Amosi 1:5 - IBAYIBOLO 2024

⁵ Nkwiza pakuzipyolannya impingwi izya milyango iya Damasika, sona nkwiza pakumunangannya u mwene, yuyo akwikala mwikombe ilya Aveni, sona na yuyo akulaghila mu Beti Edeni. Abantu aba mu Siliya bakwiza pakubuka kuchisu icha buzya icha Kili.” U Mwene anena!

Amosi 1:5 Iomraidhean Croise

2 Abamwene 14:28

Imbombo izinji zyosi zizyo u Yelobowamu uwabubili akabomba, nubwite bubo akalwa, sona namumo akabanyosezya aba Izilayeli akaya akakulu nkani aka Damasika naka Hamati zisimbiwe mwibuku ilya Mbili iya bamwene aba ba Izilayeli.

2 Abamwene 16:9

U mwene uwamu Asiliya u Tigilati Pileseli akamwamula u Ahazi pakulwa ubwite nakaya akakulu nkani aka Damasika nukukafyula. Akabasenda abantu babo bakikalagha mulamula nukubuka nabo ku Kili, sona akamughogha u mwene u Lezini.

Yesaya 22:6

Abasilikali aba chisu icha Elamu bakiza, bo bakwelite pafalasi, munyobe zyabo bo balemite ubwele ni mpalala, po abasilikali aba ku Kili bakiyannya, bo bali ni ngulu.

Yesaya 43:14

U Mwene Umutabuli winyu, Umuzelu uwa Izilayeli akuti, “Pachifukwa icha mwemwe, nkwiza pakutuma abasilikali babwite ku Babiloni, nkwiza pakupyola impingwi izya twaya utukulu nkani, ukukolomoka ukwa bantu bache kukwiza pakuba kulila.

Yesaya 8:4

Pakuti bo umwana achili pakwanda pakunena ukuti, ‘Tata’ pamo ‘Mayi.’ Ichuma icha mu Damasika nivyakufyuliwa ivya muchisu icha Samaliya vikwiza pakusendiwa nu mwene uwa ku Asiliya.”

Yelemiya 50:36

“Nizite nu bwite pabalaghuzi abamyasi! Bakwiza pakuba bapunganu. Nizite nu bwite pabasilikali bache! Bakwiza pakwizula nubogha.

Yelemiya 51:30

Abasilikali aba mu Babiloni baleka pakulwa, bakwikala mumalinga ghabo. Amaka ghabamaliye, baba ngati bakolo. Inyumba zyache zyapya numoto, impingwi izya pamilyango zyapyoka.

Nkuto 2:9

Imilyango yache yadwiba pasi, sona zyope ni mpingwi zyache zyananganika. Abamwene bache poka na makambala ghache bali kubuzya pakasi pa inko izinji. Batakuzikonka nalumo indaghilo, bope abalaghuzi bache batakwennya nalumolumo ivisetuka ivya Mwene.

Ezekiyeli 27:23

“ ‘Ichisu icha Halani nicha Kane nicha Edeni sona na baghulizi aba mu Sheba nicha Asiliya sona nicha Kilimadi vikaghulizannyanga nawe.

Ezekiyeli 30:17

Abalumendo aba mu Heliyopolisi nu Bubasitisi, bakwiza pakufwila kubwite, po abakolo bakwiza pakubuka kubuzya.

Hoseya 10:8

Ubuzilo ubwapamwanya ubwa Aveni, imbibi iya ba Izilayeli yimongoliwanje. Amivwa ni ntolovu vikwiza pakumela mulamula, nukuvivwinka ivighemo vyabo. Po bakwiza pakughabuzya amaghamba ukuti, “Tufisaye bulo!” Nukutubuzya utughamba ukuti, “Tuwilaye!”

Amosi 5:5

Mutakabuke pakwiputa ku Beteli, mutakabuke ku Giligali, pamo ku Belisheba. Pakuti naloli abantu aba mu Giligali bakwiza pakusendiwa nukubuka kubuzya, sona u Beteli akwiza pakuzimila ngati chintu ichabulo.”

Amosi 9:7

U Mwene akuti, “Nkimba amwe te mwe ba Izilayeli, babo bayanite bulo na bantu aba ku Etiyopiya? Fwandi te nene nkabefyamo aba Izilayeli muchisu icha Ijiputi, naba Filisiti muchisu icha Kileti sona naba Siliya muchisu icha Kili?”

Nahumu 3:13

Ennya abasilikali bako, bosi bali ngati bakolo! Imilyango iya chisu chako yibighukiye abalwani bako, sona umoto wazilungulizya impingwi zyabo.