizya abantu bane ukuti babukaye.

Yesaya 34:3

Imivimba yabo yikwiza pakutaghiwa kuzi, sona yikwiza pakununka nkani, po amaghamba ghakwiza pakwizula nibanda lyabo.

Yesaya 50:11

Loli mwebosi mwe mukupemba umoto, mwe mukukozya umoto uwa mazimwa, bukagha, mwendaye mulukozyo, ulwa moto winyu uwa mazimwa ghugho mwapemba! Chicho mukwiza pakupokela ukufuma munyobe zyane chakuti, mukwiza pakulambalala pasi mu mayimba.

Yesaya 9:12

U Siliya kubufumilo bwizuba, nu Filisiti kubwinjililo bwizuba bamumila u Izilayeli na malomo ghabo, pa zyosi zinizi ubukali bwache butakutozoka, inyobe yache yigholokite bulo

Yesaya 9:13

Loli abantu aba mu Izilayeli batanyokeye kukwache yuyo akabakoma, pamo pakumulonda u Mwene Uwamaka Ghosi.

Yesaya 9:17

Polelo u Mwene atakwiza pakuhoboka na balumendo, pamo pakuba ni chisa na balanda sona na bafwilwe, pakuti bosi batamumenye u Chala sona babomba mbibi amalomo ghabo ghakunena ivyabupunganu. Pa zyosi zinizi ubukali bwache butakutozoka, inyobe yache yichili yigholokite bulo.

Yelemiya 11:22

Pakuti u Mwene Uwamaka Ghosi akuti, “Nkwiza pakubafunda abalumendo aba ku Anatoti bakwiza pakughoghiwa nupanga, sona abana babo abalumendo na balindu bakwiza pakughoghiwa nizala.

Yelemiya 15:3

U Mwene akuti, “Nkwiza pakubatumila ivintu folo ivyakubanangannya, upanga uwakubaghoghela, imbwa izyakubaluma, ni viyuni, sona ni vinyamana ukuti vibalye nukubanangannya.

Yelemiya 16:4

“Bakwiza pakufwa nu bubine ubupalapala nkani. Batakwiza pakubalila pamo pakubasyila loli bakwiza pakuba ngati vinyazu vivyo vili pachisu. Bakwiza pakufwa nu bwite sona nizala. Imivimba yabo yikwiza pakuba chakulya icha viyuni ni vinyamana.”

Yelemiya 18:21

Po ilelo Mwene, baleke abana babo bafwanje nizala, baleke bafwile kubwite. Baleke abachi babo babanje bafwilwe, abasita bana nabamobamo. Baleke abalume babo baghoghiwe, baleke abalumendo bafwile kubwite.

Yelemiya 48:15

Umu momumo u Mwene Uwamaka Ghosi akunenela: Uwakumunangannya u Mowabu nutwaya twache utukulu nkani afika, abalumendo bache abiza bika pakughoghiwa.

Yelemiya 49:26

Pisiku lilalila abana abalumendo bakwiza pakughoghiwa mumisebo, sona abasilikali bache bosi bakwiza pakunanganika. Ane ne Mwene Uwamaka Ghosi nanena.

Yelemiya 5:3

Wee Mwene nkimba amaso ghako ghatakulonda ubwanaloli? Ukabafunda loli batakivwa ububavu, ukabasyempa loli bakakana pakumanyila. Bakavikazya ivyeni vyabo ngati mabwe, nukukana pakupinduka.

Yelemiya 6:11

Loli nizuye nu bukali ubwa Mwene, nalita pakwilema. U Mwene akuti, “Pungulila ubukali bunubu pa bana aba mumisebo napa balumendo babo babunganite poka, bosi umulume nu muchi wache bakwiza pakulemiwa mumo, abasongo na baghosi bulo.

Yelemiya 9:22

U Mwene akuti, “Imivimba yikwiza pakuba ngati gho muvundo ghugho balundikite mumughunda, ngati nkose izya ngano zizyo abinuli bazilekite mwisinda, sona atalipo nayumoyumo uwakuzibungannya.”

Hoseya 11:5

Batakwiza pakunyokela kuchisu icha Ijiputi, sona aba Asiliya bakwiza pakubalaghila, pachifukwa ichakuti bakakana pakupinduka.

Yoweli 2:20

“Nkwiza pakubachimbizizya kubutali nkani abasilikali abakumitu, nukubachimbizizya kuchisu ichumizu sona chicho chite ni mboto. Abantu bache babo balongoleye nkwiza pakubachimbizizya ku Nyanja Imfwe iyakubufumilo bwizuba, bope abakwisinda nkwiza pakubachimbizizya ku Nyanja iya Medeteleniya. Amabili ghabo ghakwiza pakununka, naloliloli nkwiza pakubanangannya, pachifukwa icha vintu ivikulu vivyo babomba.

Aba Levi 26:16

nkwiza pakubafunda. Nkwiza pakubawisizya iviwaya ivyakunyomosya nu bubine bubo bute na malembo, ni zekema iyakunangannya amaso, sona ni yakughamala bulo amabili ghinyu. Mukwiza pakubyala imbeyu, loli mutakwiza pakwinulamo nazimo, pachifukwa ichakuti abalwani bakwiza pakuzilya.

Aba Levi 26:25

Nkwiza pakubatumila ubwite pachifukwa ichakuti mukalunangannya ulufingo lulo nkafingana namwe. Nanti mukuchimbilila mutwaya twinyu utukulu nkani ukuti muponelemo, nkwiza pakubatumila iviwaya, sona abalwani binyu bakwiza pakubapota.

Amosi 4:6

“Ane nkabawisizya izala mutwaya twinyu tosi utukulu nkani, sona nukuti mutwaya tutakabanje ni vibama vimo, loli pope bulo mutakanyokela kukwane.” U Mwene anena.

Amosi 8:3

U Mwene Uwamaka Ghosi akati, “Pisiku lilalila inyimbo izya mu Nyumba iya Chala zikwiza pakuba chililo. Imivimba imyinji yikwiza pakulambalala bulo myee posi na posi!”

Hagayi 2:17

Nkanangannya vyosi vivyo mukabyalagha ni chiwaya icha chibabu ni chuku sona na mabwe agha vula, loli pope bulo mutakapinduka.’ U Mwene anena.

Ukukumbusya Amalamulo 28:21

U Mwene akwiza pakubawisizya iviwaya mupaka abanangannye mwebosi muchisu chicho mukwinjila pakwikalamo.

Ukukumbusya Amalamulo 28:22

U Mwene akwiza pakubafunda nu bubine ubwakukombezannya na mapumba ni zegema. Akwiza pakubawisizya ubupye ubukulu nkani nu lulanga ni mpepo, sona ni chuku mupaka mwebosi muzimile.

Ukukumbusya Amalamulo 28:60

Akwiza pakubawisizya ububine ubupalapala nkani, bubo mukabwennya mu Ijiputi, bubo bute na malembo naghamoghamo.

Ukukumbusya Amalamulo 7:15

U Mwene akwiza pakwefyapo ububine bosi pakasi papinyu, sona atakwiza pakubawisizya nalumo nu bubine ubupalapala bubo mukabumanya mu Ijiputi, loli akwiza pakubawisizya ububine bunubu abalwani binyu.