Amosi 3:15 - IBAYIBOLO 2024

¹⁵ Nkwiza pakuyimongolannya inyumba iya pachisiku, poka ni nyumba iya pachisanya. Inyumba zizyo zikalabiwa namino agha zovu zikwiza pakumongoliwa, sona inyumba izya pamwanya zikwiza pakunanganika.” U Mwene anena!

Amosi 3:15 Iomraidhean Croise

1 Abamwene 22:39

Imbombo izinji zyosi zizyo u Ahabu akabomba, sona namumo akayilabila inyumba yache iya bumwene ni mpembe izya zovu, poka nutwaya utukulu nkani tuto akazenga visimbiwe mwibuku ilya Mbili iya bamwene aba ba Izilayeli.

Masalimo 45:8

Amenda ghako ghosi ghakununkila na mafuta agha mule, nagha aloyi sona nagha kasiya. Inyumba zyako izya bumwene zizengiwe na mino agha zovu, sona mulamula bakukuhobosya ni vyakwimbila ivya mpote izya chela.

Yesaya 5:9

U Mwene Uwamaka Ghosi alamula bo nane nkwivwa ukuti, “Naloli inyumba inkulu nkani zikwiza pakuba visami, inyumba inkulu inyiza nkani zitakwiza pakuba na bantu.

Yelemiya 36:22

Ghukaba mwezi uwa nayini ghugho u mwene akikala munyumba mukabalilo aka chisiku bo akota umoto ghugho ghukakagha mu mbabula muntazi mumwache.

Amosi 2:5

Nkwiza pakubawisizya umoto abantu aba mu Yuda, ghugho ghukwiza pakughalungulizya amalinga agha mu Yelusalemu.”

Amosi 3:11

Polelo u Mwene Uwamaka Ghosi akuti, “Umulwani akwiza pakuchizyungulila ichisu nukughamongolannya amalinga ghinyu, akwiza pakubafyula ivintu vyosi mumalinga ghinyu.”

Amosi 5:11

Mukumuyivya umuntu umupina, nukumufyenga ukuti abape ingano. Napapo muzengite inyumba inyiza nkani izya mabwe, loli mutakwiza pakwikalaghamo. Napapo mubyalite amaghunda agha mampesya amiza nkani, loli mutakwiza pakung'wela uvinyo.

Amosi 6:11

Pakuti u Mwene alamula, po akwiza pakuyimongolannya inyumba inkulu nkani, yope inyumba inandi akwiza pakuyimongolannya mutuvigaba utunanditunandi.

Malaki 1:4

Aba Edomu bakuti, “Napapo utwaya twitu utukulu twananganika, pope bulo tukwiza pakutuzenga sona.” Loli u Mwene Uwamaka Ghosi akuti, “Napapo bangatuzenga sona loli nkwiza pakutunangannya. Tukwiza pakwitiziwa ukuti ichisu ichibibi, tuto abantu bache u Mwene abakalaliye bwila na bwila.

Abalongi 3:20

Po u Ehudi akapalamila kwa mwene yula, bo ikaye mwene bulo muchipinda ichapamwanya ichikatazu akiza nkani nukumubuzya ukuti, “Wee mwene, indi na mazyu nawe aghakufuma kwa Chala.” Bo u mwene yula akunyamuka pachitengo chache,