Amosi 2:9 - IBAYIBOLO 2024

⁹ “Nkabanangannya aba Amoli pamaso papabo, napapo bakaba batali ngati likwi ilya mwale, abamaka ngati likwi ilya mupandapanda. Nkavinangannya ivikomwa vyache sona na magululuzi ghache.

Amosi 2:9 Iomraidhean Croise

Ubwandilo 15:16

Bo zyachilapo inkulilo folo, abaluko lwako bakwiza pakunyokela sona kuno, pachifukwa ichakuti ntakwiza pakubachimbizyamo nalumolumo aba Amoli mupaka ububibi bwabo bwabala nkani umwakuti bafundiwanje.”

1 Imbili 1:14

U Kenani akaba sona munyenya uwa ba Yebusi nuwa ba Amoli nuwa ba Giligashi

Yobu 18:16

Amagululuzi ghache ghumila, sona zyope isamba zyache zikufoka.

Ukufuma 3:8

Po nika pakubapoka munyobe izya bantu aba mu Ijiputi nukubefyamo muchisu chilachila nukubinjizya muchisu ichikulu nkani icha mboto mumo mukwikala aba Kenani naba Hiti naba Amoli naba Pelezi naba Hivi sona naba Yebusi.

Ukufuma 34:11

“Mukonkaye amalamulo ghagho nkubapa ilelo. Nkwiza pakubachimbizya pantazi papinyu aba Amoli naba Kenani naba Hiti naba Pelezi naba Hivi sona naba Yebusi.

Yesaya 10:33

Ennya, u Mwene, u Mwene Uwamaka Ghosi akwiza pakubadumulannya, akwiza pakupalanta isamba izya makwi, sona akwiza pakudumulannya amakwi amatali nkani, Abakwituvya nabapamwanya bakwiza pakudumuliwa nukwisiwa,

Yesaya 5:24

Polelo, ngati mumo akampesese aka moto kakochela amapembezannya sona ngati mumo isote ilyimizu likupyela mumoto, po amagululuzi ghache ghakwiza pakubola, sona ubwezya bwache bukwiza pakubuluka ngati lufumbi, pakuti bakana ululaghilo ulwa Mwene Uwamaka Ghosi, nukukana izyu ilya Muzelu uwa Izilayeli.

Ezekiyeli 17:9

“Ubabuzye ukuti, ‘U Mwene Uwamaka Ghosi akuti: Nkimba ikwi ili likwiza pakukula akiza? Nkimba ikwi litakwiza pakunyunkuliwa nukubulutuliwa ivikomwa vyache? Umwakuti amani ghache ghumile, ghakwiza pakumila. Ichakumela chosi ichipya chikwiza pakufoka. Chitakulonda amaka aminji pamo pakunyunkuliwa ninko inyinji.

Malaki 4:1

U Mwene Uwamaka Ghosi akuti, “Naloli isiku likwiza, po likwiza pakocha ngati muvuno, abantu bosi babo bakwituvya na babomba mbibi bakwiza pakupya ngati lyelelo. Pisiku lilalila umoto ghukwiza pakulyocha,” chitalipo nachimochimo chicho chikwiza pakulekiwapo igululuzi pamo akasamba.

Ukubelengiwa 32:13

U Mwene akabakalalila abantu nukubapela pakwendakwenda munkolongo amaka 40 mupaka inkulilo yosi yiyo yikabomba ivintu ivibibi pamaso pa Mwene yikazimila.

Ukukumbusya Amalamulo 1:28

Nkimba tungabukako bulibuli? Tukunyila. Abakamu bitu babo tukabatuma pakuchitendela ichisu chila bakatuwisya amaka pakunena ukuti, abantu aba muchisu chila bamaka nkani, sona batalibatali bene ukutuchila. Utwaya twabo tukulu nkani, sona tuli nu lupaso na malinga ghagho ghafikite kumwanya. Kulakula tukabennya sona abantu abamaka nkani aba Anaki.”

Ukukumbusya Amalamulo 3:11

U Ogi u mwene uwamu Bashani umu Lefayimu, weyuyo akapona. Ichitala chache chikaba cha chela, ubutali bwache chikaba amamita folo, sona mububaba chikaba amamita mabili. Ichitala chilachila chichili chilipo nilelo mu Laba muchisu icha ba Amoni.

Yoshwa 10:12

Pisiku lilyo u Mwene akababika aba Amoli munyobe izya ba Izilayeli, u Yoshwa akanena nu Mwene pamaso paba Izilayeli akati, “Wee lizuba, wime bulo pa Gibeyoni. Wee mwezi, wime bulo po pikombe ilya Ayaloni.”

Yoshwa 3:10

Bunubu mukwiza pakuzyaghannya ukuti u Chala umumi ali pakasi papinyu sona nukuti naloli akwiza pakubachimbizya pamaso papinyu abalwani binyu aba Kenani naba Hiti naba Hivi naba Pelezi naba Giligashi naba Amoli sona naba Yebusi.