Amosi 2:10 - IBAYIBOLO 2024

¹⁰ Nkabefyamo mu Ijiputi, nukubalongozya munkolongo amaka 40, sona nkabapa ichisu icha ba Amoli.

Amosi 2:10 Iomraidhean Croise

Nehemiya 9:21

Ukabasungililagha akiza nkani munkolongo amaka 40, sona batakasobelwapo ichintu nachimochimo. Amenda ghabo ghatakazepunkana, sona inyayo zyabo zitakizula.

Masalimo 95:10

Nkayikalalila inkulilo yila amaka 40, po nkati, ‘Amoyo ghabo ghakupulumpa, sona batakukonka amalamulo ghane.’

Ukufuma 12:51

Pisiku lilalila u Mwene akabefyamo aba Izilayeli mu Ijiputi ukuyana nu tubukatila twabo.

Ukufuma 20:2

“Ane ne Mwene u Chala winyu, ne nkabefyamo mu Ijiputi, mumo mukaba mwe bazya.

Ukufuma 3:8

Po nika pakubapoka munyobe izya bantu aba mu Ijiputi nukubefyamo muchisu chilachila nukubinjizya muchisu ichikulu nkani icha mboto mumo mukwikala aba Kenani naba Hiti naba Amoli naba Pelezi naba Hivi sona naba Yebusi.

Yelemiya 2:6

Batakalalusya ukuti, ‘Nkimba ali ko kwiyi u Mwene, yuyo akatufumya muchisu icha Ijiputi, nukutulongolela munkolongo, muchisu ichumizu sona nicha viliba, muchisu icha lulanga sona icha chisi, muchisu mumo atalimo nayumoyumo yuyo akwendamo nukwikalamo?’

Ezekiyeli 20:10

Polelo nkabefyamo muchisu icha Ijiputi nukubalongozezya munkolongo.

Amosi 3:1

Mwee ba Izilayeli, ivwa zizyo u Mwene akunena nizya amwe, mwe luko lulo nkalwefyamo mu Ijiputi:

Amosi 9:7

U Mwene akuti, “Nkimba amwe te mwe ba Izilayeli, babo bayanite bulo na bantu aba ku Etiyopiya? Fwandi te nene nkabefyamo aba Izilayeli muchisu icha Ijiputi, naba Filisiti muchisu icha Kileti sona naba Siliya muchisu icha Kili?”

Mika 6:4

Nkabefyamo muchisu icha Ijiputi, sona nkabatabula muchisu icha buzya. Nkabatumila u Mozesi nu Aloni, sona nu Miliyamu ukuti babalongozye.

Ukubelengiwa 13:32

Polelo abantu bala bakasasya ipangwi ilyabumyasi pakasi paba Izilayeli nizya chisu chicho bakatendela. Bakati, “Ichisu chicho tukatendela chikubamila abantu babo bakwikalamo. Abantu bosi babo tukabennya kulakula batalibatali bene.

Ukubelengiwa 21:25

Aba Izilayeli bakatufyula utwaya tosi utukulu nkani utwa ba Amoli. Bakakafyula sona akaya aka Heshiboni, poka nutwaya twache tosi utupalamani nukwikala mulamula.

Ukubelengiwa 32:13

U Mwene akabakalalila abantu nukubapela pakwendakwenda munkolongo amaka 40 mupaka inkulilo yosi yiyo yikabomba ivintu ivibibi pamaso pa Mwene yikazimila.

Imbombo 13:18

nukujimba nabo amaka 40 munkolongo.

Imbombo 7:42

Po u Chala akabapa inkonto nukubavwituka ukuti biputaye bulo ni ntondwa izya kumwanya ukuyana namumo zisimbiliwe mwibuku ilya balaghuzi ukuti, ‘Mwee ba Izilayeli! Mutakangoghelagha nene ivinyamana vyinyu nukubika ivyabupi amaka 40 munkolongo?

Ukukumbusya Amalamulo 1:39

Po u Mwene akatubuzya twebosi akati, Abana binyu babo bachili banandi nkani, babo bangalesannya ichiza pamo ichibibi, sona babo mukatinji bakwiza pakulemiwa kubwite, bo babo bakwiza pakwinjilamo muchisu chila, sona bakwiza pakuchifyula nukwikalamo.

Ukukumbusya Amalamulo 2:7

U Mwene u Chala winyu abasaya amwe pambombo zyosi zizyo mwabomba. Abasungilila akiza pabulendo bwinyu munkolongo inkulu yila. U Mwene u Chala winyu abanga namwe amaka 40 ghosi ghanagha, sona mutakasobelwapo ichintu nachimochimo.

Yoshwa 13:4

Impaka iyakuntende kokuti ichisu chosi icha ba Kenani, yikandila ku Ala mu Sidoni mupaka ku Afeki, chicho chikaba chigaba icha ba Amoli,

Yoshwa 24:8

“ ‘Pisinda pache nkabafisya muchisu icha ba Amoli, babo bakikalagha kubufumilo bwizuba ubwa lusoko ulwa Yolodani. Bakalwa namwe ubwite, loli nkababika munyobe zyinyu. Nkabanangannya pamaso papinyu, sona mukachifyula ichisu chabo.