Amosi 1:14 - IBAYIBOLO 2024

¹⁴ Nkwiza pakuluwisizya umoto ulubumba lwache mu Laba, ghugho ghukwiza pakughalungulizya amalinga ghache. Po kukwiza pakuba ichongo ichikulu nkani pisiku ilya bwite, yope impepo yikwiza pakubako ngati we kankungu.

Amosi 1:14 Iomraidhean Croise

2 Samuweli 11:1

Pakabalilo kako amakwi ghakalembagha amani, sona bo abamwene bakubuka pakulwa ubwite, u Devedi akamutuma u Yowabu, na basongo aba basilikali, poka naba Izilayeli bosi. Bakabapota aba Amoni nukukazyungulila akaya akakulu nkani aka Laba. Loli u Devedi akasyalikila mu Yelusalemu.

2 Samuweli 12:26

Pakabalilo kalakala u Yowabu akalwa ubwite nakaya akakulu nkani aka ba Amoni naka Laba nukukafyula.

2 Samuweli 12:31

nukubefyamo abantu aba mukaya kala. Po akababombezya imbombo iyakupala amatabwa na bapiki ni ntemo sona bakababombezya imbombo iyakukoma injelwa. Akatubombela bunubu utwaya tosi utukulu utwa ba Amoni. Po u Devedi na basilikali bache bosi bakabwela ku Yelusalemu.

1 Imbili 20:1

Pakabalilo kako amakwi ghakalembagha amani sona bo abamwene bakubuka pakulwa ubwite, u Yowabu akabalongozya abasilikali nukuchinangannya ichisu icha ba Amoni, mupaka nukukafyula akaya akakulu nkani aka Laba, loli u Devedi akasyalikila mu Yelusalemu. U Yowabu akakanangannya akaya kala nukukapela pakuba chisami.

Yobu 39:25

Nanti ipati likulila, akuti, ‘Aha!’ Izyene zimenye pakwivwa umunusi uwabwite kubutali sona zikwivwa nanti usongo uwabwite akwitizya ivilundilo ivya bwite.

Masalimo 83:15

Momumo ubachimbizizye nu kankungu. Nukuboghofya nimpepo iyakuka.

Yesaya 29:6

u Mwene Uwamaka Ghosi akwiza pakukwizila, nukupaya na kasenyenta sona ni chongo ichikulu nkani, nukankungu nu kabefu sona ni ndimi izya moto uwakulungulizya.

Yesaya 30:30

U Mwene akwiza pakubapela ukuti abantu bivwe, izyu lyache ilya maka, sona nukubapela ukuti bennye inyobe yache yikwikila, nu bukali ubwakoghofya numoto uwakulungulizya, nukupunta ukwa mabingu, nukupaya sona nivula iya mabwe.

Yesaya 9:5

Isapato zyosi zizyo abalwabwite bakabombezya kubwite, sona amenda ghosi ghagho ghatonyeliwa nibanda, ghakwiza pakochiwa numoto ngati nkwi.

Yelemiya 23:19

Ennya impepo iya Mwene yikwiza nubukali yiyo yili ngati ko kankungu kako kakwiza, pamitu iya bantu ababibi.

Yelemiya 49:2

Loli amasiku ghakwiza, ghagho nkwiza pakubalizizya ipati aba Laba, akaya akakulu nkani aka ba Amoni. Ane ne Mwene nanena. “Akaya akakulu kanaka kakwiza pakuba chisami sona utwaya tuto tukazyunguliye tukwiza pakwaka umoto. Po u Izilayeli akwiza pakubachimbizya, babo bakamuchimbizyamo. Ane ne Mwene nanena.

Ezekiyeli 21:20

Lanjizya mumo upanga akwiza pakwenda ukubuka ku Laba uwa ba Amoni sona uyunji mukaya akakulu nkani aka Yelusalemu kako kazyunguliliwe na malinga muchisu icha Yuda.

Ezekiyeli 21:22

Munyobe yache indilo muli ichimanyilo chicho chisimbiwe ukuti, ‘Yelusalemu,’ kuko u mwene akwiza pakulamula nizya kughogha abantu nukulizya ipati ilya bwite, bo ali pakuyannya ivya kupankulila imilyango, sona bo akuyannya amasabi amakulu nukuzenga amalinga.

Ezekiyeli 21:25

“ ‘Nawe bulo we mwene uwa Izilayeli, we mubibi sona we munyazu isiku lyakukwanila, kope akabalilo aka lufundo kakufikila.

Ezekiyeli 25:5

Nkwiza pakukapela akaya aka Laba pakuba buzilo ubwakudimilapo ingamila sona ichisu icha ba Amoni pakuba chibagha icha ng'ozi. Po mukwiza pakumanya ukuti ane ne Mwene.

Ezekiyeli 25:7

polelo nkwiza pakugholosezya inyobe yane papinyu nukubabika pakuba chakufyuliwa icha inko. Nkwiza pakubanangannya nukubazimizya mwebosi muchisu ichapasi. Nkwiza pakubanangannya, po mukwiza pakumanya ukuti ane ne Mwene.” ’

Daniyeli 11:40

“Bo akabalilo aka mwene uwa kumitu kali papipi pakukwana, u mwene uwa chisu icha kuntende, akwiza pakulwa nawe ubwite, loli u mwene uwa chisu icha kumitu akwiza pakumunyelela ngati we kankungu pakubombezya ingolo izya bwite, ni falasi, sona na mabwato amakulu nkani aminji. Akwiza pakwiza muvyisu vila ngati gho mizi aghakwizula.

Amosi 2:2

Nkwiza pakubawisizya umoto abantu aba mu Mowabu, ghugho ghukwiza pakughalungulizya amalinga agha mu Keliyoti. Abantu aba mu Mowabu bakwiza pakufwila kubwite ubwa chongo nkani, bo abasilikali babo bakukolomoka nukulizya amapati.

Zekaliya 7:14

Nkabanyampannya nu kankungu pakasi pa inko zyosi, kuko bakaba bayeni. Ichisu chabo chikaba chisami umwakuti nayumoyumo umuntu angikalamo. Umu momumo bakachipelela ichisu ichiza pakuba chisami.’ ”

Ukukumbusya Amalamulo 3:11

U Ogi u mwene uwamu Bashani umu Lefayimu, weyuyo akapona. Ichitala chache chikaba cha chela, ubutali bwache chikaba amamita folo, sona mububaba chikaba amamita mabili. Ichitala chilachila chichili chilipo nilelo mu Laba muchisu icha ba Amoni.