Amosi 1:7 - IBAYIBOLO 2024

⁷ Nkwiza pakuluwisizya umoto ulubumba mu Gaza, ghugho ghukwiza pakughalungulizya amalinga ghache.

Amosi 1:7 Iomraidhean Croise

2 Abamwene 18:8

U Hezekiya akabapota aba Filisiti ukwandila kuchitembe ukufika kukaya akakulu nkani, kako kakaba ni linga mupaka ku Gaza, sona na muchigaba chosi ichakuzyungulila.

2 Imbili 26:6

U Uziya akabuka pakulwa ubwite naba Filisiti nukumongolannya ulupaso ulwa kaya akakulu aka Gati naka Yabine sona naka Ashidodi. Akazenga sona utwaya utukulu kupipi nakaya aka Ashidodi na kubunji kosi pakasi paba Filisiti.

Yelemiya 47:1

Agha gho mazyu ghagho u Mwene akamubuzya u Yelemiya nizya ba Filisiti, bo u Falabo u mwene uwa Ijiputi achili pakukazyungulila akaya akakulu aka Gaza aghakuti,

Yelemiya 47:5

Abantu aba mu Gaza bakwiza pakumwa isisi zyabo pachifukwa icha chitima, sona aba Ashikeloni bakwiza pakuba bulo myee. Mwee bantu abakusyalako, nkimba mukwiza pakwibolannya mupaka liyi?

Ezekiyeli 30:8

Po bakwiza pakuzimanya ukuti ane ne Mwene, bo napemba umoto mukaya aka Ijiputi, sona nukubaghogha babo bakumwavwa.

Ezekiyeli 39:6

Nkwiza pakutuma umoto pachisu icha Magogi na pabantu babo bakwikala umwakufwasa mulubazu ulwa nyanja, po bakwiza pakumanya ukuti ane ne Mwene.

Amosi 1:4

Nkwiza pakuwisizya umoto panyumba iya Hazayeli, ghugho ghukwiza pakughalungulizya amalinga agha Beni Hadadi.

Amosi 1:6

U Mwene akuti, “Pakuti abantu aba mu Gaza bakunanga kabilikabili, po ane ntakwiza pakubwisya ubukali bwane. Bakabalema abantu bosi, nukubaghulizya mu Edomu.

Amosi 1:8

Nkwiza pakumunangannya u mwene uwamu Ashidodi, sona na yuyo akulaghila mu Ashikeloni. Nkwiza pakubafunda abantu aba mu Ekiloni, mupaka aba Filisiti bamale bosi pakufwa.” U Mwene Uwamaka Ghosi anena.

Zefaniya 2:4

Akaya aka Gaza kakwiza pakulekiwa, sona akaya aka Ashikeloni kakwiza pakuba chisami. Akaya aka Ashidodi kakwiza pakulekiwa pakasi pamusanya, sona akaya aka Ekiloni kakwiza pakunyunkuliwa.

Aba Loma 12:19

Bamanyani bane, mutakatanizyanje ububibi, loli mumulekele u Chala ukuti atanizye. Pakuti Amasimbo ghakuti, “U Mwene akuti, ‘Ukutanizya ko kwane. Nkwiza pakutanizya.’ ”

Ukukumbusya Amalamulo 32:35

Ukutanizya ko kwane, ane nkwiza pakubatanizya babo kubabaghiye. Pakabalilo kache inyayo zyabo zikwiza pakutyelemuka, isiku lyabo ilya ntamyo lili papipi, sona ukunanganika kwabo kukwiza lubilolubilo.