Amosi 1:11 - IBAYIBOLO 2024

¹¹ U Mwene akuti, “Pakuti abantu aba mu Edomu bakunanga kabilikabili, po ane ntakwiza pakubwisya ubukali bwane. Akamuchimbizya umukamu wache nupanga, sona atakamupelela ichisa, pachifukwa ichakuti ubukali bwache bukakagha, sona ukukalala kwache kutakisiwa.

Amosi 1:11 Iomraidhean Croise

2 Imbili 20:10

“Loli aba Amoni naba Mowabu sona na bantu aba kwighamba ilya Seyili babo ichisu chabo ukabakanizya aba Izilayeli ukuti batakachifyule, bo bakwepamo mu Ijiputi. Po bakabwelako nukubaleka bumi.

2 Imbili 20:11

Ilelo ennya namumo bakututanizizya pakutuchimbizyamo muchisu chicho ukatupa pakuba mpyana yitu.

2 Imbili 28:17

Aba Edomu bakiza sona pakulwa ubwite mu Yuda nukubalema abantu pakuba bakayidi,

Masalimo 137:7

Wee Mwene, kumbukagha zizyo aba Edomu bakabomba, pisiku lilyo akawilagha Yelusalemu bakati, “Mumongolannye! Mumongolannye mupaka palwalo lwache!”

Masalimo 85:5

Nkimba ukwiza pakutukalalila bwila na bwila? Nkimba ukwiza pakukalala mupaka ku nkulilo izya muntazi?

Umulumbilili 7:9

Utakakalalaye lubilolubilo, pakuti ukukalala kwa bapunganu.

Yesaya 57:16

Ntakwiza pakulongana nu muntu bwila na bwila, pamo ukumukalalila amasiku ghosi, pakuti mumwane momumo mukafumila umuzimu, sona nene nkaghupela umuyi uwa bumi.

Hoseya 8:3

Loli aba Izilayeli bachikana chicho chiza, po umulwani akwiza pakubachimbizya.

Yoweli 3:19

Loli u Ijiputi akwiza pakuba chisami, wepe u Edomu akwiza pakuba nkolongo, pachifukwa icha kulwa ubwite na bantu aba mu Yuda nukukupula ibanda ilya bantu babo bate ninongwa muchisu chabo.

Mika 7:18

Nkimba we Chala wenu yuyo ayanite nawe, yuyo akuhobokela imbibi sona nukunanga ukwa bantu abakusyalako pakuba mpyana yache? Utakukalala bwila na bwila, loli akuhoboka nkani pakubapelela ichisa.

Zekaliya 1:15

loli inzikalaliye nkani inko zizyo zili pamutende. Nazikalaliye panandi bulo, loli ilelo babafunda nkani abantu bane.’

Malaki 1:2

U Mwene akubabuzya abantu bache akuti, “Nabaghana nkani.” Loli mukundalusya mukuti, “Nkimba utughanite bulibuli?” U Mwene akwamula akuti, “Nkimba u Esabu nu Yakobo batakaba banamuntu? Imughanite u Yakobo,

Malaki 1:4

Aba Edomu bakuti, “Napapo utwaya twitu utukulu twananganika, pope bulo tukwiza pakutuzenga sona.” Loli u Mwene Uwamaka Ghosi akuti, “Napapo bangatuzenga sona loli nkwiza pakutunangannya. Tukwiza pakwitiziwa ukuti ichisu ichibibi, tuto abantu bache u Mwene abakalaliye bwila na bwila.

Aba Efeso 5:1

Polelo mweghelelaye kwa Chala, pakuti mwe bana bache abaghaniwa.

Ukukumbusya Amalamulo 23:7

Mutakabasamule aba Edomu, pachifukwa ichakuti bo bakamu binyu. Mutakabasamule aba Ijiputi pachifukwa ichakuti pakabalilo kamo mukaba mwe bayeni muchisu chabo.