Amosi 3:11 - IBAYIBOLO 2024

¹¹ Polelo u Mwene Uwamaka Ghosi akuti, “Umulwani akwiza pakuchizyungulila ichisu nukughamongolannya amalinga ghinyu, akwiza pakubafyula ivintu vyosi mumalinga ghinyu.”

Amosi 3:11 Iomraidhean Croise

Ubwandilo 34:27

Abana abanji aba Yakobo bakabuka pabantu babo bakabaghogha bala nukunangannya akaya kosi pakutanizya ukulemiwa pamaka ukwa muyemba.

2 Abamwene 15:19

U mwene u Pulu uwamu Asiliya akalwa ubwite ni chisu icha Izilayeli. Po u Menahemu akamupa isalabazya 34,000 izya siliva ukuti amwavwe pakubwikazya ubulaghili bwache muchisu chila.

2 Abamwene 15:29

Pakaba po pakabalilo aka mwene u Peka uwamu Izilayeli, kako u mwene u Tigilati Pileseli uwamu Asiliya akakafyula akaya akakulu nkani aka Iyoni naka Abeli Beti Maaka naka Yanowa naka Kedeshi, sona naka Hazoli. Akachifyula ichigaba icha Giliyadi, nicha Galileya sona ni chisu chosi icha Nafutali nukubasenda abantu bosi aba mula nukubuka nabo ku Asiliya pakuba bakayidi.

2 Imbili 36:19

Bakayocha Inyumba iya Chala nukumongolannya ulupaso ulwa Yelusalemu. Bakocha inyumba zyosi izya bumwene nukunangannya ivintu vyosi ivyamutengo vivyo vikaba mulamula.

Yobu 20:21

Chitalipo nachimo chicho chikasyalapo ichakuti angalya, ubukabi bwache bukamala bosi.

Amosi 2:5

Nkwiza pakubawisizya umoto abantu aba mu Yuda, ghugho ghukwiza pakughalungulizya amalinga agha mu Yelusalemu.”

Amosi 3:10

U Mwene akuti, “Batamenye na pakubomba ubugholosu, babo bakusunga ivintu ivyakufyula mumalinga ghabo.”

Amosi 3:15

Nkwiza pakuyimongolannya inyumba iya pachisiku, poka ni nyumba iya pachisanya. Inyumba zizyo zikalabiwa namino agha zovu zikwiza pakumongoliwa, sona inyumba izya pamwanya zikwiza pakunanganika.” U Mwene anena!

Amosi 6:14

Pakuti u Mwene u Chala Uwamaka Ghosi akuti, “Mwee ba Izilayeli, nkwiza pakunyamusya uluko ulunji lulo lukwiza pakubayivya amwe zila yosi, ukwandila ku Lebo Hamati mupaka kwikombe ilya Alaba.”

Amosi 6:8

U Mwene u Chala Uwamaka Ghosi alapila mwitabwa lyache akuti, “Ingabengite amituvyo agha Izilayeli, ghope amalinga ghabo ingabengite. Nkwiza pakukapoka akaya akakulu nkani, poka ni vintu vivyo vili mulamula.”