Amosi 3:10 - IBAYIBOLO 2024

¹⁰ U Mwene akuti, “Batamenye na pakubomba ubugholosu, babo bakusunga ivintu ivyakufyula mumalinga ghabo.”

Amosi 3:10 Iomraidhean Croise

Yobu 20:21

Chitalipo nachimo chicho chikasyalapo ichakuti angalya, ubukabi bwache bukamala bosi.

Masalimo 14:4

Fwandi ababomba imbibi bate na mahala? Bo babo bakubalya abantu bane ngati po bakulya chibama, sona bo babo batakumwiputa u Mwene.

Ivyili 1:13

Po tukwiza pakuvyagha ivintu ivyakulekanalekana ivyamutengo nukwizuzya inyumba zyitu ni vintu ivyakufyula.

Ivyili 11:16

Umukolo uwa nkalo inyiza akuchindikiwanga, loli umwanavuli umukali akwibunganikila bulo ubukabi.

Ivyili 28:5

Umuntu umubibi atakwivwisya ukuti ubugholosu cho choni, loli yuyo akubomba ubwighane ubwa Mwene akubwivwisya nkani.

Umulumbilili 4:1

Nkaghennya sona amayimba ghagho ghakaba pachisu ichapasi. Nkaghennya amasozi agha bantu abakuyiviwa, po bate nu wakubasangalusya. Abakubayivya bakaba na maka nkani, sona bate nu wakubasangalusya.

Yelemiya 4:22

U Mwene akuti, “Abantu bane bapunganu, batammenye. Abana babo batakwinong'ona, sona batakwivwisya. Bo bafundi pakubomba ububibi, loli batamenye na pakubomba ubwiza.”

Yelemiya 5:4

Po nkati, “Banaba bo bantu abapina, bate na mahala naghamoghamo, pakuti batayimenye izila iya Mwene sona batachimenye chicho u Chala akuchilonda.

Ezekiyeli 18:7

Atakumuyivyapo nayumoyumo, loli akunyosya vivyo akasenda pankongole. Atakwiba loli akubapa ichakulya babo bali nizala, sona akubapa ivyakuvwala babo bali nkule.

Ezekiyeli 22:29

Abantu aba muchisu bakubayivya abantu abapina, bakubafyula abapotwe nukubayivya abayeni sona batakubabombela mubwanaloli.

Ezekiyeli 8:17

U Chala akandalusya akati, “Wee mwana uwa muntu, nkimba wazyennya zinizi? Nkimba chintu chipepe nkani kuba Yuda pakubomba ivintu ivyamwiko vivyo bakubomba pano? Nkimba bizuzye ni vyongo ichisu nukwendelela pakunkalalizya? Bennye, napapo bakakolomoka nkani loli ntakabateghelezya!

Hoseya 7:1

Bo nkuti imbapozye abantu bane aba Izilayeli, zyope imbibi izya Efulayimu zikaboneka pabuzelu, imbombo imbibi izya Samaliya zikavumbuliwa. Abantu bakubomba bo buzimbuli bwene, abiba bakupankula inyumba izya bantu, sona amavyondongo ghakwiba muminalo.

Amosi 4:1

Ivwa kuno, mwe bakolo aba mu Samaliya mwe mwinite ngati ngwata izya mu Bashani. Mwe mukubayivya abapina na bapotwe mukubabuzya abalume binyu mukuti, “Tupe chimo ichakung'wela!”

Amosi 5:7

Mwabwandula ubwanaloli pakuba bubavu, nukubusumbila ubugholosu palufumbi.

Amosi 6:12

Nkimba ifalasi zikuchimbila mumabwe? Nkimba umuntu angalima mulamula ni nkambaku? Loli ubwanaloli mwabupela pakuba chimelwa ichakughogha, vyope ivikomwa ivya bugholosu mwavipela pakuba vyakubaba,

Amosi 6:3

Amwe mukukana ukuti isiku ilyakunanganika likwiza, loli imbombo zyinyu zikulipalamizya isiku ilya bulongi.

Amosi 6:8

U Mwene u Chala Uwamaka Ghosi alapila mwitabwa lyache akuti, “Ingabengite amituvyo agha Izilayeli, ghope amalinga ghabo ingabengite. Nkwiza pakukapoka akaya akakulu nkani, poka ni vintu vivyo vili mulamula.”

Mika 6:10

Nkimba ningaluvya ubukabi bubo buli munyumba iya bantu ababibi, bubo batakabwaghila mubwanaloli, bakubombezya ivipimilo ivyabumyasi, chinichi cho chintu chicho inchibengite nkani?

Zefaniya 1:9

Pisiku lilalila nkwiza pakubafunda, bosi babo bakubiputa aba chala abanji, abantu babo bakwizuzya inyumba izya bachala babo, ni vyongo sona nu bumyasi.

2 Pitala 3:5

Abene bakuluvya bulo madinko ukuti kale u Chala akapela kumwanya ni chisu ichapasi na mazyu ghache. Ichisu ichapasi chikapangiwa ukufuma ku mizi, sona na mizi.