Amosi 4:1 - IBAYIBOLO 2024

¹ Ivwa kuno, mwe bakolo aba mu Samaliya mwe mwinite ngati ngwata izya mu Bashani. Mwe mukubayivya abapina na bapotwe mukubabuzya abalume binyu mukuti, “Tupe chimo ichakung'wela!”

Amosi 4:1 Iomraidhean Croise

1 Abamwene 16:24

Akaghula ighamba ilya Samaliya kwa Shemeli ni salabazya 6,000 izya siliva. Po akazengapo akaya akakulu nkani nukukita ukuti Samaliya, lilyo likaba itabwa ilya Shemeli, yuyo pakwanda akaba mwenecho uwa ighamba lila.

Yobu 20:19

Pakuti akabayivya abapina, sona atakabapasikizya, akabafyula inyumba zizyo yuyo atakazizenga.

Yobu 24:4

Bakubasunkilizya kulubazu abantu abapotwe, nukubachimbizyamo muchisu abapina bosi umwakuti bakuvwamagha.

Masalimo 12:5

“Pachifukwa ichakuti abadedebazu bakuyivyiwa, sona nukuti abapotwe bakukoloma, ane ne Mwene nkwiza pakuvundumuka. Ane ne Mwene nanena. Nkwiza pakubapoka munyobe izya babo bakubayivya.”

Masalimo 140:12

Inzimenye ukuti u Mwene ukubabombela mubwanaloli abapina, sona nukuti akubimila abapotwe.

Masalimo 22:12

Abalwani ngati nkambaku inyinji banzyunguliye, abalwani abamaka ngati nkambaku mu Bashani banzyunguliye.

Ivyili 22:7

Abantu abakabi bakubalaghila abantu abapina, sona umuntu yuyo akukopa akubanga muzya uwa yuyo akumukopezya.

Umulumbilili 4:1

Nkaghennya sona amayimba ghagho ghakaba pachisu ichapasi. Nkaghennya amasozi agha bantu abakuyiviwa, po bate nu wakubasangalusya. Abakubayivya bakaba na maka nkani, sona bate nu wakubasangalusya.

Umulumbilili 5:8

Utakaswighaye nanti ukubennya abapina bakuyiviwa muchisu, nanti abantu bakubunyongannya ubwanaloli. Pamwanya pavyosi umuntu yuyo ali pasi pa balongozi akubomba vyosi vivyo abasongo bache bamulamula ukuti abombaye.

Yesaya 28:1

Chighune ku bumwene ubwakwikwezya na baching'wela aba mu Izilayeli, sona naku bwezya ubwa kufoka ubwa mpumpu iya bumwene bwache, bubo buli kwikombe ilya muvundo ilya akakulu nkani kala, ukwituvya ukwa babo bakolizwe nu vinyo!

Yesaya 5:8

Chighune ku amwe mwe mukonjelezyakonjelezya inyumba, sona mukonjelezyakonjelezya amaghunda, mupaka patakasyalepo ubuzilo nabumo, sona mukwikala mwebene muchisu.

Yesaya 56:12

Abaching'wela banaba bakuti, ‘Zagha, tung'wele uvinyo! Zagha tukolwe ubwalwa! Indabi yikwiza pakuba ngati ilya ilelo, lumo likwiza pakuchilapo panapa.’ ”

Yesaya 58:6

“Ukutuzya pakulya kuko nkulonda ko uku, Ukubasatula babo bapinyiwe nukwefya ivyakupinyila ikoli, nukubasatula babo bakuyiviwa, nukupyola ikoli lyosi.

Yelemiya 50:11

U Mwene akuti, “Mwee ba Babiloni, mukusekela sona muhobokite. Amwe mwe mukusendelapo ulusako pachilingo chane, munganyelanyela umwakuhoboka, ngati mpampali yiyo yikukoma ingano, napapo mungalila ngati yo falasi inyanavuli,

Yelemiya 50:27

Mubaghoghe abasilikali abalumendo bache bosi, baghoghe bosi, chighune kukwabo! Pakuti isiku lyabo lyabafikila, sona akabalilo kabo aka lufundo kakwana.

Yelemiya 51:34

U Yelusalemu akuti, “U mwene Nebukadineza uwamu Babiloni atulya, atufwantannya, nukutupela ngati sonta yiyo mutalimo nakamokamo. Atumila ngati nyivwila, sona izuzya ulwanda lwache ni vyakulya ivinonu, pisinda pache akutufwina.”

Yelemiya 6:6

U Mwene Uwamaka Ghosi akuti, “Dumula amakwi nukuzenga ulubumba umwakukazyungulila u Yelusalemu. Akaya kanaka kabaghiye pakufundiwa, pakuti kakubayivya abantu.

