Amosi 2:7 - IBAYIBOLO 2024

⁷ Bakusendelapo ulusako pabapina nukubasunkila, sona batakubabombela mubwanaloli abantu abakuyivyiwa. Uwise nu mwana wache umulumendo bakwinjila mumulindu weka, umwakuti bakulisamula itabwa lyane izelu.

Amosi 2:7 Iomraidhean Croise

2 Samuweli 12:14

Awe wamusamula nkani u Mwene pakubomba bunubu, po umwana wako yula akwiza pakufwa.”

1 Abamwene 21:4

Po u Ahabu akabwela bo asulumanizye, sona bo akalaye pachifukwa ichakuti u Naboti umu Yezileli akakana akati, “Ntangakupa ichilingo icha banyenya bane.” Akalambalala pachitala chache, bo enizye ku lubumba, sona akakana pakulya.

Ivyili 28:21

Ukubomba ivintu umwakwennya icheni te kwiza, loli abalongi bamo bakubunyongannya ubwanaloli pachifukwa icha kamenyu aka chibama.

Yesaya 10:1

Chighune kubabo bakupinya indaghilo imbibi, sona kubabo bakusimba indaghilo izya kubayivya abamwabo,

Yesaya 10:2

bakukana pakubalongela abapina mubugholosu, bakubafyula abantu bane ubwanaloli bwabo, nukubapela abafwilwe pakuzompola, nukufyula, abana abalanda.

Yesaya 3:14

U Mwene akulonga abasongo na balongozi aba bantu bache, “Wewe waghunangannya umughunda uwa mampesya; ivintu vivyo mukafyula kubapina vili munyumba zyinyu.

Yesaya 3:15

Nkimba mukung'anamula choni pakubayivya abantu bane, sona nukubabombela ububibi abantu bane?” U Mwene Uwamaka Ghosi anena.

Ezekiyeli 22:11

Bamo bakubomba ivyamwiko na bachi aba bapalamani babo, balipo sona abamwabo babo bakubomba ivyankozyasoni na balasagha babo, abanji sona na bayemba babo, umwana umulindu uwa wise.

Ezekiyeli 36:20

Sona kosi kuko bakabuka nukufika pakasi pa inko, bakalinyazya itabwa lyane izelu, pakuti zikaneniwa kukwabo ukuti, ‘Aba bantu aba Mwene, loli pope bulo bakachileka ichisu chache.’

Hoseya 4:14

“Ntakwiza pakubafunda abana binyu abalindu nanti bakubomba ubwamalaya, sona ntakwiza pakubafunda abalasagha binyu nanti bakulowa, pachifukwa ichakuti abanavuli bo babo bakulowa na bakolo abamalaya, nukubika poka nabo ichakwiyipa ku vifwani, sona abantu babo batakwivwisya bakwiza pakunanganika.

Aba Levi 18:15

Utakaghonaye nu muchi uwa mwana wako, pakuti yunuyu we mulasagha wako.

Aba Levi 18:21

Utakamubikaye nayumoyumo umwana wako ukuti abanje chakwiyipa kwa chala u Moleki, pakuti pakubomba bunubu ukulisamula itabwa ilya Chala wako. Ane ne Mwene.

Aba Levi 18:8

Utakamukozyanje ughuso isoni pakughona na bachi bache abanji.

Aba Levi 20:3

Ane ne mwenecho nkwiza pakumusulannya umuntu yulayula nukumwepusyapo pakasi pabantu bache pachifukwa ichakuti abunyazya ubuzilo bwane ubuzelu, nukulisamula itabwa lyane izelu pakubika abana bache kwa chala u Moleki.

Amosi 4:1

Ivwa kuno, mwe bakolo aba mu Samaliya mwe mwinite ngati ngwata izya mu Bashani. Mwe mukubayivya abapina na bapotwe mukubabuzya abalume binyu mukuti, “Tupe chimo ichakung'wela!”

Amosi 5:11

Mukumuyivya umuntu umupina, nukumufyenga ukuti abape ingano. Napapo muzengite inyumba inyiza nkani izya mabwe, loli mutakwiza pakwikalaghamo. Napapo mubyalite amaghunda agha mampesya amiza nkani, loli mutakwiza pakung'wela uvinyo.

Amosi 5:12

Pakuti inzimenye mumo ukunanga kwinyu kubeleye, sona nu bwinji ubwa mbibi zyinyu. Mukubayivya abantu abagholosu, nukupokela amabeko sona mukunyongannya ubwanaloli panongwa izya bantu abapina.

Amosi 8:4

Ivwa kuno, amwe mwe mukubayivya abapina, sona mukulonda pakubamala abakusobelwa,

Mika 2:2

Bakughanyonywa amaghunda agha bantu nukughafyula, sona ni nyumba izya bantu nukuzisenda. Bakumufyula umwenenyumba sona ni mpyana yache.

Mika 2:9

Mukubachimbizya abachi aba bantu bane munyumba zyabo izyakuboneka akiza nkani, mukwefyapo ulusayo lwane pabana babo abanandi bwila na bwila.

Zefaniya 3:3

Amakambala ghache ghakubuluma ngati nkalamu, abalaghili bache bali ngati bo bakambwe babo bakwenda pachamabwila, batakuchilekapo nachimochimo ichakulya icha pandabindabi.

Aba Loma 2:24

Pakuti Amasimbo ghakuti, “Pachifukwa icha mwemwe mwe ba Yuda, abantu babo bate ba Yuda bakumusamula u Chala.”

1 Aba Kolinti 5:1

Ilelo imbili yivwika ukuti mumwinyu muli ubwamalaya ubupalapala nkani, ubwamalaya ubwakuti butakubombiwa nalumolumo na bantu abakuzi. Nivwa ukuti umuntu yumo akughonana nu muchi uwa wise!