Amosi 1:3 - IBAYIBOLO 2024

³ U Mwene akuti, “Pakuti abantu aba mu Damasika bakunanga kabilikabili, po ane ntakwiza pakubwisya ubukali bwane, pachifukwa ichakuti bakabayivya nkani abantu aba mu Giliyadi ni vyela ivyakukomelapo ingano.

Amosi 1:3 Iomraidhean Croise

1 Abamwene 19:17

U Yehu akwiza pakubaghogha abantu bosi babo batakaghoghiwa nu Hazayeli, sona u Elisha akwiza pakubaghogha abantu bosi babo batakaghoghiwa nu Yehu.

2 Abamwene 13:3

U Mwene akabakalalila aba Izilayeli, po akababika munyobe izya mwene u Hazayeli uwa ba Siliya, sona nu mwana wache u Beni Hadadi akabalilo na kabalilo.

2 Abamwene 13:7

U Yehowahazi atakasyalapo na basilikali nabamobamo, loli bene 50 babo bakendagha pafalasi ni ngolo izya bwite 10, sona na basilikali 10,000 babo bakendagha pasi pachifukwa ichakuti u mwene uwa ba Siliya akabanangannya abasilikali bosi nukubakanyankila ngati lufumbi.

2 Abamwene 16:9

U mwene uwamu Asiliya u Tigilati Pileseli akamwamula u Ahazi pakulwa ubwite nakaya akakulu nkani aka Damasika nukukafyula. Akabasenda abantu babo bakikalagha mulamula nukubuka nabo ku Kili, sona akamughogha u mwene u Lezini.

2 Abamwene 8:12

U Hazayeli akamulalusya akati, “Wee mwene wane, nkimba choni chicho ukulila?” U Elisha akamula akati, “Pachifukwa ichakuti inchimenye ichintu ichibibi chicho ukwiza pakubabombela aba Izilayeli. Ukwiza pakughocha amalinga ghabo, nukubaghogha abana babo abalumendo. Ukwiza pakubakomezya pasi abana babo, sona nukubatumbulannya abakolo babo bali pabung'wamu.”

Yobu 19:3

Aka teni ukuntuka bulo, sona ute ni soni pakundonga.

Yobu 5:19

Akabalilo na kabalilo, akwiza pakukupokagha kumayimba, nazimozimo intamyo zikwiza pakukuwila.

Ivyili 6:16

Vilipo ivintu vimo sikisi vivyo u Mwene avibengite, ivintu seveni vivyo vyamwiko kukwache.

Umulumbilili 11:2

Sunga indalama zyako mubuzilo ubwinji bulo, pakuti utachimenye ichintu ichibibi chicho chikwiza pakuwa pachisu ichapasi.

Yesaya 28:27

Utakubombezya ichela chakukomelapo ingano pakukoma ubusambya pamo ukale, loli akubombezya akakwi akapepusu pakukoma ukale, sona akubombezya indisa pakukoma ubusambya.

Yesaya 41:15

Ennya, nkwiza pakubapela pakuba chela chakukomelapo ingano, chicho chili namino amapya sona chikwete. Ukwiza pakughanyampannya amaghamba nukughasya, nukutupela utumaghamba pakuba lufumbi.

Yesaya 7:16

Bo umulumendo uyu achili atamenye pakukana ivibibi nukusala ivyiza, ichisu chicho chili pa bamwene babili babo mukubanyila chikwiza pakuba nkolongo.

Yesaya 7:8

Akaya akakulu nkani aka Damasika we mutu uwa Siliya, u mwene u Lezini yo akulaghila mwene mu Damasika. Ichene ichisu icha Efulayimu chikwiza pakunanganika, sona mutakwiza pakubamo abantu bo amaka 65 ghatamalite.

Yesaya 8:4

Pakuti bo umwana achili pakwanda pakunena ukuti, ‘Tata’ pamo ‘Mayi.’ Ichuma icha mu Damasika nivyakufyuliwa ivya muchisu icha Samaliya vikwiza pakusendiwa nu mwene uwa ku Asiliya.”

Amosi 1:11

U Mwene akuti, “Pakuti abantu aba mu Edomu bakunanga kabilikabili, po ane ntakwiza pakubwisya ubukali bwane. Akamuchimbizya umukamu wache nupanga, sona atakamupelela ichisa, pachifukwa ichakuti ubukali bwache bukakagha, sona ukukalala kwache kutakisiwa.

Amosi 1:13

U Mwene akuti, “Pakuti abantu aba mu Amoni bakunanga kabilikabili, po ane ntakwiza pakubwisya ubukali bwane. Pachifukwa ichakuti bakabatumbula akabibi abakolo abanyanda aba mu Giliyadi, umwakuti babanje ni chisu ichikulu nkani.

Amosi 1:6

U Mwene akuti, “Pakuti abantu aba mu Gaza bakunanga kabilikabili, po ane ntakwiza pakubwisya ubukali bwane. Bakabalema abantu bosi, nukubaghulizya mu Edomu.

Amosi 1:9

U Mwene akuti, “Pakuti abantu aba mu Tile bakunanga kabilikabili, po ane ntakwiza pakubwisya ubukali bwane. Pachifukwa ichakuti bakabaghulizya abazya bosi mu Edomu, sona bakaluvya ulufingo ulwa bukamu bwabo.

Amosi 2:1

U Mwene akuti, “Pakuti abantu aba mu Mowabu bakunanga kabilikabili, po ane ntakwiza pakubwisya ubukali bwane. Pachifukwa ichakuti bakocha amafupa agha mwene uwamu Edomu, mupaka ghakaba litoyi.

Amosi 2:4

U Mwene akuti, “Pakuti abantu aba mu Yuda bakunanga kabilikabili, po ane ntakwiza pakubwisya ubukali bwane. Pachifukwa ichakuti balukana ululaghilo ulwa Mwene sona baghasulannya amalamulo ghache. Pakuti abachala abamyasi babasobezizye, abachala babo abanyenya bakabiputagha.

Amosi 2:6

U Mwene akuti, “Pakuti abantu aba mu Izilayeli bakunanga kabilikabili, po ane ntakwiza pakubwisya ubukali bwane. Bakubaghulizya abagholosu nu siliva, sona abapina ni nkwato.

Zekaliya 9:1

Agha gho mazyu aghabulaghuzi agha Mwene ghagho ghakuchisusya ichisu icha Hadilaki, poka nakaya aka Damasika, pakuti abantu bosi muchisu ichapasi ba Mwene, sona zyope inko izya Izilayeli zya Mwene.

Zekaliya 9:2

U Hamati wepe apakanite nako, napapo u Tile nu Sidoni bo bafundi nkani.