Amosi 3:6 - IBAYIBOLO 2024

⁶ Nanti ipati likulila mukaya akakulu nkani, nkimba abantu batakutetema? Nanti intamyo zyawa mukaya akakulu nkani, nkimba te we Mwene aziwisya?

Amosi 3:6 Iomraidhean Croise

Ubwandilo 50:20

Mukabatika ukuti mumbombele ububibi, loli u Chala akabatika ubwiza, ukuti bupoke ubumi ubwa bantu abinji, babo bumi ilelo pachifukwa icha zizyo zikaboneka.

2 Abamwene 6:33

Bo u Elisha achili akunena na basongosongo bala, intumi yila yikafika. Po u mwene akati, “Wee Mwene yuyo atuwisizya intamyo zinizi. Nkimba choni chicho indindilile ukuti u Mwene abombepo zimo?”

Yesaya 45:7

Nkupela ulokozyo ni chisi, nkwiza nulusayo sona nintamyo. Ane ne Mwene nkubomba zyosi zinizi.

Yelemiya 10:7

Wee Mwene uwa inko zyosi, nkimba wewenu yuyo atangakunyila? Pakuti zikubaghiye ukuti abantu bakunyilaye. Pakasi pa balongozi abamahala bosi aba inko sona mubumwene bwabo bosi, atalipo nayumoyumo yuyo ayanite nawe.

Yelemiya 4:19

Mwee, intamyo! Mwee intamyo! Nkwigholola nu bubavu. Mwee umoyo wane ghukubaba, umoyo wane ghukukoma nkani, nkupotwa pakuba myee. Pakuti nivwa ukulila ukwa lipati, nivwa ichongo icha bwite.

Yelemiya 4:5

“Fumusya muchisu icha Yuda nicha Yelusalemu ukuti, ‘Lizya ipati muchisu chosi!’ Kolomoka nukuti, ‘Bungana poka! Zagha tuchimbilile mutwaya utukulu utwa malinga!’

Yelemiya 5:22

Ane ne Mwene. Nkimba choni chicho mutakunyila? Nkimba mutakutetema pamaso papane? Nkabika umusesenga pakuba yo mpaka iya nyanja, impaka iya bwila na bwila yiyo inyanja yitangaloboka. Amayigha agha nyanja ghangabunguluka, loli ghatangabomba nachimochimo, ghangapongomoka loli ghatangaloboka.

Yelemiya 6:1

Mwe baluko ulwa Benjamini, chimbila nkani ukuti mupone! Epamo mukaya aka Yelusalemu! Lizya ipati mu Tekowa! Kwezya indembela mu Beti Hakelemu! Pakuti ichintu ichibibi nukunanganika ukukulu nkani vikufuma kuchigaba icha kumitu.

Ezekiyeli 33:3

sona nanti umulindilili yula akwennya ubwite bukwiza muchisu, akulizya ipati pakubasoka abantu,

Hoseya 5:8

Ipati livwikaye mu Gibeya, lizya ulupembe mu Lama. Wee Beti Aveni, kolomoka mwee ba Benjamini longolela.

Amosi 3:5

Nkimba ichiyuni chikuwila muchipingo, bo umuntu atateghite ichipingo? Nkimba ichipingo chikuvwimpuka, bo chitalemite nachimochimo ichintu?

Zefaniya 1:16

pisiku linilyo kukwiza pakwivwika ukulila ukwa mapati, ni chongo icha bwite ukulwana nutwaya utukulu nkani utwa malinga sona ni vitembe ivya pankuto.

Zekaliya 8:10

Bo akabalilo kalakala katakwanite, patakabapo nayumoyumo umuntu uwakukabapo umuvwalo pa mbombo pamo pachitekwa chimo. Patakabapo umuntu nayumo yuyo akaghula nukughulizya mumutende, pachifukwa icha balwani bache, pakuti nkamupela umuntu wesi pakuba mulwani uwa muntu uyunji.

Imbombo 2:23

U Yesu akapeghiwa kukwinyu ukuyana namumo u Chala akabatikila nukwinong'onela zila. Amwe mukamughogha pakumubika munyobe izya bambibi ukuti akomeliwe pachipinjika.

Imbombo 4:28

Bakabungana poka pakubomba vyosi vivyo awe na maka ghako, sona nu bwighane bwako ukabatika ukuti vikwiza pakubombiwa.

2 Aba Kolinti 5:11

Aswe tumenye pakumunyila u Mwene, tukuyezya pakubadeba abanji. U Chala atumenye mumo tubeleye, sona nkusubila ukuti namwe bulo mumoyo ghinyu mutumenye aswe.