Amosi 2:15 - IBAYIBOLO 2024

¹⁵ Abantu babo bamenye pakusumba utulasilo batakwiza pakujimba, sona abasilikali abakuchimbila pasi batakwiza pakupona, abakukwela pafalasi batakwiza pakubupoka ubumi bwabo.

Amosi 2:15 Iomraidhean Croise

Umulumbilili 9:11

Nachennya sona ichintu chimo pachisu ichapasi ichakuti: Te muntu uwalwengo akupota pakuchimbila, pamo umuntu umujivu akupota pabwite. Pamo abantu abamahala bene bo babo bakuchagha ichakulya pamo abantu abamahala bene bo babo bakuba nu bukabi. Te bamanyi bene babo abantu bakubapelela ichisa, loli ulusako ni chighune vikubawila bosi banaba.

Yesaya 31:3

Loli aba Ijiputi bantu bulo teba Chala awe, ifalasi zyabo nyama bulo te muzimu awe. Nanti u Mwene agholosya inyobe yache, yuyo akavwa akwiza pakwipunula, yuyo avwiliziwa akwiza pakuwa pasi, bosi bakwiza pakuzimila poka.

Yelemiya 51:56

Abakumunangannya u Babiloni bafika, abasilikali bache balemiwa sona ubwele bwabo bwapyoliwa. Pakuti ane ne Chala yuyo akutanizya imbibi pa mbibi, naloliloli nkwiza pakubatanizya imbibi pa mbibi,

Ezekiyeli 39:3

Po nkwiza pakubukomela pasi ubwele bwako munyobe yako imongo nukutuwisya utulasilo munyobe yako indilo.

Amosi 9:1

Nkamwennya u Mwene imiliye papipi ni chighemo, po akati, “Koma pamwanya pa mpanda umwakuti akasonje kaneng'ene, kawisizye pamitu iya bantu bosi babo bapona nkwiza pakubaghogha nupanga. Atakwiza pakubapo nayumoyumo uwakuchimbila, pamo uwakupona.

Hagayi 2:22

Nkwiza pakubawisya abamwene aba inko izinji na maka agha bumwene bwabo. Nkwiza pakuzing'anamulannya ingolo zyabo poka nabakwendezya babo, ni falasi sona naba kukwelapo babo nukughamala amaka agha inko injeni. Ifalasi zikwiza pakufwa, sona bope abakukwelapo bakwiza pakughoghana, umuntu wesi nupanga uwa mukamu wache.’

Zekaliya 10:5

Bosi poka bakwiza pakuba ngati bantu abamaka, abakubakanyankila mumatope abalwani babo. Bakwiza pakulwa nkani, pachifukwa ichakuti u Mwene ali nabo, bakwiza pakubapota abakukwela pafalasi.