Yelemiya 7:6

nanti mutakubakanyilila abayeni, abana abalanda, pamo abafwilwe, sona mutakukupula ibanda ilya bantu babo bate ninongwa pabuzilo bunubu, sona mutakubakonka abachala abanji ukuti batakabanangannye,

Ezekiyeli 18:12

Akubayivya abapina na bapotwe. Akwiba sona atakunyosya vivyo akakopa. Akwiputa ivifwani. Akubomba ivintu ivyamwiko.

Ezekiyeli 22:12

Pakasi papinyu abantu bakupokela amabeko ukuti bakupule ibanda, bakupokela ichuma ichakonjelezya pamwanya kubapalamani binyu, loli mwanduvya ane. U Mwene Uwamaka Ghosi anena.

Ezekiyeli 22:27

Amakambala ghache ghali ngati bo bakambwe babo bali pakukavula inyama, bakukupula ibanda nukughogha abantu ukuti bakabilemo vimo umwabuzimbuli.

Ezekiyeli 22:29

Abantu aba muchisu bakubayivya abantu abapina, bakubafyula abapotwe nukubayivya abayeni sona batakubabombela mubwanaloli.

Ezekiyeli 22:7

Pakasi papako abantu babasamula abapapi babo nukubayivya abayeni na balanda sona na bafwilwe.

Ezekiyeli 34:16

Nkwiza pakuzilonda zizyo zisobelite nukuzinyosya zizyo zyapulumpa. Nkwiza pakuzipinya ivilonda zizyo zivulaye nukuzikazya zizyo zidedebaye, loli inyine ni zyamaka nkwiza pakuzinangannya. Nkwiza pakuzidima ing'ozi nubwanaloli.

Ezekiyeli 39:18

Mukwiza pakulya inyama iya bantu abamaka nukung'wela ibanda ilya bamwene aba muchisu ichapasi ngati boba dubi nu twana utwa ng'ozi ni mbuzi ni nkambaku sona ni vinyamana vyosi ivya kwina ukufuma ku Bashani.

Yoweli 3:3

Bakapanga amayele na bantu bane sona bakaghulizannya abalumendo nu bwamalaya sona abalindu nu vinyo umwakuti bakolwe.

Amosi 3:1

Mwee ba Izilayeli, ivwa zizyo u Mwene akunena nizya amwe, mwe luko lulo nkalwefyamo mu Ijiputi:

Amosi 3:3

Nkimba abantu babili bangenda poka, bo bativwanite?

Amosi 5:11

Mukumuyivya umuntu umupina, nukumufyenga ukuti abape ingano. Napapo muzengite inyumba inyiza nkani izya mabwe, loli mutakwiza pakwikalaghamo. Napapo mubyalite amaghunda agha mampesya amiza nkani, loli mutakwiza pakung'wela uvinyo.

Amosi 6:1

Chighune ku mwe mufwasite mu Ziyoni, mwe muli mumutende mwighamba ilya Samaliya! Chighune ku mwe baluko ulumanyikwe, kuko aba Izilayeli bakubukako ukuti bavwiliziwe!

Amosi 6:6

Mukung'welela uvinyo mumbako inyizule, sona mukupakala amafuta aghakununkila nkani, loli mutakuba ni chitima pachifukwa icha kunanganika ukwa Izilayeli.

Malaki 3:5

U Mwene Uwamaka Ghosi akuti, “Nkwiza pakupalamila kukwinyu umwakuti imbalongaye. Ntakwiza pakuzyelazyela pakuba ne kaboni kubamayele na bamalaya na babo bakulapa ichilapo icha bumyasi na babo bakubazimbula abambombo amalipilo ghabo, na babo bakubayivya abakolo abafwilwe na bana abalanda pamo batakubabombela ubwanaloli abayeni, pakuti abantu banaba batakunchindika.

Ukubelengiwa 21:33

Po aba Izilayeli bakanyokela, nukwendela kuzila iya ku Bashani. U Ogi u mwene uwamu Bashani, poka na basilikali bache bakabuka pakulwa nabo ubwite muchisu icha Edileyi.

Ukukumbusya Amalamulo 24:14

Nanti wamwinjizya pambombo umuntu umupotwe pamo umuzya, manyi mu Izilayeli uwamwinyu, manyi muyeni yuyo akwikala mutwaya twinyu, utakasendelepo ulusako ukuti we muzya.

Ukukumbusya Amalamulo 28:33

Abantu babo utabamenye bakwiza pakukufyula vyosi ivya mumaghunda ghako, vivyo ukiyula pakulima, sona bakwiza pakukukanyilila nukukuyivya akabalilo kosi.