Amosi 2:11 - IBAYIBOLO 2024

¹¹ “Nkabimika bamo pakasi pabana binyu pakuba balaghuzi, sona abalumendo bamo pakasi papinyu pakuba ba Nazili. Mwee ba Izilayeli, nkimba te momumo?” U Mwene anena.

Amosi 2:11 Iomraidhean Croise

1 Abamwene 17:1

Pakabalilo kalakala umulaghuzi u Eliya umu Tishibi uwamu Giliyadi akamubuzya u mwene u Ahabu akati, “Nkulapa pamaso pa Mwene u Chala umumi uwa Izilayeli, yuyo nkumubombela ukuti patakwiza pakubako inganda pamo ivula amaka matatu ghagho ghakwiza.”

1 Abamwene 18:4

Bo u Yezibeli akubaghogha abalaghuzi aba Mwene, u Obadiya akabasenda abalaghuzi 100 nukubafisa mumpako zibili, kokuti akabafisa abalaghuzi 50 mumpako yoka, sona abalaghuzi 50 mumpako iyinji. Akabapanga ichakulya na mizi.

1 Abamwene 19:16

Sona umupakazye amafuta u Yehu umwana uwa Nimishi ukuti abanje we mwene uwa ba Izilayeli, umupakazye sona nu Elisha umwana uwa Shafati uwamu Abeli Mehola ukuti akupyane pakuba mulaghuzi.

1 Abamwene 20:13

Pakabalilo kalakala umulaghuzi akiza kwa mwene u Ahabu nukumubuzya ukuti, “U Mwene ati, ‘Nkimba ukuchennya ichilundilo icha basilikali? Ilelo nkwiza pakubabika munyobe zyako, po ukwiza pakumanya ukuti ane ne Mwene.’ ”

1 Abamwene 20:35

Pakabalilo kalakala umwana yumo uwa balaghuzi akamubuzya uwamwabo amazyu agha Mwene akati, “Nkoma ni chilwilo chako.” Loli uwamwabo yula akakana.

1 Abamwene 20:41

Po umulaghuzi yula akefya umwenda ghugho akipinya pacheni, sona u mwene akamumanya ukuti akaba weka uwa balaghuzi bala.

1 Abamwene 22:8

U mwene uwa Izilayeli akamwamula u Yehoshafati akati, “Asyalako umulaghuzi weka uwakuti tungabuzikizizyako, itabwa lyache we Mikaya umwana uwa Imula. Loli imubengite pachifukwa ichakuti atandaghuliyepo nalumo ivintu ivyiza, akabalilo kosi akundaghulila ivintu ivibibi vyene.” U Yehoshafati akamwamula akati, “Wee mwene wane, utakanenaye bunubu.”

2 Abamwene 17:13

U Mwene akabasoka aba Izilayeli, naba Yuda ukwendela mu balaghuzi, sona na benelezyi bache bosi ukuti, “Muzileke imbombo zyinyu imbibi. Muzikonkaye indaghilo zyane na malamulo ghane, ghagho nkabalamula abanyenya binyu, sona ghagho nkabapa ukwendela mubabombi bane abalaghuzi.”

2 Abamwene 6:1

Isiku limo abalaghuzi bamo aba mubukatila aka balaghuzi bakamubuzya u Elisha bakati, “Ennya, ubuzilo bubo tukwikala nawe bunandi nkani.

2 Imbili 36:15

U Mwene, u Chala uwa banyenya babo, akabatumila amazyu ukwendela muntumi zyache, pachifukwa ichakuti akabapelela ichisa abantu bache sona ni Nyumba yache.

Yelemiya 11:21

Polelo umu momumo u Mwene akunenela nizya bantu aba ku Anatoti babo bakalondagha pakungogha nukunena ukuti, “Utakalaghulilaye sona mwitabwa ilya Mwene pakuti tukwiza pakukughogha.”

Yelemiya 2:31

Amwe mwe bantu aba nkulilo iya ilelo, ivwa zizyo u Mwene akunena. Nkimba name ne nkolongo kwa Izilayeli pamo ichisu icha chisi ichikulu? Nkimba choni chicho abantu bane bakuti, ‘Aswe twe bantu abasatuke, tutangiza sona kukwako?’

Yelemiya 2:5

U Mwene akukulalusya akuti, “Nkimba bubibi boni bubo abanyenya binyu bakabwagha mumwane, ukuti banchimbile? Bakavyiputa ivifwani ivya mwalwemwalwe nukwipela pakuba bamwalwemwalwe.

Yelemiya 26:11

Po abaputi na balaghuzi bakaghabuzya amakambala poka na bantu bosi ukuti, “Umuntu uyu abaghiye pakughoghiwa pachifukwa ichakuti akulaghula ububibi ubwa kaya akakulu nkani aka. Mwiyivwila na makutu ghinyu!”

Yelemiya 7:25

Ukwandila mwisiku lilyo abanyenya bakepaghamo mu Ijiputi mupaka nilelo, isiku ni siku, kabilikabili, nkabatumila ababombi bane na balaghuzi bane.

Nkuto 4:7

Abamwene bache bakalamagha nkani ukuchila ukabefu, sona nukuluchila ulukama. Ghope amabili ghabo ghakaba machesamu nkani, ukughachila amabwe agha Lubi, sona bakabonekagha ngati we safile.

Mika 2:6

Abantu bakulumbilila kukwane bakuti, “Mutakalumbililaye kukwitu. Mutakalumbililaye ukuyana nazinizi. U Chala atakwiza pakutukozya isoni.”

Imbombo 4:18

Po bakabitizya nukubachinyintizya ukuti batakanenepo pamo ukumanyisya mwitabwa ilya Yesu.

Imbombo 5:28

“Tukabachinyintizya nkani ukuti mutakamanyisyanje mwitabwa ilya muntu uyu. Loli ennya zizyo mwabomba! Ubumanyisi bwinyu bwasata mu Yelusalemu mosi, po sona mukulonda ukuti ibanda ilya muntu uyu libanje papitu!”

Imbombo 7:51

U Sitefani akendelela pakunena ukuti, “Mwe bantu aba moyo amakafu mwee. Amoyo ghinyu ghayanite bulo na bantu abakuzi, sona muli na mapuli! Ukuyana namumo bakabombelagha abanyenya binyu, akabalilo kosi amwe mukumukana u Muzimu Umuzelu!

Ukukumbusya Amalamulo 18:18

Nkwiza pakubatumila umulaghuzi uwakuyana nawe uwakufuma pakasi pabantu babo. Ane nkwiza pakumubuzya amazyu aghakuti anene, po akwiza pakubabuzya abantu zyosi zizyo nkumulamula.

1 Samuweli 19:20

Po akabatuma abantu ukuti bamuleme. Loli bo bennya akabukatila aka balaghuzi kali pakulaghula, sona nukuti u Samuweli akaba mulongozi wabo, Umuzimu uwa Chala akabinjila abantu bala, po bope bakanda pakulaghula.

1 Samuweli 3:20

Po aba Izilayeli bosi ukwandila muchisu icha Dani mupaka muchisu icha Belisheba bakazyaghannya ukuti u Samuweli akaba mulaghuzi umusubiliwa uwa Mwene.