Amosi 1:2 - IBAYIBOLO 2024

² U Amosi akati, “U Mwene akubuluma mu Ziyoni, sona akujilimisya mu Yelusalemu. Apakudimilapo ivitekwa pumiye, sona isote ilya pighamba ilya Kalimeli likufoka.”

Amosi 1:2 Iomraidhean Croise

Masalimo 29:4

Izyu ilya Mwene lyamaka, sona izyu ilya Mwene lya bulaghili.

Masalimo 46:6

Abantu aba inko izinji bakali, ubumwene ubwakulekanalekana bukutetema. Nanti u Chala akunena, ichisu chikusunguluka.

Ivyili 20:2

Ubukali ubwa mwene buli ngati kubuluma ukwa nkalamu, umuntu yuyo akumukalizya akubika ubumi bwache pachulu.

Yesaya 33:9

Ichisu chikulila sona chikunanganika, umusitu uwa Lebanoni ghukufoka, u Shaloni ali ngati we Alaba, ichisu icha Bashani ni cha Kalimeli vikulaghazya amani ghabo.

Yesaya 35:2

Chikwiza pakubazya ubwezya ubwinji, chikwiza pakusekela nkani, sona chikwiza pakuhoboka nukwimba. Ubuchindamu ubwa Lebanoni bukwiza pakupeghiwa kukwache, ichisu icha Kalimeli nu Shaloni, vikwiza pakwennya ubuchindamu ubwa Mwene, nu bukulu ubwa Chala witu.

Yesaya 42:13

U Mwene akulefuka ngati muntu uwamaka, sona ngati musilikali yuyo ali nulweke pakulwa ubwite, akukolomoka nukukoloma ukwa bwite, po akubapota abalwani bache.

Yelemiya 12:4

Nkimba ichisu chikwiza pakubanga chisanya mupaka liyi? Nkimba isote likwiza pakubanga lyumizu mupaka liyi? Pachifukwa ichakuti abantu babo bakwikala mulamula babibi, ivinyamana ni viyuni vikufwa. Loli pope bulo abantu bakwituvya bakuti, “U Chala atakuzyennya zizyo tukubomba.”

Yelemiya 14:2

“Aba Yuda bakulila, utwaya utukulu tukutamiwa, abantu bakughalaghata pasi nukuchililila ichisu, sona ukulila kukwivwika mu Yelusalemu.

Yelemiya 25:30

“Yelemiya, buka kabalaghulile ukuti, ‘U Mwene akwiza pakubuluma kumwanya, sona akwiza pakupaya mubuzilo bwache ubuzelu ubwakwikalamo, nukuchibungulizizya nkani pachisu chache. Akwiza pakukolomoka ngati bantu babo bakukanyanka amampesya, nukubakolomokela babo bakwikala muchisu.

Yelemiya 28:8

abalaghuzi abavula intazi, bakalaghula nizya bwite, nintamyo impalapala sona ni chiwaya vivyo vikwiza pakuziwila inko inyinji sona nu bumwene ubumanyikwe nkani.

Yelemiya 50:19

Loli nkwiza pakumunyosezya u Izilayeli pabuzilo bwache ubwakudimapo, po akwiza pakulyanga ku Kalimeli naku Bashani. Akwiza pakwikuta mutughamba utwa Efulayimu nu twa Giliyadi.’

Hoseya 11:10

Abantu bane bakwiza pakumukonka u Mwene, pakuti akwiza pakubuluma ngati nkalamu, bo akubuluma, abana bache aba kubwinjililo bwizuba, bo bakwiza kukwache, bakwiza pakutetema.

Hoseya 13:8

Nkwiza pakubanga ngati we labwe, yuyo bamufyula utwana twache, nkwiza pakabazepulannya. Sona nkwiza pakubamila bulo ngati nkalamu, nukubazepulannya ngati chinyamana icha munkolongo.

Yoweli 1:19

Wee Mwene, tukulila kukwako, pachifukwa icha moto ghugho ghocha apakudimilapo ivitekwa, zyope indimi izya moto zyocha amakwi ghosi.

Yoweli 2:11

Izyu ilya Mwene likujilimisya pamaso pabasilikali bache, abasilikali bache binji nkani ukuchilapo. Bamaka babo bakubomba zizyo u Mwene akulonda. Isiku ilya Mwene likulu nkani, sona lyakoghofya nkani. Nkimba wewenu yuyo angajimba?

Yoweli 3:16

U Mwene akwiza pakubuluma mu Ziyoni, sona akwiza pakupaya mu Yelusalemu. Kumwanya ni chisu ichapasi vikwiza pakuyingana. Loli u Mwene akwiza pakuba chakuponelamo abantu bache, sona akwiza pakuba lilinga ilya ba Izilayeli.

Amosi 9:3

Napapo bangavwama pamwanya pighamba ilya Kalimeli, nkwiza pakubalonda nukubalema. Napapo banganvwama pasi panyanja, nkwiza pakuyilamula injoka ukuti yibalume.

Nahumu 1:4

Akuyichemela inyanja nukuyikamusya, sona akuzikamusya isoko zyosi. Ivimelwa ivya mu Bashani nivya mu Kalimeli vikufoka, bope ubwezya ubwa mu Lebanoni bukumila.

1 Samuweli 25:2

Kukabako umuntu yumo ku Mawoni mukaya aka Kalimeli, yuyo akaba ni vyuma nkani. Umuntu yunuyu akaba mukabi nkani, sona akaba ni ng'ozi 3,000 ni mbuzi 1,000. Pakabalilo kalakala akaba mu Kalimeli pakudumulila ing'ozi zyache.